علوم اول ابتدائي ممكن تساعدوني.....

والله يا اختي ماعندي فكره ..!!

انا الحين مبتلشه بشرح الماده لاختي احسه صعب على بنت باول .. غيرووا المنهج للاسواء ..

واللي قلتيه اختي ماطلبوه عليها ولاسمعت له طاري !!!

لكن اللي فهمته انك محتاره بكيفية التغليف ..

ممكن تغلفين المجلد من برا بجلاد مخمل كشخه وتلصقين عليه ورود وارواق وفراشات صور حيوانات ونباتات بما ان الماده علوم ..

وبعدين تقسمين الملفات الشفافه اللي داخل الى اربع اقسام وكل قسم تحطين فيه ورق مقوى كل قسم لون ( احمر . اخضر . وردي . ازرق ) وبين كل قسم والثاني تتركين 10 او 15 ملف شفاف فاضي حتى تحط فيه الي تطلبه منها المعلمه

* القسم الاول المقدمه : ترسمين او تشكلين اشكال ورود او نجوم ( ممكن تستخدمين برنامج الوورد ) وتحطين على كل ورده او نجمه الاسم . الهوايه الخ .. وتلونين وتحطي لمعه وتملين الفراغات بين الاشكال بحيث يطلع شكل مرتبت وانيق ..

* القسم الثاني مهاراتي التعليميه : ممكن تحطين صور لأطفال يلعبون لعبة التركيب كمثال على المهارات التعليميه وترسمين او تلصقين مربعات اومثلثات اي شيء يمثل هالقسم .. وتكتبين بخط كبير وواضح مهاراتي التعليمه ..

وكذلك مع باقي الاقسام ^^

بخصوص الانجازات .. اظن اعمال تطلبها المعلمه من الطالبه :

مثلا الدرس اليوم عن المخلوقات الحيه والغير حيه .. تطلب من الطالبه ترسم او تقص من المجلات او تشكل اشكال لنماذج من المخلوقات الحيه والغير الحيه وتصنفها بجدول وتحطه بالملف ..!

انا كذا فهمت والا ماطلبوه على اختي مثل ماذكرت ماشفت شي ^^

والله تمنيت اساعدك اكثر على قد اللي فهمته وبالتوفيق ..

دعواتك لي ..

شوفي انا بنتي درست المنهج العام الماضي والملف كانت المعلمه تعطيهم اوراق عمل زي الواجب المنزلي يحلونه في البيت بوضع صور وتحتفظ بالاوراق داخل الملف عشان تطلع عليه المديره والمشرفه ويقيمونه والانجازات الاعمال الفنيه الي بتعملها الطالبه الي تخص الدرس
في كل درس يوجد مربع مكتوب عليه نشاط يطلب من الطالبه عمل فني يخص الدرس واعملي الي تقدري عليه
ان شاء الله اكون قدرت افيدك

لا خلا ولاعدم ياغرور عسى الله يحقق لك اللي تتمنين ويرزقك على قد نيتك ماقصرتي وكفيتي ووفيتي وماشاء الله عليك عندك افكار حلوه وبسيطه مشكووووووووووره يالغلا


الله يجزاك خير كذا وضحتي لي الصوره اكثر وعسى الله يخلي لك بنتك ويسعدك دنيا واخره