فليم ازيك
وكيف اخبارك انشالله امورك كلها ماشة تمام

بالنسبة لنمرة تلفون اللي حتعمل الكيكة
انتظري علي لغاية ما امشي السودان
وانشالله بارسلها ليكي في ايميل
وعلى فكرة برضو انا مفكرة في تاس الهيلتون للكيكة
لانه عندهم ميزة بيجي واحد مع الكيكة يقطعها ويقدمها للناس
بصحون وشوك من عندهم

انشالله فستان زفافك ماشي كويس واكيد حيطلع حلو بأذن الله
انا فستاني بكرة حامشي للبروفة الاخيرة انشالله
فاضل بس تركيب الكم


مصر ما دايرين فيزا الحمدلله اختي كانت هناك قبل اسبوع بس
ودة قرار ليهو كم شهر بس


قريت الرد حقك في موضوع شهر العسل
رهيييييييييييييييييب
بالجد نفعتيني
وانشالله حاعمل ليهو برنت اوت عشان ما انسى حاجة
ولو اتزكرتي كمان رسلي لي

بخصوص العقد احسن بروفيشنال المكياج لانه مع الكاميرات والتصوير بيفرق بس لو انتي شاطرة اعمليهوا براكي
اكيد بيطلع حلووو ومرتب



يلا سلام يا عسل

سلام شديد لكل الزولات الموجودات في الملف والف الف الف مبرووووك للعرايس والله يتمم ليكم على خير انا سعوديه000وياليت تجاوبون على سؤالي برحابة صدر00انا الي اعرفه انكم ما شاء الله خبره في الحنا والدلكه00ياليت تقولون لي طريقة الدلكه بس تكون سهله لاني زوله كسلانه00وياليت بعد تقولون لي اخر الموضه في الحنا واذا عندكم صور لاتبخلون علينا ومشكوررررررات شديد مقدما وعساكم على القوه والله يهون على كل مغتربه وان شاء الله تتحسن الاوضاع في السودان وسلاااااااام ياعسسسسسولات

كيفكم يابنات؟؟؟؟طمنزنا عليكم بليز .
جيلا جد مشتاقة ليك و ريحانة عملتى شنو فى الامتحانات و هدوية جد جد جد قلقانة عليك مامعقول ده كلو تغيبى علينا...:icon33: .
وطنى السودان كيفك حبيبتى...اهاالفستان طلع كيف ان شاء الله الفى مزاجك و ورينى الموديل كيف و لو عندك صور ليه نزليها.
انا حاستناك ترسلى لى رقم البتعمل التورتة و رقم هند حافظ اول ماتجى السودان.و ماوريتنى هند اسعارها كيف..؟؟؟
بخصوص مصر حارسل ليك موقع على الخاص حتستفيدى منو ان شا ءالله انا استفدت منو جد فى التخطيط لى سفرة ماليزيا..و محال السمك القلت ليك عليه فى اسكندرية اسمو قدروة و معروف اى بتاع تاكسى بيوديكم ليه....و بخصوص التحف و التذكارات بتلقوها فى خان الخليلى و اهم شى تفاصلى فى الاسعار..انا باخد منهم الحاجات بنص و احيانا ربع السعر البيقولوا فى الاول.و لسه لو اتذكرت تانى شى باقول ليك طوالى ياعسل..
صحى خلوا بالكم من الاماكن الزحمة و ال فيها اجانب..انا مرتين نفدت باعجوبة من الانفجارات دى...مرة كنا فى الحسين و بس طلعنا كده حصل انفجار...و شرم الشيخ بالذات مستهدفة لكن بس خليكم بعيد عن الاماكن الزحمة و الفيها اجانب و ان شاءالله مابيجيكم شى.
انا الليلة ماشة للبروفة النهائية للفستان و باوريكم البيحصل معاى طوالى ان شاء الله...

حروف الود اهلا بيك حبيبتى و الله يبارك فيك ياعسل و يديك العافية ..
بخصوص الدلكة حبيبتى كان ذكرتها جيلا فى اول الموضوع و انا حانسخها ليك تانى هنا حبيبتى:
طريقة عمل الدلكة العادية

