على الاقل انتي احسن مني

السلام عليكم ورحمة الله وبركاته

بطرح عليكم مو مشكلة نوع ما انما استشارة بموضوع

رفيجتي يا جماعة قليلة شيمة يعني لما كنا بالجامعة اشوفها يوميا ووقت العطل ماتفكر تتصل تسئل عني حية او ميته يااني اتصل واسئل والله اهي مافي رجا من صوبها براءة للذمة تتصل اذا كانت مضايقة انها ما سوت زين باختبار وخايفة معدلها ينزل او تستفسر عن شي محدد ومكالمتها تكون قصيرة جدا في حدود هذا الشي .... انزين مع مرور الوقت بالجامعة تقدم لها شاب واتفقوو علىكل شي اتصدقون الكل يدري انها بتنخطب فيما عدا انا قبل الملجة بيوم قالت ليي ما تلاحظين الحين انا وايد اطلع مبجر من الجامعة قلت امبلا الاحظ قالت اي بنخطب وقاعده اجهز وملجتي ليلة اليايه يعني حزة الحزة قالت ليي قلت انا بقرارة نفسي قالت ا و خلت وانا شراح اسوي
ولا اخذتها في الحسبان

تخرجنا من الجامعة توظفت قبلي يعني نادوها حق التوظيف قبلي بشهر تقريبا تتصل فيني وتقول ليي على الاقل انتي احسن مني انا بشهر العسل كله احاتي نتيجتي بالجامعة اقول لها احسن منج بشنوو الحمدلله والشكر لا ريل ولا توظيف ماادري احسن منها بشنو واذا اتصلت حقها تسئلني اخوج اللي بالجامعة تخرج ؟؟ تصدقين اخوي طردوه الجامعة نزل معدله وطردوه ماادري ليش تقارن اخوي باخوها ,,, اخوج الثاني وين اشتغل جم معاشه ؟؟ انا اقول مالها دخل بهالامور ماادري ليش تسئل

لما توظفت توظفت بمكان اقرب منها لبيتنا لوعت جبدي كل يوم تتصل على الاقل انتي احسن مني المسافة تلعب دور..
نقلوها الى مكان قريب من بيتهم وافتكيت من حنتها وحملت وولدت ما تفكر ابدا تتصل فيني اخلصت مشاكلها الحين
اشرايكم يا جماعة اروح لها اتحمد السلامة واحملي ويايي هديه حقها والله اهي ما تستاهل صراحه وانا مفكرة اني مااروح لها ابي المشورة ؟