علموني طريقة المعكرونة العادية

هلآ ،
قطعي بصل وفلفل رومي الاخضر واحمسيهم بزيت
وحطي طماط وخليهم لين يتشقرون وحطي صلصة كثري شوي
وحطي شطة سومطرا اذا عندك وحطي المويه مووواجد وحطي المكرونه
وبلعافيه

شوفي اختي كشني بصل وشوية ثوم وطماطم مفروم وفلفل رومي واضيفي لها معجون طماطم وبهارات وزعتر مجفف بعدين زيدي عليها شوية مويه وخليها تتسبك شويه تكوني سلقتي مكرونه اخلطيها مع الصلصله اضيفي عليها جبن موزريلا وحركيها وبالعافيه
دعواتك لي اكوون حامل

يااااااااارب يرزقك الحمل السليم اللهم امييين

ومشكورة مرت علووو

وحدة طمااااااااااااااعة ابي وصفات بعد

قطعي البصلوزيت وحمسيه شويه وبعدين قطعي عليه فلفل رومي وابشري شوية جزر وحركيه شويه الين يتغير لونها لذهبي
بعدين حطي صلصه وماجي وفلفل اسود وكمون ملعقه صغيره كركم وفلفل باربيكانو وحركيها شويها وحطي المكرونه وجلسي حريكها الين تشوفين المكونات كلها تجانست طفي عليها بس
هذي طريقتي جربيها وبتدعين لي
ملاحظه لاتحطين طماط وكمان تبغين اكلك يطلع لذيذ الكمون لاتاخذين مطحون خذي حب وقت الحاجه خذي الكميه الي تكفي طبختك ودقيها في الهاون والله العظيم احلا ويصير في الاكل نكهتك الخاصه
واي خدمه اناجاهزه

بسيطه جداا

كشني بصل مع زيت وخليه يتحمر شوي وبعدين اضيفي طماطم مقطعه ونص علبة الصلصه ( ضروري نصها تطلع حلوه )

وترا الصلصه هي اللي تخلي النكهه حق الاكل والايدامات احلى كل مازادت

وملح وملعقه بهارات مشكله مطحونه وخليها تتسبك شويه

بعدين اضيفي مويه لنص القدر الصغير واسلقي المكرونه فيها

وبس

وانصحك انك تخلي المكرونه تنسلق بنفس موية الكشنه .. يعني لاتخليها تنسلق لحال لا


وان شالله تعجبك وانتي عاد ذوقيها وشوفي ايش ناقصها ..

موفقه حبيبتي