السلام عليكم ورحمة الله وبركاته
بنات انا ضايقه فيني الدنيا وكل يوم دمعتي على خدي عيوني تقل عيون عجوز من الصياح ... ولي مده افكر بالطلاق وحلومي كلها من تفكيري تعبت والله ولاحد حاس فيني
بقولكم كل شي بالتفصيل وعلموني مشكلتي وين ووش الحل احس اني ضاايعه مادري وش اسوي
اول شي انا متزوجه من 3 سنين وشوي وعندي ولد وحامل بالسادس ........ اهلي واهل زوجي بنفس ديرتنا
زوجي دايم برى البيت عند اهله او في استراحه مع اخوانه وعيال عمه .. واهله ماشاء الله اسره مترابطه دايم متجمعين البنات المتزوجات كل يوم عندهم
وانا اهلي دمااار مايبون احد يجي لبيتهم مايتحملون بزارين وخواتي المتزوجات ارتاح معهن بس مااقدر اشوفهن لان اهلي مايبون احد .. احيانا انا واختي نطلع سوى لحديقه ولاتجي لمي او ازورها بس قليل لان زوجها اهله مهب عنده وصعبه تخليه .......... انا عادي اجي لبيت اهلي اتحمل كل شي الا وحده من خواتي ماتزوجت مسويه نفسها اسد على غفله متكبره وياويل ولدي يقرب من عندها وانا مااتحملها قليلة ادب معي بصراحه ماتبي احد يجي للبيت تحسبه بيته وتراها قويييه مااقدر عليها احاول اتحاشاها اكرهه كره ويارب تعرس اليوم قبل بكرى ........
انا ماصدقت اتزوج واطلع من بيت اهلي على بالي ابتهنى مع زوجي ولقيت نفسي غصب ارجع لاهلي وانذل لهم لان زوجي مبسوط مع اهله ولاهو حاس فيني مستانس واذا قلت له زهقانه قال روحي لاهلك وشوله يعرس اجل احس انه عايش كأنه عزوبي على كيفه متزوج بس علشان اسم متزوج وله عيال ولاهو يمكن مايبي العرس
اكره الاجازات .. واكره الاربعاء والخميس لانها مو من حقي مخليها لوناسته مع اهله واخوانه من اول ماتزوجت وهوحارمني من هالايام اذا بغينا نطلع يخلي الطلعه في ايام الدوام بس
انا ماانكر انه طيب ولاعمره رفع صوته علي ومايرد لي طلب اذا قادر مع اني اصلا منب راعية طلبات ويحب ولدي ومايقصر علينا وماشاء الله محافظ على الصلاة ولاعنده خرابيط ياربي لك الحمد يعني مستقيم بس مشكلته عنده مرض نفسي عنده وسواس وخوف من الموت والمرض تعب وتعبني معه ماعنده سالفه الا هذا يوجعن قلبي بيوقف بي سرطان بي جلطه قولون كل شي كل شي اول مايسمع خبر وفاة ينعفس فوق تحت ولا سمع ان احد مريض يبدا يوسوس بنفس المرض دفع مبالغ طائله للمستشفيات كشفيات وتخطيط قلب وطلع مشكلته بس قولون وماعنده مرض اخر شي اهله ودوه لطبيب نفسي صرف له حبوب والحمدلله احسن بس اول ماتخلص الحبوب يهد حيلي بالوسواس كرهت عيشتي اول مايدخل البيت يبدا يون علي هذا يوجع هذا يوجع ويتدهن بمراهم وزيوت وفكس كل يووووم تخيلوا كل يوم قبل النوم وياخذ مسكنات بالهبل وبس يفكر ولاهو معي واكره شي عنده السفر اذا سافرنا تزيد عليه الحاله كرهههههت عيشتي مااقدر انبسط ابد وبنفس الوقت اللي يكون فيه مريض يطلع ينبسط مع اخوانه واهله والمرض والوسوسه عندي انا انا وش ذنبي طيب ؟؟ واذا بدا ياخذ الحبوب وتحسنت حالته فسق علي وكل وقته برى البيت يعني وناسته مهب لي انا لي الغثا بس .. تخيلوا طول وقته الاستراحه واذا جاء عندي لازم يفتح التلفزيون ولا الاب توب .. تخيلوا كل يوم يسهر واذا صلى الفجر يجي يكمل لعبه مع اخوانه على اللاب توب يلعبون شطرنج وخرابيط ووين ؟؟؟؟ على السرير وانا تقل حماره عنده مايحس بي ابد ودي اطرده من البيت وشوله يجي ؟؟؟
