علموني عجينة البيتزا

هلا الغاليه نوره

شوفي لا زم تتأكدين انج تستعملين الخميره الفوريه اللي بالأكياس اليابسه عرفتيها طبعا

بعدين شو رايج تستخدمين عجينة العشر دقايق طرية وسريعه بس لانج أول مره تستخدمينها

فأنا بعطيج طريقتها بنص المقادير جربي وخبريني أووووكي

ييبي طاسه حطي فيها كاس ماي + كاس طحين أبيض + ملعقة خميرة فورية + ملعقه حليب نيدو بودرة+ نص فنجان سكر وحركيهم بالسلك زين ما زين أو بالملعقه طبعا راح اتكون سايله عادي بعدين بنزيد طحين

وغطي الطاسه وخليها عشر دقايق في مكان دافي

بعدين افتحي عن الطاسه بتلاقين العجينه ارتفعت شوي زيدي عليها كاس ونص طحين أبيض وربع كاس زيت واعجني زين بايدج واذا حستي انها تتلصق باديج زيدي شوي طحين

وعلى طول سوي فيها اللي تبينه بيتزا فطاير بأي حشوه دونات خلية نحل ...الخ

هذي الطريقة يا نورة مجربه عندي ربع ما كانوا يضبطون ابد المعجنات ويوم علمتهم هذي الطريقه ما شا الله الحينه اوكي ويشكروني عليها .

جربي وردي لي خبر

طريقه دردشه مطابخ تجنن ومجربتها

تضعين في الخلاط (( كأسين ماء - م كبيرة خميرة - خمس ملاعق حليب -ملعقتين زيت - ملح -سكر - (
تخلطينهم بعدين تحطينهم على الدقيق حسب مايكفي وتكون لينة شوي ألين من الفطائر
في الصيف لاتتركينها تخمر كثير تطلع ريحة الخميرة يعني ربع ساعة كفاية .بعدين تكورينها في صينية الفرن لمل تنتهي الكمية ثم تضغطين بيدك تفردينها شوي يعني لاتستخدمين الفرادة ( النشابة ) وضعي عليها الحشوة
أول ماتطلعينها حطيها في الحافظة ..

جزاكم الله الف خير اخواتي
انشاء الله بجرب هاذي الطرق وبخبركم بالنتيجة
((سهل الله خطاكم لدروب الجنة ))

وتظل الأخوة ويزداد الحب في الله ويبقى الدعاء بظهر الغيب
:39: