علموني كيف اتصرف ؟

اهلين عسولات تعرفون الواحد في نهاية الاسبوع يشتهي يطلع يغير جوا الي صاير اني اذا طلعت اقول ليتني جالسة في بيتي ابرك اروح لاهل زوجي وما انبسط كل جلستهم غموض وما يتكلمون حتى لو يشوفون واحد من عيالي طايح يسوون نفسهم ما يشوفونه اطلع ما اشوف قدامي متضايقة اهلي مب موجودين اروح لاخوي زوجتة زي الي تقول وش جابك اقول اروح لسوق اتفاجا بناس اخلاقهم غريبة رايحة المطاعم ادور كراسي ابجلس عيالي وتجي وحدي تسحب كرسي من الطاولة الي بنجلس عليها وترمية في الهوا وتجي بتسحب الي معي ومسكته وتجلس تسبني لدرجة ان رجال قام بيعطيني كرسي معهم لحقتها والقاها جالسة مع مجموعة حريم قلت لها السوق مب بيت ابوك ياعطيني الكرسي والابسبك وعيب عليك رجعت وعطيت عامل النظافة فلوس وجاب لي كرسيين جلسنا ناكل واشوف بنتين في الابتدائي واقفين من بعيد ياشرون علينا ويضحكون اثرهم بنات الحرمة الي كانت تبي الكرسي سويت نفسي ما اشوفهم وبناتي براءة جالسين ياكلون ما انتبهوا لهم حتى لو شافوهم ما يعرفون يسوون زي كذا يعني امهم مربيتهم على الوقاحة المهم اني رجعت وانا اقول الواحد وش يسوي ما يطلع علموني كيف اتصرف مع هالاشكال ؟