انا اعانيي من نفس المشكلة وكل مااجي اتفلسف واحكيلي كلمتين ضاع الحكي واسكت مثل كل مرة من جد مشكلة الله يعينا وياك

السلام عليكم بابنات .............
الظاهر أني ضربت على الوتر الحساس .......
ولكن ما تصدقون لو قلت لكم اني متزوجه منذ10 سنوات وحيائى من زوجي لا زال وأعاني من نفس مشكلة ( الأخت ربي زدني علما) .............
تكفوووووووووون اللي كانت تعاني من هالمشكله وعالجتها .... توضح لنا كيف عالجتها
ولها مني ومن كل الأخوات اللي تجاوبو معاي في هالموضوع واللي أرسلولي حلول على الخاص الدعاء

أخواتي أنا في البداية كنت وايد ستحي منه ..

وهو كان حاس بهالشي .. وحاول كسر حاجز الحيا ..

وأيام الملجة كنت استحي اذا قالي كلمة حلوه .. وحتى لو في خاطري اقوله الكلمة احسها ما تطلع ..

وبعدين صار الوضع عادي ..

وبعد زواجنا يوم اشوفه قدامي وايد استحي اقوله شي .. حتى لو يقولي حبيبتي اسكت ما ارد عليه ..

والحين مو مقصره .. لوووول

<<< اسأل مجرب ولا تسأل طبيب .. تجارب ناجحة .. بتشوفين زوجج يموت عليج .. حتى اللي يستحي يقولج كلمة حلوه جدام الناس بيصير عادي عنده ..

أختي ... يوم بيروح الدوام اكتبي له ورقة عند مكان يشوفه قبل لا يطلع ( حبيبي بتوحشني موووووووت ) ..

ويوم بيكون في الدوام وما اتصل فيج طرشي له مسجل على موبايله ( والله واحشني موووووووت .. ما أشوف في هالكون كله غيرك ) ..( الوقت ما يمر وانت بعيد عني ) .. ومن هالكلام الحلوووووو ..

واذا قرب وقت رجوعه من الدوام جهزي نفسج ونفسيتج وحتى لو كنتي مضايجة ولا زعلانة لا تبينين له هالشي .. واذا كان من النوع اللي يرجع من الدوام ويجب ياخد له شور ( جهزي له ملا بسه وعطريهم وعطري المكان ) .. واستقبيله بابهى صورة وبابتسامة .. وعوديه على تقبيلج أول ما يرجع من الدوام ولو القبلة غيري مزاجج واذا قالج شو فيج .. قوليله نسيت اليوم تحبني ..

وقوليله حبيبي ثواني والأكل جاهز .. وحاولي ما تتأخرين .. لأنه الزوج هالفترة يكون تعبان من ضغط الدوام وجوعان ..

حاولي تأكلينه من ايديج ..

وبعد ما يخلص قوليله( بالعافية حياتي).

واذا طلع من البيت وخلاج بروحج واتأخر عليج طرشي له مسج قوليله ( يعلني ما انحرم منك .. البيت بدونك كتمة ) ..

وقبل لا يطلع من البيت قوليله ( دير بالك على نفسك .. تراك غالي ) ..

حبي كل اللي يحبه ..

مثلآ: لو كان يحب مباريات كرة القدم .. ويشجع نادي معين .. شجعي معاه وتابعي المباريات ..

زوجي قبل اذا مباراة نادي يشجعه .. يطلع من البيت يروح المقهى ولا بيت ابوه .. الحين صار ما يطلع من البيت وقت المباراة .. لاني صرت اتابع المباريات اللي يحبها ..

واذا كان مستانس لا تحاولين تعكرين عليه مزاجه وحتى لو كان موضوع مهم لا تفتحيه له ..

ولا تطلبين منه شي اذا كان تعبان ومجهد ..

واذا شفتيه قاعد وسرحان يطالع التلفزيون .. سوي له مساج .. وقوليله ( الله يعطيك العافية حبيبي ) ...

اذا طلعج مكان قوليله ( الله لا يحرمني منك .. والله يطول بعمرك وانت اللي توديني كل مكان ) ..

وناديه في البيت ( حبيبي , عمري , غلاي , عيوني , حياتي , ..... الخ ) ..

<<<< معلمة في هالسوالف .. لووووووووووول

والله يوفقكم ان شاء الله ...

وأنا بعد ماأعرف أتكلم كلام حلو

يعيني أقوله إذا سوا لي شي مشكور وماتقصر وعودته يسلم علي لما يدخل البيت

بس الكلام الحلو لا أنا أعرف أقوله ولا هو

مادري كيف نحل المشكله

والله إللي في بداية زواجها أسهل عليها تعوده على الكلام الحلو

ولا تفوت الفرصه على نفسها وتصير مثلنا...

ما ادري بالضبط وش تقصدين
من الكلام الحلووووووو
قصدك في لحظات معينه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