علموني كيف اسوي قهوة الله يخليكم

هلا اختي :)

الزمزميه غالبا لتر ونص

ولكل لترين مويه مقاس فنجالين قهوه مطحونه خليها تطبخ على نار قويه لمدة ثلث ساعه

وحطي معها شوي زعفران واذا قربتِ تطفين النار عنها حطي 3 ملاعق هيل مطحون خشن وخليها (تركد) وزليها بالزمزميه بس حطي مصفاه عشان الهيل

وانا احبها فاتحه عشان كذا احط معها ملعقه صغيره كوفي ميت من بداية الطبخ

نجاح القهوه يعتمد على نوعيتها وأفضلها (الهرري) من بن الخير وانها تكون مطحونه طازجه

وحمستها متوسطه وعلى نار هاديه

وبالعافيه

قصيميه مشكوره

ماقصرت قصيمية
انا طريقتي فنجان قهوة لكل لتر تقريبا واحط معاها شيبة تدي نكهه حلوة
اخليها تغلي لمدة ربع او عشر دقايق
وبعدها اجيب الدلة واحط فيها الزعفران والهيل
وبعد ماتصفى القهوة
اصبها على الدلة
واحط الدلة على النار تغلي لمدة خمس دقايق وبس