ساروية التسريحة ما اشكال مع غادة لانو هى لما تسرح ليك بتاخد رايك انا كانت بتسالنى فى كل خطوة...و الصراحة اقول ليك كريم الاساس اهم من التسريحة فى نظرى لو الاساس زبط اى شى بيزبط انا عملت لى اساس حلو شديد و حتى عندى وحمة فى يدى عملت ليها تغطية بكريم الاساس و ماظهرت نهائى.....انا ان شا ءالله زفافى تانى يوم فىالعيد لو ربنا سهل.
دايرة اقول ليك كمان انا اتصلت بى صفاء القلوب و لقيت اسعارها نفس غادة شرفى علشان كده ما مشيت ليها قلت مادام نفس الاسعار احسن غادة.
و لو مرتاحة لصفاء و عاجبك ممكن تعملى زى وطنى السودان هى بتشترى كريم الاساس و بتوديه للزولة البتعمل ليها المكياج ممكن تجيبى اساس كويس و ماركة و تكونى جربتيه و تمشى ليها.

ياجماعة وطنى السودان و هدوية و رندة ليهم فترة..ياريت يطمنونا عليهم....

ازيكم يا بنات كيفك يا فليم اتمنى اتعرف كمان على البنات التانين انا ما صدقت لقيت ملتقى بنات السودان بالنسبة لمكياج انا لسه حيراه لكن حشوفم الاتنين لو عندك رقم غاده ولا صفاء اديني ليهو وبالنسبه يابنات للركب والاكواع والبلاوي ديك عملتوا ليها شنو لانو ما شايفه الدخان اثر فيها كتير دايره اعمل شي مضمون

ونسيت اسألك كمان انت اتفقت مع غاده يوم الدخلة بكم . انا كمان عندي مشكلة تانية انا طبعا انا ما كنت دايره ارقص الا بقسمة ويوم صبحتي هي محجوزة وما بقدر اغير المواعيد عشان كدا صرفت نظر عن الرقيص وقلت اعمل حفله يوم الصبحيه البس فيها تركواز وبعدي اغير احمر للجرتك لكن لقيت ليك خالاتي مصرين اصرار شديد على الرقيص وانا لمن امشي السودان حيكون فضل لي اسبوعين بس بقدر اتعلم فيهم رقصتين وما عارفه زاتوا اجيب مننوا انا كنت دايرة قسمة بشدة لكن اتخرت شديد في الحجز رايك شنوا

ساروية باقى البنات لذاذ شديد و ان شا ءالله حيعجبوك بس شكلهم مشغولين اليومين ديل اعذريهم...
حارسل ليك رقم صفاء و غادة على الخاص اسى ان شا ءالله......
غادة للعقد بى 500 الف و الدخلة 800 الف و الرقيص 600 الف...صفاء ادتنى اسعار فى نفس الحدودد دى تقريبا ...
الدخان قصتى معاهو قصة..قلت ارجع ليه بعد العقد لكن ماشايفة فى وقت....جد محتارة...و الركب و الاكواع ناوية اعمل ليها خلطة ادتنى ليها صاحبتى...روز و ديانا و بوهلى و لوكسيدر....قالت خطيرة و ماشاء الله شفتها الليلة فعلا فى تحسن.
الرقيص ياعسل..انا حترقصنى واحدة اسمها هنودة..والصراحة شايفاها عسل و مكسب شديد...و بمليون بس..و قسمة اصلا مافكرت فيها مع انو واحدة صاحبتى قالت لى بتجيبها لى لغاية مليون و نص لسبب واحد انى مادايرة ادفع كتير لى شى ممكن القاهو بى اقل من كده و بى نفس الجودة ...انا ناس بيتنا ماعندهم مشكلة ترقصنى منو لكن فعلا فى ناس بيهمهم جدا انو قسمة ترقصهم و اهلهم مابيرضوا الا بقسمة و بيشوفوها من البرستيج بتاع الاسرة...على العموم..غير قسمة و هنودة فى فايزة عيسى وبهاء و فى واحدة اسمها سامية قالوا و علامات تانى كتير...
اسبوعين كفاية و بتعلمك كويس....ماتشيلى هم..و انا مع خالاتك الرقيص احلى شى فى العرس....والعروس بالبلدى احلى بكتير من الزفاف...