على الله توكلي .. طريقي نـحو الرشاقة بـ إذن الله

يمنع التجمعات بقسم السمنه والنحافه
الرجاء الأطلاع على قوانين المنتدى
http://forum.hawaaworld.com/showthread.php?t=2078166





الـسـلام عليكم ورحمة الله وبركاته

كيفكم يا بنات ؟ أتمنى تكونوا بـ أفضل صحة


كثير منا يعانون من السمنة .. كثير منا تضايقهم شكل أجسامهم
وكثيييير منا تحرجهم تعليقات البعض

أنا اهملت نفسي لسنوات .. وكل سنة تمر كان يزيد وزني

وكانت كل محاولاتي في الريجيم فااااااشلة

لحد ما وصلت لمرحلة لا توصف !! و صرت أكررره بشاعة جسمي و منظره المحرج

منعت نفسي من الزيارات والمناسبات ..

لاني لو لبست شنو ما راح يطلع حلو .. ولو رحت الجملة المعتادة اللي اسمعها

"" وايد متنتي عن آخر مرة !!! ""

كنت اسمع تعليقات محرجة جداً .. من أهلي من اخواني وحتى من زملائي بـ العمل

والأكثر مرارة نصيبي اللي واقف لحد الحين .. عمري 21 سنة و لحد الحين محد دق الباب

وخالتي الله يحفظها تعطيني من الكلام :06: وتفهمني إني بهالحال ما راح اتزوج أبد

غير المشاكل الصحية اللي مادري من وين تطلع لي

ادري طولت عليكم ..


شديت العزم وقررت اني انحف

خلاص 21 سسسسسنة وانا ابلع ابببببلع ابلع

خلاص صار وقت الجد رجيمات ابو اسبوع و يومين ما راح اتبعها

ابي شي جاد و صحي


عمري ما تجرأت و وقفت عالميزان !!

اخاف يصدمني الرقم

قررت أتوجه لدكتور علاج سمنة وتغذية عشان يساعدني بهالمهمة :)

و وقع اختياري على الدكتور علي الظن في مجمع ابن النفيس الطبي في البحرين

وفعلاً اتصلت وحجزت الموعد .. ورحت

كلمة وحدة من الدكتور عالقة براسي من كم يوم

" حراااام أي بنت توصل للمرحلة هذي .. دي جريمة بحق نفسها و أنوثتها "


الطول : 167
الوزن : 111.8



الدكتور عطاني ريجيم بس مدته إسبوع .. بس عشان يشوف قابلية الجسم للنزول وعشان تتعود المعدة على كميات الأكل الصغيرة

وبعد هالاسبوع راح يعطيني ريجيم ثاني


طبعاً شرح لي ان الاسبوع الاول بيكون من اصعب الاسابيع و بعدها بيخفف عني شوي

وفعلا انا بنهاية الاسبوع الحين وقاعدة انهار ولكني احاول الصمود بأي شكل :06:

اللي تحب تتابع معاي وتشجعني راح احط الريجيم



الإفطار : كوب نسكافيه أو شاي + حليب قليل الدسم + سكر سبلندا


الغداء : سلطة بدون زيت بأي كمية ( ممكن اضافة الخل و الليمون و الملح ) + نصف كوب نخي أو باجلا أو لوبة + مشروب دايت ( فيمتو سفن بيبسي )

العشاء : 2 توست أسمر + شريحة جبن قليل الدسم + علبة زبادي قليل الدسم + ثلاث حبات فاكهة ( برتقال أو تفاح أو يوسفي أو كمثرى أو جوافة أو خوخ أو غوج أو مشمش )

مابين الوجبات : يمكن تناول الخيار و الطماطم .. شرب الشاي والقهوة في اي وقت ولكن شرط السكر يكون تبع الدايت و نصحني بـ سبلندا .. عصير ليمون .. عصير جريب فروت



طبعاً اهو ما حط لي وجبة افطار لاني بالعادة ما افطر ولكن تحسفت لان حسيت الوجبتين الباقين ما يكفوني هههههه

المهم هذا رجيم الاسبوع الأول .. انا خلصت 5 أيام و باقيلي يومين منه الله يقدرني وأتممه

ما راح اوزن الا عند الدكتور .. والاكيد بخبركم بالنتيجة و اتمنى القى منكم التشجيع والمتابعة

ملاحظة : وجبات الريجيم يمكن تبديلها مع بعض يعني تخلين غدا عشا او العشا غدا
أو اذا ما اكلتي شي من وجبة الغدا بالامكان تاكلينه عالعشا و هكذا

يعني توزعين الاكل الموجود براحتك طول اليوم

+ عطاني فيتامينات اللي حابة ممكن اصورها لها او احط اسمها و رخيصة ما تكلف شي

حبة وحدة بعد الغدا


وكونوا معاي وابشركم بالنتيجة .. =)