على المدرج اتفرج وكل من يتشمت فيها انبسط واستانس رايكم تستاهل او لا ؟

صباح الخير
انا تطلقت وكانت وحده من قرايبي اللي مره بينا ميانه صارت ترمي كلام من بعيييييد اني تطلقت يعني اجيب موقف مثلا قالت زين تطلقتي عشان تجلسين عند جدك التعبان تحب تجيب سيره طلاقي باي شي مع انها تعرف الحاله النفسيه اللي مريت فيها بعد الطلاق لان طليقي كان مدمن وآذاني نفسياً
وسكتت ومره شافت علي بلوزه قالت هذا من تجهيزك
وسكتت وجاوبت قلت لا وقلبي فيه حرقه
مع اني والله الذي لااله الاهو عمري ماذيتها ولا عمري تدخلت بحاجه خاصه فيها ابدا بالعكس اعزز لها دايما وقتها معتبرتني ساذجه احس
لاني مره خدومه لها ولغيرها كذا احس اني اتلذذ وانا اخدم الناس واحس براحه عجيبه واحيانا اقسم بالله الله يحرمني ماتمنى اذ اكذب احيانا اذ وحده طلبت مني شي وانا لي خاطر فيه بس هي احوج مني اعطيها اياه عشان كذا انقهر اذ احد جرحني مدري ليه انا كذا يمكن لاني عشت الفقد فقدت ابوي وانا صغيره جدا وماعندي اخوان ابدا وعشت الحرمان صرت اعطي كثييير لين صارت النتيجه استخفاف لابعد حد فيني للاسف يعني
المهم سكتت ماقلت شي وبصراحه بقت بقلبي هذي المواقف وحفرت بصدري حقد من ناحيتها
بعد طلاقي بفتره جت تقولي ايه من خطبك جديد لان كثير يخطبوني
وكانوا موجودين معنا بالجلسه مجموعه من قرايبنا اللي نمون عليهم قلت وش دخلك فيني انتي وحده ماتستحي تدخل بخصوصياتي واني صبرت ومن هالكلام وهي انصدمت من رده فعلي واللي حولي يقولون اذكري الله قلت ولا احد يتكلم وامسكها حبه حبه قالت انتي شكلك مجمعه علي قلت ايه وتراي ساكته ابيك تفهمين من كيفك بس شكلك ماينفع فيك الاحترام والسكوت وماقدرت ترد ولا بكلمه
وخلاص بعدها صارت ماتتعرضني ومره دقت علي تبي اساعدها بشي بصراحه عجزت اقول لا
لانها كانت تترجاني قلت خلاص وساعدتها وعادي اصلا صرت اكلمها عادي
بعد فتره نسيت الموضوع والله الذي لااله الا هو اني اشوف انتقام ربي نفس المواضع اللي تشمتت فيه هي اشوف الناس تتشمت بوضعها طبعا هي وضعها مع زوجها مره سي انا اذ شفت احد يطقطق ويتطنزون على وضعها مع زوجها من باب المزح استمتع لاني اشوفها تتضايق من اللي يطقطقون طبعاهم يمنون عليها مره بس هي تتضايق وماتتكلم
طبعا انا ماتطنز معهم ولا حتى اضحك بس على المدرج اتفرج على قولتهم
مدري ليه هل انا حقوده او وضعي طبيعي اذ شفتها تمر المواقف اللي قالتها لي
ودي يروح عني الاحساس ذا مو قادره احس اني وحده ماسامح ابداً ابداً داخليا
نصيحه لي وهل انا على حق بهالشي او لا
اتقبل راي الجميع وجهات نظركم حول الموضوع تهمني يشهد الله اعتبركم خواتي