flame4me :

كيف يابنات مشتاقة ليكم جد والله و كويس انو الموقع اتصلح كل يوم اجى القاهو خربان الليلة اتبسطت جد لما لقيت مشاركات منكم...:27: ..انا تمام و بقيت حريفة فى الدخان يا بنات امبارح قعدت ساعتين عديييل كده....و الشمارات برضو انى بقيت مرة خال اخت خطيبى ولدت و جابت بت ياحليلها جد تعبت فى الولادة لكن الحمدلله اسى كويسة و البت تمام :27: . جيلا ان شاء الله اعمل حسابى و افتش لى محول كهرباء لانو جد مادايرة اى مفأجات فى شهر العسل ان شاء الله..اخبارك انت شنو يابت و الجديد عندك و كيف مع الدوام؟؟ رندة يديك العافية حبيبتى و ميرسى على الكلام الحلو و ان شاء الله اتحصن كويس ..بخصوص الفستان الخياطة هنا فى السودان ارخص بكتير من بره و هو على العموم كل ما الفستان فيه شغل كتير بيكون اغلى لكن لو دايرة تخيطى لازم تحجزى من بدرى لانو بيأخد زمن و الفساتين الهنا حسب انتى حتعملى المكياج عند منو..لو عند غادة شرفى الفرص بتكون ضيقة لانها بتطلب انو الفستان يكون امريكى او اوربى او خياطة عند ناس معينة و مابتلبسك بفستان سورى او تركى...لكن لو عند انتصار جحا او هند حمدتو او اى واحدة تانية ماف مشاكل..انا حاعمل عند غادة شرفى ان شاء الله علشان كده قلت اخيط احسن.و برضو حسب اللون لو دايرة ابيض فى موديلات كتيرة لكن لو بيج او دهبى ما بتلقى حاجات كتيرة.. بخصوص الخياطة انا مدام خلود جاملتنى شديد والله انا اتصلت بيها فى الاول و قلت ليها دايرة فستان بحدود ال 500 $ قالت لى جيبى الموديل حقك و ما حنختلف ان شاء الله لمن مشيت ليها و وريتها الموديل قالت لى فستانك بيكلف ما اقل من 700$ لكن حاعملوا ليك بفلوسك دى على شرط انو لو البنات سألوك بعدين تقولى ليهم عملتوا عند مدام خلود لانو قالت البنات بيخيطوا عندها و يمشوا يقولوا ده جايبنوا من لبنان و من باريس و كده:D و قالت حتدينى بيزنس كاردز حقتها اوزعها يوم العرس على المعازيم قلت ليها ياستى مكسب و هى صراحة زولة ظريفة و التعامل معاها مريح لكن لما اشوف فستانى حيطلع كيف باكلمك لو الخياطة كانت كويسة..انا ذاتى بخاف من الخياطة شديد و ماحصل مرة خيطت شى و طلع كويس لكن شفت فساتين عاملاها مدام خلود و عجبتنى....انت حتجى السودان قبل العرس بى كم.....؟؟؟

كيف يابنات مشتاقة ليكم جد والله و كويس انو الموقع اتصلح كل يوم اجى القاهو خربان الليلة اتبسطت جد...

flame4me :

السلام عليكم يابنات كيفكم و الاخبار شنو؟؟؟؟جيلا يا عسل ما تشيلى هم ربنا كريم ان شاء الله و قريب يارب تسمعى اخبار حلوة...بخصوص كتابة المواضيع ياعسل اول شى باكتب اسم الموضوع عادى جدا و بعدين باعمل ليه سليكت او باظلل عليه و بامشى فى السطر التانى فى لوحة تنسيق النص و باضغط على اضافة رابط بيطلع ليك مستطيل فى المستطيل ده بانزل عنوان الصفحة الانا دايراها(باكون عاملة ليها كوبى فى المؤشر) و بس بى كده بيشتغل معاى الرابط لو الشرح ما فهمتيه قولى لى و بحاول اشرح تانى يلا انت كمان ادينى موقع انزل بيه صور هنا علشان اوريكم صور موديل فستان الزفاف الاخترته اوكيز؟؟؟و البروفة لسه اساسان المقاسات لسه حايخدوها لى يوم الاتنين الجاى قالت لى تعالى بعد ما تتدخنى علشان يكون وزنك بقى ثابت :27: .ماف زول عارف ليه حل لى لون الدخان اللى فى الاصابعين جد ما حلو:(...يلا امشى اشرب الشاى و اجيكم....

السلام عليكم يابنات كيفكم و الاخبار شنو؟؟؟؟جيلا يا عسل ما تشيلى هم ربنا كريم ان شاء الله و قريب...

flame4me :

السلام عليكم يابنات كيفكم و الاخبار شنو؟؟؟؟جيلا يا عسل ما تشيلى هم ربنا كريم ان شاء الله و قريب يارب تسمعى اخبار حلوة...بخصوص كتابة المواضيع ياعسل اول شى باكتب اسم الموضوع عادى جدا و بعدين باعمل ليه سليكت او باظلل عليه و بامشى فى السطر التانى فى لوحة تنسيق النص و باضغط على اضافة رابط بيطلع ليك مستطيل فى المستطيل ده بانزل عنوان الصفحة الانا دايراها(باكون عاملة ليها كوبى فى المؤشر) و بس بى كده بيشتغل معاى الرابط لو الشرح ما فهمتيه قولى لى و بحاول اشرح تانى يلا انت كمان ادينى موقع انزل بيه صور هنا علشان اوريكم صور موديل فستان الزفاف الاخترته اوكيز؟؟؟و البروفة لسه اساسان المقاسات لسه حايخدوها لى يوم الاتنين الجاى قالت لى تعالى بعد ما تتدخنى علشان يكون وزنك بقى ثابت :27: .ماف زول عارف ليه حل لى لون الدخان اللى فى الاصابعين جد ما حلو:(...يلا امشى اشرب الشاى و اجيكم....

السلام عليكم يابنات كيفكم و الاخبار شنو؟؟؟؟جيلا يا عسل ما تشيلى هم ربنا كريم ان شاء الله و قريب...