رجاوي99

رجاوي99 @rgaoy99

محررة ماسية

علم غرورك عزتي مالهاحد|--

الأدب النبطي والفصيح




إن كان تحسب عزتي تحت أياديك ....علم غرورك عزتي مالها حد

وإن كنت بايعني وأنا قبل شاريك....اليوم أبيعك وأقطع الوصل وأصد

لاتنخدع في كلمتي ياهلا فيك ....ولاتنخدع لو قلت حبك تجدد

أول ترى بالهجر ماني بناويك....مستبعد إنك تنكر الحب والود

لين إنكشف قصدك وبانت مواريك....طعنتني والغدر من صوبك إشتد

كم قلت لك مليون مره ترى أفديك ....لاكن حسافه غلطتك دوم تجحد

وكم قلت لك إحذر من إني أجافيك....لاتزيد غلطاتك ترى الحال منهد

لاكن هذا إنت طبعك يوديك....إنت الخيانه والغدر فيك مولد

تقدر تجيب القمر تحت رجليك ....وتقدر تحط الشمس على راحة اليد

وتقدر تذل قلوب نفس تداريك....وتقدر تجيب من الحجر مويت الورد

لاكن لوجيتني مع أولك وتاليك....مع القمر والشمس مع مويت الورد

ماتهز شعره في قلب من يحاكيك....عند الكرامه كل شئ وله حد

عند الكرامه نمشي بدرب المهاليك ....نارد حياظ الموت لاكم لاعد

من قبل حبك فوق عرش المماليك ....واليوم حبك تحت رجلي تمدد

روح في دربك عسى الله يهديك ....سافر ترى مثلك خساره به الود

وأنا بعد هاليوم ويش أبي فيك....بدور اللي يحفظ الحب من جد

واليوم أنا يادفتري جيت أعزيك ....زمان ماشفتك ياقصيدي توجد

هات القلم أبغاك تشكيلي وأشكيك....إنت الخوي وخابرك ماتبيح السد

أبيك تقول لكل مغرور يجافيك .... --|علم غرورك عزتي مالهاحد|--




5
793

يلزم عليك تسجيل الدخول أولًا لكتابة تعليق.

تسجيل دخول

NADA1141
NADA1141
يسلموووووووووو رائعة اعجبتني
roroالدلوعه
roroالدلوعه
جناااااااااااااان شي جبتيهاا ع الجرح ياشيخه
سمو إنسآنه
سمو إنسآنه
كلمآإت في قمة الأبدآإع والرقي .!~

وليس بجديد عليكِ الأبدآإع .!~
رجاوي99
رجاوي99
تسلموووون لاهنتم والله شرفني مروورركم