ويكتب لك الاجر ويصلح لنا النيه والذريه وتراء حتى العيال لهم نصيب من التعليم مثلا علميه يسوي الغداء ويغسل ملابسه ويكوي ماهو يتامر على اوخياته ويعتمد عليهن بسياسه وحنان وقولى له بكره توظف و تستاجر وش تسوي لازم تعلم حتى توفر لك مبلغ وتبنى بيت وتتزوج ماهو تتكل على المغاسل والمطاعم وباذن الله بيصيرون زي العسل

صاااااادقه في كل كلمة قلتيها وانا كنت مثلك واردى لااعرف شي ولا امي الله يحفظها علمتني كله من البنات ومن زوجي ومن الكتب والنت ماااقصر الحين فتح عيوني على اشياااااء كثيرة مهمة.. اشياء كثيرة لازم تتعلمها البنت اذا تزوجت والله ماعلمتني ولا قالت لي شي نهائي .. كله من زوجي سوي كذا وسوي كذا حتى بالطبخ وقف معاي وساعدني اتعلم
اذكر زمان المطبخ اختي الكبيرة تولته عن امي وياويلي لو يشوفوني فيه>>>> تحطمت كنت اخمن كيف الطبخة واراقب من بعيد لبعيد... وسبحان الله يوم جاءزوجي اول مرة كنت بثاني متوسط.. مرضت اختي وسخنت ولا عاد قامت من فراشها .... هذيك الساعة امي ابتلشت ماعاد قدرت تلحق على شي ... وخلتني ادخل المطبخ واسوي ادامات واجهز للغدا وارسلت اخوي يجيب من المطعم ... سبحان الله الإيدام اكلوه ولو انه موذاك الطبخ وارتفعت معنوياتي .. وبعدها عطتني دور اني اسوي العشاء .. والحمد لله تزوجت وتعلمت اكثر وصرت اصحح لأختي بعض الوصفات الي ماتظبط معاها ...
انا الحين قاعدة اعلم بناتي عن كل شي بس النار لازلت خايفة منها بنتي الكبيرة احس يدها باردة ماتمسك زين .. بس ان شاء الله مااقصرمعاهم ...

الله يجزاك خير اللي مابخلتي علينا الله يبارك لك فيما اعطاك وتذوقين برهم فيك من غير حاجة

الامهات الي فالمجتمع الي عندي معلمات بناتهن على الخدامه اقولكم موقف
مره كان عندنا عزيمه غداء وقعدت ارتب السلطه والمشروبات وغيره ومرت علي وحده من البنات فثالث ابتدائي قلت لها ودي السلطه شوي لا امها داشه علي وتسوي حركات بوجها انها معصبه اني خليت بنتها تنفع
طبعا ماخلت الموقف يعدي بدون لا تفتي ..................بعد فتره زارتنا تقولي بنتي حطت صندلها عند الباب فقالت لاختها جيبي صندلي فانا هاوشتها وقلت لها الخدامه تشيله عن اختك.. لا عاد تبعثين اختك تشيل وتحط .

الله يسعدكن ويبركن وانتى يالمشغوله اسال اله انه يشغلك بطاعته والله ان دعوتك لى بكيت من غير مااحس حسيتها طالعه من قلب الله يبركن بااولادكن