اذيكككككم انا جيت مشتاقة ليكمممم لكن تعبانة ان شاء الله بكره اجى احكى ليكم الشمارات كلها وحشتونى جد ووحشنى المنتدى كله يلا لبكره ان شاء الله..:26:

السلام عليكم يلبنات..كيفكم....جد مشتاقة ليكم لكن زعلانة منكم وين مشاركاتكم....على العموم انا ذاتى مقصرة...بس كنت مشغولة الفترة الفاتت دى شوية...بكمل فى حاجات العرس و كل يوم مشاوير و بارجع تعبانة..ادعوا لى انتهى علشان اقعد فى بيتنا و ابدا برنامج نضافة و دخان و الكلام ده كله...واحشنا البت جيلا جد يلا الله يرجعها لينا بالسلامة يارب....هدوية و ريحانة الحياة اخباركم شنو؟؟؟؟و ين انتوا و الشغلكم عننا شنو...ان شاء الله خير بس...هدوية طلعنا جيران و اهل...انا بحب رفاعة لكن بخاف من البنطون شديد و لما نركب البنطون تلقينى عايشة على اعصابى لغاية ما نوصل الضفة التانية..و ريحانة ياحليلك صغنتوتة لسه يلا خلاص بقيتى اختنا الصغيرة العسل..واخواتنا ام طورى وميرسى وحريجه و كل اللى كانوا بيشاركوا معانا و حشتونا.....:26:

هلا هلا flame4me أخبارك شنو حمدا لله على السلامة و إن شاء الله تكملي باقي حاجاتك و الله يهنيك ده معناه أنا صغيرونات حواء حلو دلوعة حواء هههه المهم أنا موجودة لكن أنتظر الردود و الإجابات عشان أشارك و يلا أنا منتظرة ,,,,

صباح الخير ياحلوين..معليش يابنات اليومين ديل مابيجينى ايميل من المنتدى لما الموضوع يكون فيه مشاركة جديدة...ماعارفة السبب شنو....حارسل للمشرفات اسألهم ان شاء الله...ريحانة يادلوعتنا برنامجك شنو اليومين ديل..اجازات و كده...وليه مابتجى السودان فى الاجازة؟؟
عن اخر استعداداتى اشتريت الدهب اخيرا.:icon28: .....جبتو من دماس بعد ما طلعت روح الشغالين فى المحل و جربت الدهب اللى فى المحل كله....فى النهاية انا و ماما اتفقنا على طقمين حلوين....انا بحب الحاجات البسيطة شديد و ماما تقول لى لأ ده ما دهب عروسة لازم تجيبى حاجة فخمة فى النهاية وصلنا لى حل وسط و جبت 3 خواتم حلوة شديد كمان و بى كده قفلنا ملف الدهب..التياب ده فيلم تانى طبعا.....فى الاول قلت حاجيب 4 بس للرقيص لكن بعد ماجبتهم عجبونى شديد سو قلت اجيب تانى 3:D ..التوب حلو جد و اتعلمت البسوا اخيرا...(ياحليلك ياجيلا كان نفسى تكونى معاى و نتعلموا سوا لكن ولا يهمك باعلمك انا....:27: ).
الليلة ان شاء الله ماشة اشترى المكياج و ماشة دكتور الاسنان عندى صيانة كمية لاسنانى.....غايتو اللف متعب جد لكن خلاص هانت قربت انتهى و اقعد فى بيتنا اتحبس..يلا القاكم بعدين ان شاء الله...:26:

حلو يلا الله يوفقك لكن أنا لمن جيت السودان في محلات بتاعت تياب كده مواجهة لسعد قشرة محلات دخلناها و عندهم التياب الحلللوة و أسعارهم حللوة لكن بما إنك عروس شوفي الي بيعجبك و أنا سنة بجي السودان و سنة لا ما كل سنة و إحنا خلاص المدارس قربت تفتح يعنى ما حكون فاضية للمنتدى زي أيام الأجازة لكن إن شاء الله أنا جاية السنة الجاية يلا بنوتات سودانيات حواء في أمان الله ....