علموني طريقة تشغيل غسالة الاوتماتيك whirpool بالصووور

أم وريف وبتال :

شوفي اختي اول زر من يسار الغساله حق مستوى المويه اول شي سمول يعني صغير وميديم يعني وسط وسوبر يعني كبير طبعا تختاري على حسب كمية غسيلك الازرار الي بالوسط الخمسه الاولى من اليسار حقت حراره المويه للغسيل الكلمه الي فوق والشطف الكلمه الي تحت انتي تختاري طبعا هوت يعني حار و وورم يعني دافي وكولد يعني بارد اضغطي على الزر الي يناسبك للغسيل والشطف يعني مثلا الالبيض اختاري له هوت ووروم او وورم ووررم زي منتي حابه الزرين الي بجنبها مع بعضهم هذي اذا كنتي تبين شطفه ثانيه بالمويه بعد الشطفه الاساسيه يعني اذا اخترتي on بعد ماتغسل الغساله وتصرف المويه وتعبي للشطف وتشطف وتصرف المويه تعبي مره ثانيه وتشطف مويه بس مره ثانيه وماله داعي عالزر خليه احسن oof اصراف مويه احسه شطفه وحده تكفي اما الزر الكبير الاخير حق برنامج الغسيل كل برنامج تختارينه على حسب كميه الوسخ بالملابس او نوعيه الملابس خفيفه ولا ثقيله اول شي برنامج النورمل NORMAL يبدأ من كلمة OOF الي مكتوبه بداخل اللون الاحمر ومكتوبه بالابيض هذي تجين عندها بالمفتاح وتسحبينه على برا وتشتغل الغساله وهو اقوى برنامج فيها شغله قوي ويستخدم للملابس البيضا مثل الثياب والملابس و الداخليه والملابس الملونه الي فيها وسخ قوي يعني الملابس الشديدة الاتساخ كلها على ذا البرنامج طبعا ممكن لفه وحده ماتكفي بالذات للأبيض فيبغالك تعيدين عليها اول ماتوقف قبل لاتصرف المويه ثاني برنامج الي بعدها SYNTHETICS هذا الي اخف من النورمل انا استخدمه للملون الي وسخه مو قوي مره وللمناشف وكل شي تقريبا ماعدا الابيض وشديد الاتساخ الي بعده برنامج DELICATES هذا للملابس الخفيفه الي ينخاف عليها مثل الاشمغه والملابس الجديده والمطرزات واقمصة النوم يعني الي تخافين عليها عموما لأنه هالبرنامج يشتغل بخفه ومايطول كثير اما آخر برنامج HAND WOOSH هذا عاد مره على الي تبين تمررين عليها المويه والصابون بس شغلته مره وحده بس يشتغل شوي ويوقف ثم يصرف المويه ماستخدمته من بعدها احس البرنامج الي قبله يكفي عنه يمكن انتي تحتاجينه والغساله عموما مع الممارسه راح تعرفينها وتفهمينها زين وتستخدمين برامجها على حسب مايناسبك انتي واي شي اختي تحتاجينه اسألي اذا مارجعت لموضوعك ارسلي لي على الخاص وابي منك تدعيلي ان ربي يخفف علي آالام الحمل ويسهل علي ولادتي

شوفي اختي اول زر من يسار الغساله حق مستوى المويه اول شي سمول يعني صغير وميديم يعني وسط وسوبر...