والعلاقه الخاصه حدث ولاحرج ... هاجرني هجرااااان .. تخيلو بالشهر مره او كل شهر ونص مره والله العظيم وانا توي بعز شبابي والحمد لله ماامدح نفسي الكل يتمناني واهتم بنظافتي بس هو اعرفه لو عنده ملكة جمال بيسوي نفس الشي مايهتم بالجنس ولا بالحريم هذا اخر اهتمامه غير عن الرجال احس انه مهب رجل .... والله العظيم اني اتعذب واحس بالنقص ونفسيتي تعباااانه من هالشي ودي اذبح نفسي وارتاح
وكم مره افاتحه بالموضوع اخاف بيننا سحر ولا شي لانه مهوب طبيعي كذا .. اسأله اقول انا تشوفني شينه ؟؟ ولا ريحتي شينه ؟؟ يقول مافيه احسن منك واحبك بس انا تعبان وهالاوجاع والوسواس منكد علي ..واحس انه مايبيني افاتحه بهالموضوع يتهرب ماوده لانه مايبي هالشي مدري ليش ........... وانا ادري مو كله علشانه تعبان لالالالالالا لانه مشغووووووووووول عني ولاهي ويجي يبي ينام وبس
حتى برمضان اذا صار بيفطر عندنا يفطر ويتفرج على التلفزيون وحاقرني بعدين يطلع يصلي العشاء ولا يرجع الا على الفجر يعني بالله عليه متى اشوفه واخذ حقوقي انا بشر ياناس وبعز شبابي لي حق اتمتع بزوجي بس انا محرووووووومه احس اني عجوز مية سنه ياااربي من هالدنيا ... ودي اخذ زوج يحترمني يعتبرني عائلته وينبسط معي ويموت علي ويغار علي آآآآآآآه بس
تخيلوا مايغار علي ابد ابد اذا بغيت شي بالتلفون مثلا بائع رجل اقوله انت كلم يقول لا انتي وقدامه اكلم عاادي عنده .. وبالسوق عادي عنده اهرج مع الرجال واتفاهم معهم .. ومره رحت مع اهلي للسوق مع سواق وانا حامل ومالي مكان رحت جلست قدام ويوم رجعت قلت له سوى نفسه زعل شوي وهو عااادي ولاهمه حتى قلت له ترى اذا خليتني اروح مع اهلي مالي مكان الا قدام .. وعادي يتناسى مامنعني اروح معهم
ودي اتطلق منه احس اني كارهته خلاااااص بعد ماكنت اموووت عليه بس هو اللي بيهدم بيتنا بهجرانه وعدم اهتمامه ولايحاول يصلح الوضع اذا تكلمت معه وصحت ومت صياح عنده يتناسى كأنه معجبه الوضع ولايبي شي يتغير لانه هو مستانس عااادي ...يقول وش فيه ماعندنا مشاكل ....... ودي اخذ موقف واروح لبيت اهلي يمكن يحس على دمه ويشوف له صرفه يقرا على نفسه عند شيخ ويغير نفسه بس مااقدر اروح لاهلي ذياااابه مااتحمل اختي ولايوم ... انا اتحمل بس ولدي مابي اتعب الاحقه بزر صغير ماودي تجي اختي وتنافخ علي وعليه ابي اعيش بكرااامه وراحه ...
افكر بالطلاق بس تفكير بس مستحيييييييييل عشان ولدي واللي في بطني ماودي اشتتهم بس انا مااقدر اتحمل احس الهم بيذبحني ياااااااااااارب وش اسوي وين اروح حسبي الله وهو النعم الوكيل .. حسبي الله وهو النعم الوكيل:44:
اسم على مسمى @asm_aal_msm
عضوة فعالة
يلزم عليك تسجيل الدخول أولًا لكتابة تعليق.
