علموني وانصحوني انا محتاجه لكم

مرحبا خواتي انا في البدايه اعود واكرر نفس الموضوع سبق وطرحته لكن المشكله تتفاقم معاي وانا ماني قادره اتحمل الوضع..زوجي من تزوجنا ما طلعني ولا رحنا ولا جينا والحين كملت 3 شهور من زواجي المهم..في امور وصفات ما تعجبني في اهله وفي شخصه لانهم ناس يحبون الكذب وياما لفقو علي حكايات والاحظ لما اكون معاهم انه الكذب عندهم مثل شرب الماي..وزوجي ولد امه يعني امه تحركه وتتحكم فيه وكم حاولت تتحكم فيني وحابه ترصد كل تحركاتي وتريد تقرير مفصل عن دخولي وخروجي مع اني ما رحت من تزوجت غير بيت اهلي والله شاهد على هالكلام بس انا ما عطيتها مجال تسوي الى تريده معاي..انا اول ما ناقشت هالموضوع مع زوجي قال لي انه ما عنده مصروف يطلعني ما دخلت مخي لكن قال صبري علي وفعلن صبرت..وبعد ثلاث شهور من زواجنا سالته ليش ما نطلع حالنا حال كل الناس..رد علي باسلوب غريب وجديد يقول مافي طلعه انا ما احب الطلعات رغم انه كان يروح ويجي قبل الزواج وكان يسافر عادي وانا انسانه مش متعوده اني انحبس في البيت احب اروح واجي عند صديقاتي واهلي ولو اني ما احس انه طلعتي معاه لها فايده كبيره لي وله ما طلبتها منه لاني اتمنى احس انه زوجي ولو يوم واحد حقي مش حق امه اريد اتغدي واتعش وافطر معاه اريد يوم واحد ابدا يومي ما احمل هم حد الا زوجي انا ناقشته وكلمته وقلت له انا متحاجه اكون معاك بروحنا رفض واسلوبه هالمره جديد على الاقل قبل كان يناقشني الحين رافض اني اناقشه.. وعلى فكره انا حتي بيت اهلي اروح له بعد ما احن عليه ..ما ادري احيانن احس انه امه ورى هالموضوع لاني احيانن كثيره ادخل عليهم بالصالون القاه يكلمها وكانه بينهم سر ولما اجي يستكون وفكرت انه امه السبب لانه صارت مواضيع كان امه وراها اقل شي مره كنت اناقش زوجي في سالفه وتفاجئت انه امه تكلمني فيها الصبح وقالت لي انا اعرف كل شي يصير بينكم وطلعه من هالبيت ما راح تطلعين وسالت زوجي كيف عرفت قال لي والله ما قلت لها عن الى دار بينا..لاني كنت فعلا اريد اطلع من بيتهم لاني مش قادره احس بكياني ووجودي فيه ومش قادره احس انه بيتي..انا احس اني وايد على نياتي وانه هالناس مش قادره اعيش معاهم في امور كثير صارت معاي طبعا خلتني ما اتحمل الوضع علما انه زوجي ما يصلي ولايعرف اي شي في الدين الا امور بسيطه والله واحد في صف اول ابتدائي يعرفها وقبل لا تزوجه كان يشتغل في مجال اطليران وبعد كتبنا الكتاب غيره في وظيفه حكوميه راتبها ما يكفيه وحاولت اني اساعده من طرف اهلي يعني ادور له على وظيفه راتبها اعلى وكان رافض انه يغير ويقول لي انا هالعمل هو الى ينفعني لانه يروح يوقع ويرجع ينام يعني ما في زود شغل فيه..انا كلمت اهلي وتركته 10 ايام رحت لبيت ابوي وهو وعدني انه كل شي يصير مثل ما اريد ووعدني انه يطلعني ووعدني يعدل اموره ويصلي لكن رجعت اول يومين كان فعلا متغير بس بعدها رجع قاسي ما صرت احس فيه اى حنان..احس انه وايد قاسي انا ما اقدر اتحمل اكثر وخايفه من مستقبلي معاه علموني وانصحوني انا محتاجه لكم,,اسمحولي على الاطاله..