على رأي المثل

كل دوله وكل بلد ليها أمثالها الشعبيه الخاصه بيها واللى بتكون فعلا صحيحه الى جانبي كبير لأنها طبعا بتكون بعد خبره من جدودنا :28:
واكترها او معظمها بتكون أمثال دمها خفييييييف :)
احنا عندنا في مصر أمثال حلوه هاقولكم شويه منها وياؤيت كل واحده تدخل تشارك معانا ببلدها واشهر الأمثله عندهم أو أكتر الأمثله اللى بتؤمن بيها
وأنا هابتدي بنفسي :27:
يموت الزمار وصوابعه بتلعب
يعنى اللى فيه طبع ما يغيروش فالزمار يموت وتفضل صوابعه تلعب حتى بعد موته .


في الزحمه يطاهر الأليط الأعمى
بمعنى ان في الوقت الزحمه او الهرج ماحدش بياخد باله من حاجه لدرجه ان الأنسان المغرور الأليط مش هياخد باله ان اللى بيعمله عمليه الطهارة أعمى

اللي متحبش تشوف وشه يجي يوم وتتمنى تشوف قفاه
ان ممكن الأنسان يفتكر انه مش محتاج لشخص معين ويتعامل معاه وحش لأنه مش محتاجه لكن هو ممكن يحتاجه لدرجه انه يتمنى يشوف قفاه حتى مش وشه

الحظ لما يواتي يخلى الأعمى ساعاتي ، والمكسح عجلاتي
ان الحظ لما يجي لأنسان بيعمل المستحيل

لا تصاحب الأقرع ولا تأخذ منه نصيحة ، لو ربنا يحبه كان خلاها له صحيحه
ده مثل يضحك وطبعا واضح وطبعا هو مش مطلق هو اكيد مش كل الناس زي بعض

خنفسه شافت ولادها على الحيط ، قالت : ده لولي ملضوم في خيط
ان ماحدش بيشوف ولاده إلا احلى الناس لدرجه ان الخنفسه لما شافت ولادها على الحيطه قالت دى لؤلؤ معقود في خيط :icon33:

الشايب لما يدلع زي الباب المخلع :16:
ان الشايب دلعه مالوش طعم

في الوش مرايه والقفا سلاية :01:
يعنى معاك كويس وفى وشك يضحكلك ومن جواه او من ورا ظهرك قلبه مش صافي

أدى البخوت لمكركتين الروس وذوات شعر خيلي بختهم موكوس :3_2_21v:
ان ذوات الشعر الخشن المكركرت هما اللى محظوظين واللى شعرهم جميل زى الخيل بختهم وحش

الحلوة لما تقوم من النوم ، والوحشة لما تغسل وشها كل يوم :10_8_11:
ان الحلو حلو في كل احواله حتى وهىيا صاحيه من النوم ومش متوضبه لكن الوحشه لازم تغسل وشها كل يوم علشان تبقى حلوة

من بره هالله هالله ، ومن جوا يعلم الله :024:
يعنى ظاهره غير باطنه

أقلب القدرة على فهمها ، تطلع البت لأمها :10_8_10:
يعنى البنت زي أمها بالظبط

المتعوس متعوس لو حطه على بابه فانوس :05:
قليل الحظ يفضل طول عمره متعوس

قليل البخت يطلع له عظم في الكرشة :booo:
اللى بخته قليل يلقى مصاعب حيث لا توجد مصاعب والمفروض ان الكرشه دى كلها لحم ودهون لكن هو قليل الحظ فبيلاقى فيها عظم

قلبي على ولدى انفطر ، وقلب ولدى عليا حجر
الأولاد ما بيحسوش باهلم فالأهل يحبوا أولادهم وقلبهم ينفطر عليهم لكن الأولاد مهما عملوا مش بيحسوا بأهلهم

القرعة تتباهى بشعر بنت أختها :08:
واضحه طبعا

قالوا للحرامي احلف ، قال ( جالك الفرج ):07:
واضح

يا مصبر الوحش على الجحش
مثل يضحك

اللهم طولك يا روح على هذا اللوح

لحمتك مشغته ليه ، قالهم اصل الجزار معرفة

اللي تقول عليه موسى يطلع فرعون

قليل الأصل لا تعاتبه ولا تلوموا ، ده زي البقعة اللي لا تطلع برابسو ولا بأومو

لا تذم ولا تشكر قبل سنة وست أشهر

ابنك على ماتربيه وجوزك على ما تعوديه:10_1_103v

اللى يقولها جوزها ياعوره يلعب بيها الناس الكورة
واللى يقولها جوزها ياهانم يقبلوها الناس على السلالم

أعتقد ان كل اللى مما شرحتوش واضح .
يعنى دول شويه امثال اللى فكراهم دلوقتى واكيد كل بلد بتختلف عن التانيه
ها يلا همتكم عايزين الوحده العربيه :40: