اسم زوجي في موبايلي: المسك الأبيض..لأنه عطره المفضل ودائما أشم فيه ريحت المسك وربي إنشاء الله يرزقه من مسك الجنة إنشاء الله قولوا آمين.
اسمي أنا في موبايله: دهن العود...صحيح أنا ما أحطه إلا في المناسبات بس زوجي يقول دايما أشم فيج ريح دهن العود وعلى فكرة جربي وحطي دهن العود في شعرج في الليالي الرومانسية ترا يهبل.
أمي سميتها: ست الحبايب.
الوالد حطيته باسم: بابا لأني أحس دائما أنه يدلعنا وحتى بعد الزواج.. يا بختي منو قدي يا بنات حواء.
أم زوجي: أم العزيز الغالي.

وعلى فكرة إحنا دايما أو بالأحرى أنا دايما أغير اسمي واسم زوجي في جوالاتنا للتجديد
وكان زوجي اسمه قبل جذي تاج راسي وهو كان حاطني عمري وغلاي/ عشقي ومناي/ سعدي وهناي.

أنا عيبتني السالفه ..
أنا بعد بقلد اختي أم علي و بقولكم عن أسامي الأهل في تلفوني !! :27:

أمي مسمتنها : ماماتي
أبوي : باباتي !! (( إدري إنها مسميات طفوليه بس بصراحه أنا أشوف عمري طفله))!!!
بيتنا : البيت السعيد
خالي : شباب الإمارات
خالتي ((اللي أنا معاها روح بالروح)) : حبيبة ألبي
و في وحده من خالاتي مسمتنها : المديره لأنها مديره باحدى مدارس دبي
و عندي وااااااااااااايد أسامي غريبه عجيبه في الموبايل منها :
بطه ، قطوه ، هبلو ، بنت أبوها ، إنسانه فاضيه ((هذي وحده ما تتصل إلا لما تكون فاضيه)) ، أم كشه ، الغبيه !!!!!
أسامي عبيطه .. بس تليق بكل وحده حطيتلها الاسم !!!
أسميني ما عندي سالفه !! :27:

السموحه .. طولت عليكم :42:

ياسلام علي المواضيع الحلوة
صج دمكم خفيف
انا احب احط اسماء غريبة ... كنت حاطة اسمه الزعيم الابصيري لانه دمه خفيف(زوجي اللة يحفظه) وفي نفس الوقت من النوع القيادي
واذا زعلت يعني ما اغير علشان الاسم نفسه يعب عن شي من الظلم من الزعيم وعنده خط ثاني فكنت امسميته مفيد الوحش لانه كل مايدق علي اخترع مسويلي رعب اقول اللة يستر لانه اغلب الوقت يدق يتناجر ..
المهم ذاك اليوم طري علي ادق علي تلفونه واشوف شنو حاطلي من غير مااقووله والا الاقيه مو حاط شي عصبت حاول يعدل المقف واقولي شتبين احطلج عصبت وخليت رقمه من غير اسم لي يومج هذا:27:

ومن السماء الثانيه سيدة ملعقة حماتي (اخت زوجي ) لانها قصيرةوشاوي المطبة لاخوي لانه كل مااسال عنه بالجاخور وغيرها وايد