علمينا عن حجابك لما سافرتي أوروبا ؟

fo0o0z • 11 سنة

السيده رمانه :

عادي انا عبايه رمادي فاتح مع لثمه وشفت عبايات سودا بس تلاقين بعض الكلام من قله خصوصا المتعصبين الفرنسيين للعبايه السودا بس عادي احس انتي واللي ترتاحين له

عادي انا عبايه رمادي فاتح مع لثمه وشفت عبايات سودا بس تلاقين بعض الكلام من قله خصوصا المتعصبين...

عني انا مسافر بعد اسبوع يمكن جبت عبايه كتف سودا وطرحه سودا ونقاب اسود وبدون اي زركشه

الفوشياآ • 11 سنة

السلام عليكم ورحمة الله وبركاته

اخواتي احب اقول لكم شئ في ضايقني في بعض الردود مع احترامي للجميع بدون إستثناء وهو إن كلنا نعرف وش هو الحجاب الشرعي ومواصفاته ولونه فرجاءً لا تجئ وحده وتقول لاختها البسي كذا او كذا طبعاً توصف لبس غير صفة الحجاب المفروض فأنا افضّل انها ماتكتب كذا لان فيها تشجيع لتغيير الحجاب وبالتالي دليتيها على أمر غير جائز فالأفضل ماتكتبين عشان ماتاخذين ذنبها
الله يغفر ذنوبنا أجمعين ،،وياااااليت تفهمون وجهة نظري ومقصدي
واللي سبق وسافرت بحجابها الاسلامي كماهو تكتب تجربتها حتى تفيد أخواتها وتشجعهم على الحجاب أكثر وأكثر وتأخذ أجر مساعدتها بإذن الله..
ومن هنا انتهز الفرصه اني اشكر الغاليه ام عزان على حرصها الشديد على الحجاب وداااايماً تذكر هذا الشئ في ردودها وتشجع وانا شخصياً قبل اطلع اوروبا سألتها وشجعتني فاسأل الله ان يكتب لها الأجر

جوابي للاخت حبيت أقلك انا رحت الصيفيه الماضيه٢٠١١(لأنك سالتي عن السنتين هذه اللي راحت)
وانا سكنت في سويسرا في الأرياف (لأنك سالتي كمان عن الريف)ومريت ميونخ والحمدلله بحجابي زي ماانا هنا حتى لونها والحمدلله مافيه اي مضايقات أبدا أبدا لاني كنت متخوفه من مطار ميونخ حسب ماسمعت لكن كانوا جداً محترمين لأنهم يعرفون وش اللي انا لابسته ويحترموني وعلى فكره في مصلى في مطار ميونخ معلومه يعني والحمدلله الذي أعز دينه..
وبالتوفييييييق لك ورحله يااااارب تكون حلوه وتنبسطووووون

اللهم صلِّ وسلم على نبينا محمد

ديما_85 • 11 سنة

عباة سودا ونقااااااب اسسود وشيله سووودا وانبسطت ^_^

miss.nono • 11 سنة

رففع

جبل شامخ • 11 سنة

*Haneen* :

البسي عبايه او بالطو طويل لكن ملون بيج كحلي او رمادي ...اللي يعجبك بس ابتعدي عن السواد .. لسببين اولا الدين ماحدد لنا لون معين في العبايه ......ثانيا عشان ماتلفتين الانتباه انتي هدفك الستر صح؟بلاش تلبسين شيء يخليهم يتأملونك ويراقبونك اكثر ...... ..يمكن اهل اوربا متعودين لكن في فتره الصيف تجدين سواح من كل العالم ! وناس متطرفين .. واللي تقول انه الوضع عادي بالسواد مو دايما عادي !! انا كنت محجبه بلون بيج وتعرضت لموقف من المتعصبين ...ماانساه طول عمري مو معناته اللي تلبس عبايه كحلي او بيج ساتره اقل ايمان من اللي بتلبس عبايه سوادء..!!

البسي عبايه او بالطو طويل لكن ملون بيج كحلي او رمادي ...اللي يعجبك بس ابتعدي عن السواد .. لسببين...

بسم الله الرحمن الرحيم

أخواتي وعزيزاتي :smheart:

أولا أشكركم جميعاً للتفاعل ولخدمة الآخرين وإفادتهم ومشاركتهم بالمعلومة الي عندكم..

