همتي بديني @hmty_bdyny
محررة برونزية
على أذان المغرب دق جرس الباب وشوفوا ايش حصل معي
مرة وعلى أذان المغرب دق الجرس فتحت بنتي الباب على أساس أحد من جيران العمارة ،بس لمن شافت الحرمة استغربت وسألتها مين؟
ردت عليها الحرمة قولي لماما كلمي أم عبد الله ودفعت الباب ودخلت على المجلس بدون إذن
المهم جات بنتي وقالت لي كلمي أم عبد الله وأنا اتفاجأت لأني ما أعرف أحد بهذا الإسم وارتبكت وكنت في قمة الخوف ماني عارفة
كيف أطلعها من البيت،،رحت لها ففاجأتني وقفت وسلمت علي وكأنها من جد صديقتي ،وبدأت تسأل عن الحال والأحوال،مصدقة نفسها
وأنا أجاوب بتعجب واختصار وأسألها مين انتي ترد تقولي أنا فاطمة ما شاء الله كأنها معرفة قديمة،
فقلت لها أنا ما أعرفك ايش تبغي طبعا كلمتها بجفاف وأنا في رعب لا يعلم به إلا الله ،،
المهم بدأت سلسلة الشكوى من الحاجة وابنها مريض وبحاجة للعلاج ،وبصراحة شكلها ما يطمن والله حاسة انها جاية لغرض فاعتذرت
لها إنه زوجي مو موجود وما عندي شيء بس أبغاها تطلع وتندمت اني قلت لها زوجي مو موجود،،لأنها شكلها مطولة بالجلسة وأنا
خايفة أدخل أجيب لها شيء وتدخل وراي تسرقني ولا تؤذيني ولا تؤذي بناتي،
المهم أنا بدأت أتلطف معاها وأتفاعل وأقلها معليش تعالي وقت ثاني أكون دبرت لك طبعا كله تمثيل بس عشان تفكني وقمت أنا من
المجلس وفتحت باب الشقة يعني طردة ،وهي جالسة وبعدين قامت وتقولي طيب أعطيني أي شي وأنا أقول ما عندي شيء لأني زي
ما قلت لكم ماني مطمنة منها ،وهي مصرة وأخر شيء تقولي طيب جيبي لي لو لحمة للعيال ،
أنا زاد خوفي والحمد لله ربي ذكرني كنت مجهزة أغراض للأغاثة في الغرفة اللي جنب المجلس وزوجي الحمد لله أتأخر يأخذها
على طول سحبت كيسين وطلعتها برة وقفلت الباب وهي لسة واقفة بتتكلم
بصراحة إيش رأيكم باللي حصل وتتوقعوا من جد إنها متسولة
وياريت تنبهوا أطفالكم ما يفتحوا الباب حتى يتأكدوا والصغار مرة أمنعوهم يفتحوا الباب
والله الدنيا تخوف الله يحفظنا من شر خلقه
114
12K
يلزم عليك تسجيل الدخول أولًا لكتابة تعليق.
يمه موقف مرررررعب
انتي المفروض تنتبهين للباب مهما يكون
وعيالك تنبيهنهم مايفتحون الباب ابدا ابدا
لمن يضرب جرس الباب ينادونك انتي او بابا وبس
انتي المفروض تنتبهين للباب مهما يكون
وعيالك تنبيهنهم مايفتحون الباب ابدا ابدا
لمن يضرب جرس الباب ينادونك انتي او بابا وبس
الله يعينك بس اهم شي لاتخلين احد يفتح الباب غيرك والله كثير من المصايب تكون زي كذا الله يستر والله ماعاد فيه امان صارللحراميه الف طريقه
الحمد لله عدت على خير بس نبهى على بنتك ما تفتح الباب لحد غريب وياريت يكون عندك قفل علوى ما تطولة بنتك افضل انا عاملة كده فى ا لباب عندى وقدر ولطف
الصفحة الأخيرة
انتبهي لا عد تفتحون الباب الالمن تتكدوا انكم تعرفونهم