لعمل الدلكة يستخدم حوالي ثلاثة كيلو من دقيق الذرة النقي ويعحن الدقيق بالماء المنقوع بالقرنفل (ينقع القرنفل في الماء لمدة ليلة كاملة) ثم يلطخ على قدح من الخشب ( صحن كبير ) في باطنه حتى يلتصق تماما ثم نكفي القدح على حفرة الدخان ويدخن بالشاف ونغطي الصحن والحفرة جيدا لتتغلغل رائحة الشاف فيه جيدا ويترك حتى يحمر لون العجين . ثم نرفعه من نار الدخان ويعجن مرة اخري ويبلل بمزيد من نقيع القرنفل ويوضع مرة اخرى على الدخان وهكذا نكرر هذه العملية لمدة أقلها ثلاثة ايام حتى ينضج و يكون لون العجين أقرب للسواد . دليل النضج هو تساقط العجين من القدح..ترفع العجينة المتكونة من الدخان وتخلط بالمسك المسحون والضفرة المسحونة والأرياح السائلة(وهي: فلور دامور والصاروخ وقلامور وقليل من الخمرة) وتعجن جيدا لضمان اختلاط العطور بالعجين وتعبأ في إناء محكم الاغلاق . يستحسن تقطيعها قطعا أو تشكيلها في كريات صغيرة لسهولة استخدامها. عند الاستخدام نأخذ كتلة صغيرة وتبلل بالماء حتى تصير في شكل شبة سائل ويدلك بها الجسم ويستخدم الدهن أو الزيت المعطر ليسهل خروجها ويكسب الجسم لمعانا
دلكة المحلب
دلكــــــة المحلب يسحن المحلب ناعما ثم ويغربل ثم يعجن بعصير الليمون المخفف بالماء وتدخن بنفس الطريقة المستخدمة في دلكة الذرة وتعجن في كل مرة بمزيج الماء والليمون حتى تنضج وتتساقط من القدح. تعجن بالعطور :صندلية ، فلور دامور ومسك مسحون وقلامور وتعباء في إناء محكم الإغلاق وتترك لتتشرب العطور. تستخدم بنفس الطريقة السابقة


دلكة البرتقال
يجفف قشر البرتقال والقريب فروت ثم يسحن ناعما ويغربل ويعجن بمزيج الماء وعصير الليمون ويدخن بنفس الطريقة السابقة حتى ينضج. يعجن بالعطور: الصندلية،ر والفلور دامور والمسك المسحون ويعبأ في إناء محكم الإغلاق ليستخدم عند الحاجة

إزيييييييييييييكم يا حلوين يا صبايا أخباركم و حشتوني و كيف عاملين أنا ما تسألوني عن حالتي شعري شاب من كتر الإمتحانات إتعلّيت و مليّت ...إف ده شنو عذاب يوم ورا اليوم إمتحان حتى للنوم ما بلاقي وقت بجي من المدرسة مهدودة و على بال ما أستحم و آخد وقت للراحة ألاقي الوقت جرى بسرعة فظيعة و لمن أفتح الشنطة و أشوف شنو اخذنا و شنو علينا من واجبات و .و .و ....... تكون الساعة 11 مساءً جات ده لمن ما يكون علينا إمتحان لكن يوم الي يكون عليّ إمتحان تعالوا شوفوا الحالة الي بيكون فيها ..... ما بلحق أخلص ده و أشوف المادة دي و . و ....حتى إني مرات ما براجع أي شي بس بطلع المادة الي علي فيها إمتحان و بمسكها من المغرب لغاية ما أخلّص يعني باخد حوالي 3-5 ساعات لكن ما متواصل لا دقيقة في المطبخ و دقيقة ونسة و دقيقة لعب و دقيقة تلفزيون يعني دقيقة على دقيقة بييساوو 15 دقيقة يعني بغير على نفسي جو الدراسة و الكآبة اليومي .....عموما الدح حلو لكن المجهود هو الأساس و النية أولا .... و إمتحان الكيماء كان حلو لكن طويل و مليان كتابة و تعاليل و أنا خلاص كان فاضل 10 دقائق على الحصة و يا حلاوتي لقيت في صفحة بتاعت مسائل ما حاليتها ... آآآه ه .. و يلا إشتغلت حل و عصر مخ .. و ما راجعت إلا التعاليل .... و عموما عندي مسألة مطلوب صح و الثاني غــ×ــلط .... لكن إمكن عليها درجتين على حسب إعتقاداتي و يا رب ما أكون أبدعت في الثاني ... و بالنسبة للسمستر كان حلو لكن ما بالمستوى المطلوب خلوها بيني و بين نفسي ..و الفيزياء ها ها ها هوهو هي ... علامة بجدارة نايلاها ... تلوّع الجبد.... لكن إمتحان الرياضيات قعدت أحل و أحل كان سهل كان عبارة عن 6 مسائل كل وحدة عايزة حل طيب و وصلت لمسألة و ساعتها المخ تربس و قفّل خلاص و كلنت الحصة الأخيرة يعني تخيّلوا الحالة الي إحنا فيها ..... يااااي... حالة و لا في الأحلام يعني لو كان إمتحان محتاج بس حفظ كنا قلنا معليش لكن رياضيات ... هي هي .... إهي هي ... لكن المخ بعد حوالي 3 - 5 دقائق لقط الحل حلو روووعة حليتها لكن المس قالت لي عيديها عدتها و لقيت نفس الجواب .. المهم حليت و ربنا يهوّن علينا ... الإمتحان كان في الجبر و الأسس و الجذور ... حلوة بس ترفع الضغط .... و اليوم كان علينا نظافة الساحة دور صفّنا و كان متعاون و المس قالت الساحة كانت زي الفل .... كوووووووووول... و يلا معليش سردت قصة حياتي مع المدرسة و معليش مافي سمايليز معليش.... و طولت كمان عشان الغيبة كان أطول الغيبة و لا...! لا لأنكم وحشتوني المهم ما اطول عليكم و الله يسهل على الجميع و ما تغيبوا طويل خصوصا هدوية و رندة وينكم و سلامس للجميع و فليم و وطني و جيلا و يلا في أمان الله.....