علموني كيف أعيش لنفسي وأطفالي

مرحبا جميلات حواء


نفسيتي هالأيام كثير تعبانة
أحس ناقصني حنان ناقصني عاطفة ناقصني كل شي معنوي
متزوجة من 9 سنوات وعندي 3 أطفال أحبهم ويحبوني
زوجي إنسان كريم ومو مقصر علينا بالماديات
صح مديون لكن في حدود مقدرته ما يقصر من أكل وشرب ولبس


وما يهاوشني ولا أنا أهاوشه حياتنا هادية


مشكلتي معه ما يحضني ما يدلعني ما يطلبني للعلاقة الخاصة
لو نظل اسبوعين بدون علاقة ما عنده مشكلة
أحيان كثيرة أجي السرير نهاية اليوم ومنيمة الأطفال وكاشخة أبغى بس لمسة
منه تعوضني عن تعب طول اليوم مااا ألاقي
يعطيني ظهره وينام ويشاخر بعد
أحس أنوثتي ضايعة معاه مع إني إنسانة جميلة وحنونة ومهتمة في شكلي ولا شي تغير
أنيقة وأطبخ وأهتم في التفاصيل ياما أهديته هدايا غالية وسفرات ولا هزت فيه شعرة
أحس ناقصني رجال يحتويني تعبت معه


كلمت اخوي قال لي خلاص هذا نصيبك عيشي سعادتك بعيد عنه
كيف اعيش السعادة وأنا عطشانة حب وعاطفة وغزل وكلام حلو؟؟
أحس إني مو سعيدة وأفكر في هالنقص ليل ونهار ونفسيتي تعبت


طرحت مشكلتي من قبل
وقالوا لي البنات صارحيه
وقولي له ابغى كذا وكذا
صارحته وقلت له ناقصني هالأمور وودي تحضني
ودي أشعر بأنوثتي معك يسوي إلي أطلبه كأنه رجل آلي بدون احساس
وآخرها أمس قال لي تعبت من التمثيل خلاص خليها تطلع مني
انتظرته تسع سنين ما طلع منه شي


هل أنا مكبرة الموضوع؟؟