على ضفاف النيل...(ملتقى حواء السودان)...حبابكم عشرة..

هدويــــــــــــه • 19 سنة

والله الليله خولوني ساي لخمه مباااالغه وبالجد تعبت لكن الامور لحدي اسي ماشه تمام المهم انا كنت بقرا هندسه نظم الكترونيه والله يافليم انا كنت مابعرف اي حاجه وصراحه كنت الملعقه مابرفعا لكن للضروره احكام وبعدين هنا اوروبا مافي زي السودان ولا السعوديه بت شغاله ولا غيره كله على راسك يعني حاجه صعبه انك توفقي بين البيت وروحك والله انا بتحنن الليله بعد يومين القاه طلعت من غشيل العده وعذاب شديد لكن بالجد ليه طعمه البتستمتعي بيه بالجد .
اول حاجه انا عرسي كان في السعوديه لكن اي حاجه كان مرتبه انها مغروض تكون في السودان لمن عشان العرس بقا في نص السنه الدراسيه وكان لازم اجي عشان التاشيره عندها فتره معينه وبالنسبه للتجهيزات دا موال تاااااااااني وانشاء الله حاوريكم ليها بالتفصيل

flame4me • 19 سنة

هدويــــــــــــه
ربنا يعينك جد....والله مسؤلية و انت كمان فى بلد اى شى فيها صعب...اهم شى انك مستمتعة بدور ست البيت..عارفة عندى صاحبتى اتزوجت و كانت اصعب منى مابتعرف اى شى لما مشيت زرتها ماشاء الله...ست بيت ممتازة..قالت لى...لما تتزوجى الانسان البتحبيه حتحسى انك نفسك تسعديه باى طريقة و اى شى كنتى بتشوفيه صعب بيبقى حلو و ممتع:27: ..ربنا يهنيك ياهدويه و يسعدك و يسهل ليك امورك...
وصحى ورينى بتختى الحنة كويس ولا بتلخبطيها...انا بس نفسى اعرف بتظبط كيف قلت لى ماما دايرة اتعلم من اسى قالت لى بعد العرس بتتعلمى براك....غايتو الا القى مصباح علاء الدين علشان اتعلم ده كلو:D .
يلا مستنية تجهيزاتك بالتفصيل ياعسل...

flame4me • 19 سنة

جيلا ياعسل شكللك الليلة نمتى بدرى....بكرة دوام مش كده....انا مبسوطة بت خالتىاللى هى صاحبتى الانتيم جاية من الامارات يوم الاربعاء ان شاء الله...و حابدا طوالى تعليمة الرقيص ان شاء الله..الجو اسى حلو...شكلو حينزل مطر..يلا تصبحوا على خير وفى امان الله..:26:

jeela • 19 سنة

هدويــــــــــــه :

والله ياجيلا الليله ويك اند وراجلي عازم 8 رجال على عصيده وملاح والعذااااااااااااااااب الشديد وعامله عصيده وملاح نعيميه وملاح تقليه ومنتهيه وحااوريك الحاصل

والله ياجيلا الليله ويك اند وراجلي عازم 8 رجال على عصيده وملاح والعذااااااااااااااااب الشديد...

الويك اند بتاعك حافل.. الله يخليك ورينا مقاديرك للعصيدة والملاحات .. اخواتك جيلا وفليم علاقتهم مع الملاح مش ولا بد :(

jeela • 19 سنة

flame4me :

ام طوري مشكوورة على الفكرة الجميلة حبيبتى و ان شاء الله كلنا نطبقها.....:27: جيلا شعر بيونسيه ده ماتتخيلى جد عامل لى نفسيات كيف:icon33: ...لكن ربك يسهل بس....نعمل العلينا و الباقى على ربنا...شفتى علشان بنات الكوافيلر الشريرات ديل دايرة ابقى خبيرة فى العناية بالشعر..كمان بحس انو على الاقل اللى فى السودان بيعرفوا يتفاهموا مع شعورنا..زلكن البره ديل كمان عدم خبرة على العليهم....زغايتو عندى اخواتى الاتنين حاتدرب على شعرهم :D و هم متطوعين و راضيين....:39: ياحليلم جد.... المقالة وصلت ياعسل......تسلمى لى ياغالية..ودايرين تانى مقالات كمان و كمان...:26:

ام طوري مشكوورة على الفكرة الجميلة حبيبتى و ان شاء الله كلنا نطبقها.....:27: جيلا شعر بيونسيه ده...

اخواتك عملة نادرة :) - نادرا ما شفت لي اخت تسمح ليكي تعمليها حقل تجارب في المجالين المكياج وفرد الشعر.