علموني طريقه الاسباجتي والله اتوحم

السلام عليكم ورحمة الله وبركاتة
أي نوع قصدك اذا كنتي تقصدي اللي بالطماطم تكون مثل الكبسة تقطعين بصل وتحمسينه مع شوي زيت ثم تحطي عليه طماطم مقطع صغار وصلصة الطماطم والملح والفلفل الأسود وتخليه حتى يذوب الطماطم ثم تحطي عليه دجاج مقطع أثمان وممكن الاستغناء عنه ثم اضيفي الماء وبعد ماينضج الدجاج اضيفي الاسباجيي وتخليها حتى تنضج وبالعافيه وفيه طريقة ثانية اللي هي تسلقي الأسباجتي بماء وملح وزيت وتسوين له خلطة للوجة الي هي تحمسي بصل وتضيفي عليه صلصة ثم لحمة مفرومه وملح وفلفل وبهارات وتخليها لى النار حتى تنضج وممكن تستبدلي اللحمة المفرومة بلحمة مقطعه قطع صغيرة وممكن تضيفي بقدونس عند التقديم فتحطي الأسباجتي في الصحن ثم على الوجه اللحمة بالصلصة والبقدونس وان شاء الله أكون أفدتك لأن ما ادري هذي الطريقة اللي تبين أو غيرها اذا غيرها ياليت تقولي وصفها ممكن اعرف طريقتها

حجابي عفافي
جزاكي الله خير

بس اللي انا نفسي فيها بدون دجاج وياليت يكون فيها خضار زي الفلفل الرومي
اتمنى تفيديني

طريقتي بالاسباجتي
تحمسين بصل ولين شوي يذوي تحطيم عليه الطماط المفروم وتقلبينهم على النار وتضيفين عليهم بهارات وملح وفلفل اسود و كزبرة ناشفة
واي خضار تفضلينه واخيرا معجون طماط وشوية ماء

تسلقين الاسباجيتي بماي وملح وتصفينها

طريقة التقديم تحطين الاسباجيتي بصحن وتحطين بالنص الخلطة وبالعافية


ملحوظة ... ممكن تستغنين عن اللحم وممكن تبدلينه بالخضار المشكلة

ستارز
جزاكي الله الجنه
طيب كم مدة سلق الاسباغتي ؟؟؟؟؟؟؟؟عشر دقايق مثلا


والله يابنات مايصير كذا ساعدوني

شوفي يا أختي اغلى ناسي أبعطيك هالطريقة وجربيها وان شاء الله بتعجبك
قطعي البصل صغار واحمسيه وأضيفي عليه فصين ثوم مفروم ثم اضيفي صلصة طماطم وطماطم مفروم والملح والفلفل الأسود وخليه يتسبك شوي وبعدين أضيفي عليه فلفل اخضر وجزر وبطاطس كلها مقطعه بشكل اصابع ثم الماء وأتركيه حتى ينضج الخضار ثم أضيفي السباجتي واتركيها عشر دقائق ثم عليك بالعافية جربيها وردي علي وش رايك هي اللي نفسك فيها أو لا