بسم الله الرحمن الرحيم
السلام عليكم ورحمة الله وبركاته وبعد
كيفكم اخواتي اليوم المود متعكر وذكريات المؤلمه تتوالى على 💔
بعيد عنكن جالسه لحالي وفاضيه كسرت خاطر الشيطان العياذ بالله منه وقال بسليها بتقليب المواجع عليها وما اخليها... 👹
المهم ما علينا نجي في صلب الموضوع...
هذا يا خواتي وانا جالسه لحالي صعبت على نفسي لا صديقه ولا جاره سنعه اقضي معها وقتي نجلس ونتسامر والأفكار تجي وتروح وذكريات لمواقف خلتني ابتعد واستكين في بيتي..
المهم وانا جالسه الا و ابو العيال شرف طرت من الفرحه ورحت عنده بسولف وهو مشغول بدوري الخليج ولا معبرني وانا اسولف وهو مسكين يهز راسه ايسلك لي انه معي وهو عقله وكل حواسه فى المباراه...
قمت ولا حس فيني عاد جيت افضفض عندكن يا خواتي الغاليات.. عاد تحملني 🙃
الاكلام يكثر والوقت ايطول وما لكن في الطويله..
ايش رايكن بالي طول عمره يخدم إلى حواليه ويحاول يرضيهم وينسى نفسه وتمر احلى سنين العمر وهو يتوهم انه إلى يرضيهم بيردو الجميل له أضعاف أو على الأقل بايبني له مكانه وقيمه في قلوبهم لكن كل هذا سراب وأوهام والكل منشغل في نفسه وما لاقى غير الإهمال واستبداله بشخص آخر لهم مصلحه عنده يعني علاقات مصالح..
أو أنك تفرض نفسك على أشخاص هم من البدايه لم يبادلوك الحب والاحترام نفسه لكن انت من كثر ما تحبهم ما كنت تشوف رفضهم لك ابدا.... 😢
والحين تبداء من جديد وتسحب نفسك من وسطهم... وتبتعد وتبني نفسك وترممها...
💔وتبدأ تخيط جروح قلبك و انت تخيط تصعب عليك نفسك..
والله تذكرت اغنيه قديمه سبق سمعتها.. تناسب وضعي في هذي اللحظات الحزينه..
على خدي احط ايدي
واحاسب روحي بروحي
واقول بيدي جرحت ايدي
وزدت جروحي بنوحي
💔💔💔😢
ام سالم 88 @am_salm_88
محررة فضية
يلزم عليك تسجيل الدخول أولًا لكتابة تعليق.
لا تحزنين حبيبتي على أي معروف سويتيه لاحد ..حتى لو كانوا ما يستاهلون .. ثوابج عند رب العالمين عظيم ..
احنا الاجر نبيه من ربي ما نبيه من الناس ..ما يهمني شقالوا فيني مدام كل شي مسجل بصفايحنا عند رب العالمين
الخوف والحزن والندم لما نأذي غيرنا او نظلم غيرنا بقصد او بدون قصد ..اهنيه يحقلنا الندم والحسرة ومحاسبة النفس .
عسى الله يرحمنا وبرحمته .
احنا الاجر نبيه من ربي ما نبيه من الناس ..ما يهمني شقالوا فيني مدام كل شي مسجل بصفايحنا عند رب العالمين
الخوف والحزن والندم لما نأذي غيرنا او نظلم غيرنا بقصد او بدون قصد ..اهنيه يحقلنا الندم والحسرة ومحاسبة النفس .
عسى الله يرحمنا وبرحمته .
لا تحزنين حبيبتي على أي معروف سويتيه لاحد ..حتى لو كانوا ما يستاهلون .. ثوابج عند رب العالمين عظيم .. احنا الاجر نبيه من ربي ما نبيه من الناس ..ما يهمني شقالوا فيني مدام كل شي مسجل بصفايحنا عند رب العالمين الخوف والحزن والندم لما نأذي غيرنا او نظلم غيرنا بقصد او بدون قصد ..اهنيه يحقلنا الندم والحسرة ومحاسبة النفس . عسى الله يرحمنا وبرحمته .لا تحزنين حبيبتي على أي معروف سويتيه لاحد ..حتى لو كانوا ما يستاهلون .. ثوابج عند رب العالمين...
صادقة الخير اجره محفوظ عند ربي نفرح فيه بيوم الحساب.. ما يهمنا ردة فعل الناس دام انه مكتوب عند الله
لا يمكنك مشاهدة هذا التعليق لانتهاكه شروط الاستخدام.
ونعم بالله جزاك الله خير ❤️
الصفحة الأخيرة
لا تعطين احد على حساب نفسك واذا عطيتي لاتمنين واحتسبي الاجر
اذا عندك فراغ سوي لك مشروع او توظفي او دوري لك اي شي تحبينه تشغلين وقت فراغك سجلي بنادي او دورات او تحفيظ