اسم على مسمى
•
لااله الا الله
الله يفرجها عليك ياقلبي ,,
كلميه مره ثانيه .. غيري من روتين البيت .. غيري ترتيب الغرفة ,, اعملي له أي مفاجأه ,, قولي له مثلاً عازمتك بمطعم .. بكافي ,, قولي ودي نطلع انا وانت نتمشى اليوم .. أو خلي أختك وزوجها يعزمونكم ..
كل هالأشياء لا تبينين له إنك تسوين كذا عشان تصرفينه عن أهله ,, بيني إنك ودك بتغيير جو ..
اذا يمديك خلي أحد أخوانك يحجز لكم يومين بشاليه بعيد عن منطقتكم ,, روحوا له بالويك آند ,, وسوي له عالم ثاني هناك ,, منها يحس بقيمتك ,, ومنها مايكونون أهله حوله ومايقدر يروح لهم
حسسيه بالأمان ,, اذا جاب طاري الموت إقري عليه ,, ترى هذا مرض وأعرف وحده تعاني منه لا تلومينه اذا شكى لك ,, ماشكى لك الا يبي الراحة عندك .. احضنيه وسمي عليه ومرّخيه ,, شغلي عنده قرآن بالغرفة وخصوصاً سورة البقرة خليها دايم شغاله تطرد الشياطين
روووووووحي لأهله واختلطي فيهم وفي خواته ,, حببيهم فيك لا تصيري ثقيله عليهم .. اختلطي حتى في بنات عم زوجك وسلايفك ,,
ودامه مايغار أكيد مو مانعك تزورين الجيرآن وصديقاتك .. اعملي دوريه مع جيرانكم وروحي لهم كل ما راح لإخوانه
وأهلك روحي لهم يا شيخه وش عليك من أختك .. انا مثل اختك ماتزوجت وبس أهاوش في عيال خواتي اذا جو عندنا .. وخواتي عادي موسعين صدورهم ومتحمليني وينادوني عشان أطق عيالهم هههههههه
وسعي صدرك يا شيخه ,, والله يفرج همك ويسخره لك ,, لا تنسي أهم شي الدعاء أسألي رب العالمين إنه يسخر لك زوجك واستغفري واجد ..
موفقه ياقلبي :)
كلميه مره ثانيه .. غيري من روتين البيت .. غيري ترتيب الغرفة ,, اعملي له أي مفاجأه ,, قولي له مثلاً عازمتك بمطعم .. بكافي ,, قولي ودي نطلع انا وانت نتمشى اليوم .. أو خلي أختك وزوجها يعزمونكم ..
كل هالأشياء لا تبينين له إنك تسوين كذا عشان تصرفينه عن أهله ,, بيني إنك ودك بتغيير جو ..
اذا يمديك خلي أحد أخوانك يحجز لكم يومين بشاليه بعيد عن منطقتكم ,, روحوا له بالويك آند ,, وسوي له عالم ثاني هناك ,, منها يحس بقيمتك ,, ومنها مايكونون أهله حوله ومايقدر يروح لهم
حسسيه بالأمان ,, اذا جاب طاري الموت إقري عليه ,, ترى هذا مرض وأعرف وحده تعاني منه لا تلومينه اذا شكى لك ,, ماشكى لك الا يبي الراحة عندك .. احضنيه وسمي عليه ومرّخيه ,, شغلي عنده قرآن بالغرفة وخصوصاً سورة البقرة خليها دايم شغاله تطرد الشياطين
روووووووحي لأهله واختلطي فيهم وفي خواته ,, حببيهم فيك لا تصيري ثقيله عليهم .. اختلطي حتى في بنات عم زوجك وسلايفك ,,
ودامه مايغار أكيد مو مانعك تزورين الجيرآن وصديقاتك .. اعملي دوريه مع جيرانكم وروحي لهم كل ما راح لإخوانه
وأهلك روحي لهم يا شيخه وش عليك من أختك .. انا مثل اختك ماتزوجت وبس أهاوش في عيال خواتي اذا جو عندنا .. وخواتي عادي موسعين صدورهم ومتحمليني وينادوني عشان أطق عيالهم هههههههه
وسعي صدرك يا شيخه ,, والله يفرج همك ويسخره لك ,, لا تنسي أهم شي الدعاء أسألي رب العالمين إنه يسخر لك زوجك واستغفري واجد ..
موفقه ياقلبي :)
لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
الصفحة الأخيرة