التجربه

الســـلام عليــــــــــكم ورحمــــــــــــــــــــــــة الله

اليوم بقولكم قصتي ويااااه شكثر تمنيت اكتبها وكنت اقول بكتب وش صار معي سوا حملت ولا ماحملت
بدخل على طول بالسالفه

اولا عندي بنوته عمرها 3سنوات ربي يخليها لي ولا يحرمني منها ويصلحها امين

شهر 4 اتفقنا انا وزوجي نشيل اللولب يوم 24-4 جاتني الدوره28-4يعني رابع يوم الدوره شلت اللولب

بس قالت لي الدكتوره معك قرحه متوسطه ينزل منها دم بسيييط ولازم تكويها وعطتني موعد بعد الدوره الجايه

. جتني الدوره 28-5 رحت اكويها تاريخ 4-5عذبتني وانا عذبتها وانا زيااااده اخااااف مرررررررره من حكايه الكشف تحت ورجولي ترجف وبالاخير قالت كم لك يوم من الدوره وقلتلها 5 وانا كان 4 ايام من الخوف
المهم قالت يا ماما رحمك مرتفع يعني طالع فوق

يمممممه خفت يوم قالت كذا قلت لها له ضرر قالت لا ناس كثير كذا طبيعي ولا يمنع الحمل

المهم كوتني حراري بس طولت شوي تقريب من10 – 15 دقيقه احيان كنت احس فيه نفس لمسة الكهرب وقالت مافيه جماع اسبوعين

شهر5 اخذت مانع طبيعي لاني كنت حابه ابدى من شهر 6

سافرت الشرقيه ورحت لدكتورة خواتي قلت اشيك على القرحه كان لها اسبوع تقريبا قالت الدكتوره خلاص الحمدلله القرحه راجت وممكن يصير جماع قلتلها دكتورتي قالت اسبوعين قالت لا اسبوع يكفي بس هم يحطون احتياط اسبوع زياده زيادة حرص
بس دكتورتك كاويتك حراري وكويها مسافه اكبر من القرحه بالعربي ( شاويتني ) قالت الله يعينك كيف تحملتي وقلتلها عن رحمي قالت لا مو مرتفع ابدا في مكانه وصورتني سونار وقالت اكيد في مكانه

قلتلها انا بايام التبويض ابغى حجم البويضه كم قالت احسن يوم 13من الدوره عشان تكون باينه قلتلها انا من الرياض وابغى اسافر قالت تعالي بكره يكون لك 12 يوم ***** الله تبان

رحت يوم 12 من الدوره قالت حجمها 15 كويس

واباضتي يوم 15 من الدوره لان دورتي منتظمه 28 يوم الحمدلله

سالتها عن بيكربونات الصوديوم اسمه سويت ان فريش قبل الجماع ب 10 دقايق او ربع ساعه او نص ساعه مو اكثر مره وحده باليوم للحمل بولد
مدحته قالت كويس .
( وكل شي بيد الله اولا واخيرا بس بذلت الاسباب)


يوم 15 من الدوره يوم الاباضه الي هو بعد كوي القرحه ب 10 ايام صار جماع
15-16-17-18فقط ايام التبويض يعني
السبت - الاحد - الاثنين – الثلاثاء
بكل الايام كنت
- احط مخده تحتي بوقت الجماع
- احاول ارفع رجولي فوق بعد الجماع
- ما اقوم من السريربعدالجماع قبل ساعتين على الاقل
- ماانسى قبل الجماع الدعاء (بسم الله الرحمن الرحيم اللهم جنبنا الشيطان وجنب الشيطان ماترزقنا)
- طبعا يقولون يضع الزوج ثلج على (....) لمدة 10-15 دقييقه قبل الجماع مباشره لانه البروده تجعل الحيوانات المنويه تعيش مده اطول والله اعلم .
الاهم من كل ذا اني كنت اشغل صورة البقره ومريم دايم بلابتوب فالبيت
وتصدقت بنية الحمل
وكنت استغفر كل يوم 500 مره بنية الحمل

يقولكم شي بس لحد يضحك علي
من اللقافه والعجله رحت يوم الخميس اسوي تحليل (تحليل الدم الهرموني الرقمي ) هو بــ150 ريال سويته بــ 120 بعد الخصم
يعني حللت بعد الاباضه ب4 ايام هههههه
والله متلهفه على الحمل وش اسوي .. ورحت مع زوجي <<< واثقه الاخت
طلعت النتيجه



ســـــــــالــــــــــــــــــــــــــــــــــــب .

النتيجه 2.0 تحطمت
طبعا من 5 وفوق حامل

انكسر خاطر زوجي مررره يمكن كان متوقع اني حامل
والي قهرني بنتي يوم اخذت الورقه تقولي ماما ( المشتشفى خلاص حطولك نونو في بطنك ) وابوها يسمع وانا تقطع قلبي وانا اقول لها لا يا ماما ما حطولي نونو .

