انا استخدم الة الفيشار البوب كورن للتحميص روعه ومريح واللون اخليها مثل لون الشوكولاته بحليب يعني بني وسط والباقي مثل ماقالو البنات واذا كنت غسلتيها لازم تخلينها تنشف قبل التحميص

انا نفس اختي الحياة مبداء

مليت من الفرن والعين

الين ماطحت في حقت البوب كورن


اغسل القهوه وانشفها في مصفى

واحمسها في هالالة تتلون كلها وتستوي من قلبها ..


طبعا اطحن على قدنا هي والهيل عشان مايثفل <<<يقدم ويحزر مدري وشو !!

وفي اللقمه احط نتفة شيبه اللي هي الاشنه

واذا ابسكر عنها احط ملعقه كبيره من بهار القهوه تلقينه في بساتين القصيم

والترمس فيه هيل وزعفران صابه فيه شوي من القهوه عشان ينقع الطعم بدري

وبالعافيه ..

يعافيك ربي
يعني على الفرن من فوق تكون النار ضعيفه؟؟ وكم تاخذ وقت

حبيبتي الافضل عدم غسيل البن ويكفي انك تنقينه
وبعد بعد ماتنقيينه حطية في صينية وحطيها في الفرن وشغلي من فوق ومن تحت وياستمرار افتحي الفرن وقلبي

اول شئ اشتري البن اللي يعجبك

انا اشتري بريـه او خولانيه

وانقيها زين

واحطها في محمصة القهوه الخاصه او في قدر علي الفرن

واحط معاها شيبه واحمسها لحد مايصير لونها بني لا غامق ولا فاتح

واحطها في صحن وانثر عليها بعض حبات المستكه

وإذا بردت اطحنها برا البيت عند العطار لان طحنهم حلو وناعم

وهــذي صورة القهوه بعد الطحن ومعاها الشيبه والمستكه





والحين طريقة عمل القهوه

حطي في ابريق القهوه فنجان ونص قهوه مطحونه

وعلي طرف الملعقه الصغيره زعفران

وفنجان حليب سائل او ملعقه كبيره حليب بودره

وصبي عليها شوية مويه وحركيه لحد مايتجانس الخليط

وصبي عليه باقي المويه يعني توصل لنص البريق

وخليها تغلي ثلث ساعه

وجهزي ترمس القهوه وحطي 3 ملاعق صغيره هيل وصبي القهوه عليها

والله الطعم واللون جنااان

جربي طريقتي وادعي لي


ملاحظــه

1_ إذا حبيتي نكهه جديده لقهوتك حطي مع القهوه وهي تغلي كسره صغيره من القرفه

2_ القهوه إذا صار لونها فاتح تعتبر نيه ومهما زينتي فيها ماتضبط ابد

3_ المستكه ماتكثرينه بس انثري كم حبه علي القهوه وهي حاره

4_ القهوه بعد ماتطحنينها حطيها في الفريزر ماتتغير ريحتها وطعمها ابد