والله يشرك الجميع الأجر

ثانياً حيا الله كل من تستفيد من هالموضوع وتراه للجميع

ثالثاً مهما اختلفنا فتبقى بيننا ثوابت مشتركة.. واختلافنا في تفهم وجهات نظر بعض لا يعني اننا محنا في صف واحد..

بالعكس احنا لما نختلف لازم نضع باعتبارنا شي مهم (هل أنا زعلت علشان الرأي الآخر مخالف لرأيي شخصياً ويصغرني بتصغير رأيي، أم اني زعلت لأن الرأي الآخر فعلاً غير سليم) .. وعلشان نتفكر بالموضوع صح خلونا نذكر أنفسنا بأن الكمال ببني آدم مستحيل، فممكن أغلط وممكن غيري يغلط.. ونتحمل بعض بالأغلاط ونساعد بعض للوصول لمرحلة نفهم فيها بعض..

وسواء اتفقنا عالآراء أو ماتفقنا مو ضروري، الضروري هو احترام وجهات النظر المختلفة ومناقشة الرأي وليس الشخص.. وتقبل الآراء لا يقلل من قدر الشخص بالعكس يوضح أنه انسان حضاري.. والإسلام دين الحضارة حبيباتي..

أنا قلت كذا عشان أقول ان الحجاب والستر لامزايدة عليه طبعا، لكن الاختيارات لايمكن نتحكم فيها..
فالتوضيح مطلوب، والتحجير مذموم..

أمر آخر، الدخول في تفاصيل الحجاب صعب نتناقش ونتجادل فيه ، لأن الأمور هذي تتطلب دراسات واجتهادات فقهاء عشان يصدرون لنا الي توصولا له، وش معنى ان الاسلام صالح لكل زمان ومكان؟ معناه إنه متكيف ومرن وسمح، لكن للأسف أمور الحجاب هذي من حيث اللون والطريقة ماتناولوها بشكل كبير.. غير بعض الاجتهادات الشخصية من بعض العلماء وطلبة العلم.. ربما لذلك أسباب لكن الي ابوصله ممكن نفهم احنا بعموميات ، لكن التخصيص والتحليل والتحريم موب من تخصصنا..

وأمر آخر، لما نتناقش في موضوع ليتنا نكون موضوعيين بالدرجة الأولى، فلما وحدة يتسهل لها أمر، مو بالضرورة يكون متسهل لغيرها..

عموما كل هالكلام خارج إطار الموضوع الأساسي، كنت أتمنى فيه إن كل وحدة سافرت لأوروبا للسياحة توضح لنا كيف تحجبت وكيف لقيت حجابات الخليجيات هناك..

الكثير ماقصروا وضحوا الله يجزاهم خير، لكن أرجع أذكر بأني ما سألت لا عن تركيا ولا عن ماليزيا، لأن كثير كرروا نفس سوء الفهم هنا..

والبعض مقيم في امريكا او اوروبا وبرضه يختلف الوضع..

يمكن أكون ما وضحت المطلوب بشكل كافي بالبداية.. لذلك احاول اوضح الحين من جديد..

أتمنى إن كلامي يكون خفيف عالجميع ويتقبله مني بصدر رحب :smheart:

رفع الله قدرك

شكرا الله يعافيك

شكرا للمشاركة

ممكن تعلمينا من وين حصلتي السكارفات العريضة والي تثبت؟
وشكرا للمشاركة

ألف شكر عالتوضيحات
والظاهر شكلي بالنهاية مردي لعبايتي :laughing:

الله يجزاك خير وألف شكر عالخاطرة

لكني اتسائل ، هل الغربية لو شافتني متنقبة بالسواد بتتجرأ تقرب مني وتسألني عن حجابي؟ أنا افكر بجد بهالموضوع واتصور اني ممكن اما اخوفها أو تاخذ الأمر كشيء جذاب وجميل عشان السواد

جزاك الله خير أختي

الله يعافيك ومشكورة عالمشاركة

امممم ماحبيت سالفة البنطلون أحس انها زينة.. ممكن يكون تحت عباية - من وين تجيبين السكارفات الثابتة؟