قلت انا استعجلت وقررت اعيده مره ثانيه انا حاسه اني حامل علما باني ماحسيت ولا باي عرض من اعراض الحمل
طبعابعد 5 ايام الصباح سويت تحليل بول (الله يكرمكم ) ابوعشره وطلع



سالــــــــــــــــــــــــــــــــــــــــــب

قلت لا غلطان انا متاكده احساسي مايخيب انا حامل
وهالمره عندي اعراض نفس اعراض الدوره

- الم اسفل البطن ومغص كانها بتنزل الدوره
- الم اسفل الظهر
- صدري يالمني من جهة الابط وحجمه كبر شوي

رجعت حللت الرقمي هالمره مومع زوجي مع السواق
خفت اتفشل لاني سويته وهو مايدري وقلت بعد اسويها له مفاجئه
انا على ناااااااااار وعندي احساس كبير اني حامل

توقعوا وش طلعت النتيجه طلعت النتيجه




ســــــــــــــالـــــــــــــــــــــــــــــــــ ـب

والمشكله نفس الرقم الاولي 2.0
تحطمت وقلت انا اوهم نفسي عشان مشتاقه للحمل باقي على الدوره 3 ايام عليها وهذي اعراضها

رجعت انتظرها تنزل عدت ال3 ايام ولا شرفت

الللللله ياوناستي رجع الامل لي من جديد وليل الجمعه قبل امس يعني

طرت باليل ومن غير مايعرف زوجي اشتريت التحليل المنزلي كلير بلو ونمت بدري والله مدري كيف جاني النوم مشتاقه اصحى احلل

صحيت يوم السبت امس ( اول يوم امتحانات الطلاب)
وطرت للحمام (الله يكرمكم) شفت الخط الاول
سالب ااااه
تكدرت وبعده بثواني طلع خط ثاني خفيف من الفرحه رحت جبت الجوال وصورته


رحت لاختي وريتها قالت انا طلع لي كذا وحللت وطلعت حامل
قلت لها الساعه 4 بطير احلل دم عااادي لاني تشائمت من الرقمي

وانا اسولف معها ومبسوطه ومتفائله سكتت فجئه قالت اختي وش فيك قلت لها حسيت شي نزل
( قلت في بالي شرفت ) طرت عشان اتاكد وانا ميته خوف
طلعت
افرازات بيضاء
مايله للاصفر خفيييييف لونها مرره تشبه افرازات الاباضه


قلت لاختي اول مره تجي هالافرازات هالوقت المفروض لونها مايل للوردي او الاحمر او البني


انتظرت الساعه كانها واقفه ماتتحرك


جى الوقت ورحت مع اخوي واختي وسحبت دم وقالت بعد ساعه ونص

رجعت وانا احاتي اقول عادي الله من الله حياه الله
وكنت مستعده للحالتين بس طبعا متوتره مرررره

جى الوقت وعدى ساعه ونص ودقيقه قلت لاختي اتصلي انتي وانا بسمع من السبيكر ماكنت قادره اتصل من الخوف
قالت لهم فلانه بنت فلان قالت دقيقه
..... وانا لسى على اعصابي ...... قالت ايوه نتيجه خلاص تعال مستشفى شيل نتيجه

طوط طوط طوط وسكرت الخط
بغيت ابكي ...........


اتصلت اختي مره ثانيه قالت انا ابي نتيجه تلفون قالت ايش اسم قالت فلانه بنت فلان
قالت دقيقه ......

الا وحده ثانيه قالت نعم قلنا نبي نتيجه قالت ايش اسم ... يووووه ماصارت والله

عطتها الاسم وانا بديت اطفش فجئه سمعت الممرضه تعيد الاسم قالت لها اختي ايوه قالت
7
7
7
7
7
7
7
7














ماشاء اللــــــــــــــــه تبارك الرحمــــن

حاااااااااااااااااااامل

ماصدقت من الصدمــه ...

يا سبحان الله وربي كنت حاسه
( انا عند ضن عبدي بي )
وانا كنت حاسه انا الله رازقني بالحمل يوم كنت اصلي وادعيه الحمدلله واذكرو الله تكفووووون .

طبعا زوجي مادرى كان نايم وصحيته وقلت له انا سويت تحليل دم ولا درى حق ايش ماكان في باله أي شي ولما دخلنا اخذنا النتيجه قالت الممرضه نتيجه ايجابي قال هااااه مافهم قال الممرض السعودي فيه حمل يعني زوجتك حامل قام يضحك كانه مو مصدق يقول كيف .. متلخبط من الفرحه

وبنتي قلتلها مامافي نونو هنا تضحك وتقول خلاص حطولك المستشفى قلتلها ايوه قالت طيب ماما ليش ماتطلعينه ابي اشوفه هههههه يا لبى قلبها

انا حطيتلكم قصتي عشان تستفيدون وتفرحون لي .

وادعولي يتمم علي بالعافيه ويرزقني عيال تؤو كاملين الخلق والخلقه من غير زياده ولا نقصان ويسهل حملهم وولادتهم ويجعلهم ائئمه لمساجده بارين بوالديهم ويبعد عنهم وعن بنتي وزوجي واهلي العين يااارب العالمين اميين

يارب ارزق خواتي الي يتمنون الحمل بالمنتدى وخارج المنتدى بالحمل وفرح قلوبهم وقلوب ازواجهم مثل مافرحتني وفرحت زوجي يارب العالمين .

بنات الي تصادف عذبة الروح تسلم لي عليها انا قليل ادخل وقولولها حرم مشاري ماتعرف ترسل خاص عشان كذا مارديت عليها اسفه .

__________________

ام الاشبال

ياقلبي عليك

التبخير اللي بالكمون لمين لدنانير او لي خخخخ تراني مفوته

امين يارب
البردقوش شربته من 5 يوم للدوره لين يوم التبويض اللي حددته الدكتوره ووقفته
اما البيكربونات ملعقه على لتر ماء دافي

حبيبتي الغاليه ام الاشبال الله يبارك بحياتك ويفرحك ربي مثل مافرحني وتحملين بتؤام الذكور بأذن الله
ام احمد 2003اللي يبارك فيك ويرزقك بالحمل بالولد اللي يفرح قلبك وعينك امييييين

امممممممممممممممممممممممممممممممممممممممممممممممممممممممممممممممممممممممممممممممممممممين