على حساب صحتي

هلا والله
شوفي مالك غير تنظمين نومهم
لو الصغار أهم شي لأن الكبار يعتمدون على نفسهم
ويسمعون الكلام
بعد عشان الإجازه جت وراح يحتاس
الواحد بالنوم والأكل
والله يعيننا وياك
أنا بصراحه ماعندي أطفال لي تسع سنوات
بس حبيت أفيدك من خلال مايسونه خواتي بعيالهن
مالك غير كذا تنظيم بالنوم والأكل
هذا اللي أقدر عليه ودعواتك

لاتنسين اذكار ماقبل النوم تعينك بعد الله وتريحك من التعب

الشي الثاني خططي ليومك قبل تنامين

لو بغيتي تنومين الظهر جهزي غداك قبل القيلوله
وصحي عيالك معاك من الصبح ونوموا سوا الظهر

او اقلها نومي الصغير وخلي وقت التلفزيون وقت راحتك وعطيهم سناك
وريحي انتي ...

اول ما تقومين افطري فطور ملك..

مو خبزة وقهوة..لا فطور مغذي ومتكامل..

وخلصي شغلك وبعد الغدا وحوسته تقدرين ترتاحين..

يعني العصر هو وقت الراحة.. راحة مو نوم..

ونومي عيالك بعد العشاء مباشرة..

وانتِ بعد صلي وارقدي.. لا تسهرين..

الله يعين نفس وضعك ب انا اسهر
بعض الاحيان مافيه احلى من قومه الصبح

متى دوام زوجك ؟

يعني ضروري غداء

ولا هو كمان بإجازة ؟

نامي مع عيالك الصبح
وقومي الساعة 11 سوي غداك بقدر الضغط وبالمره جهزي تجهيز اولي للعشاء

قبل يجي زوجك بنصف ساعة اجبريهم يرتبون البيت

بعدا الغداء شوفي برنامج زوجك
اذا بيطلع العصر يمشي الاولاد اطلعي معهم

واذا حاب يرتاح وتطلعون بالمساء خلوووه يرتاح وانتي اقعدي مع عيالك سولفي معهم

اذا شعبتي نوم بتسوين كل شيء وتسفهلين