على ضفاف النيل...(ملتقى حواء السودان)...حبابكم عشرة..

jeela • 19 سنة

flame4me :

اذيكم مشتاقة ليكم برضو الواحد بيغيب ساعات و يجى مشتاق ليكم شديد.....جيلا و الله الشاى جاب ليه فطور و ونسات مع ماما و جات واحدة صاحبتى و اسى يادوب حتى جيت قعدت فى الكمبيوتر تانى....ومشكورة ياعسل على ارقام المكاتب عارفة موضوع الشقة ده عمل لى نفسيات و خطيبى المسكين كل يوم يطلع يفتش و كذا مرة يطلع مع سمسار و يشوفوا شقق و بيوت و خلاص نبقى عليها و يرجع السمسار يقول ليه معليش لقيتها محجوزة و معليش اتأجرت...قلت ليه السمسار ده بيحندك فينا بالشقق و لا شنو يورينا ليها و تعجبنا يقوم يقول لينا اتأجرت:icon33: ..دى الحالة سمسار سودانى...غايتو الله المستعان بس اسى حأديهو الارقام دى و دعواتك معانا ياعسل.... و جد الله يخليك لى و وقفتك معاى دى وقفة اخوات ان شاء الله نقيف معاك يوم عرسك :icon28: قولى امين.... اسى حاحاول فى الصور دى ان شاء الله تظبط معايا و شرحك واضح ياعسل و غريبة التوقيع ما مفروض يكون 250 الا اذا دى قوانين جديدة للمنتدى لكن اهم شى انك فهمتى الطريقة و ظبطت معاك ياسكرة :27:

اذيكم مشتاقة ليكم برضو الواحد بيغيب ساعات و يجى مشتاق ليكم شديد.....جيلا و الله الشاى جاب ليه...

لا شكر على واجب حبيبتي .. قلت ليك بقت اسعار الايجارات وكلو شي هنا مرهق ونار. لكن طولوا بالكم ممكن الله رايد ليكم شي احلى منها . فليم اصحي خطيبك يشتري الجريدة الانجليزية Gulf News بيعلنوا فيها عن شقق وبيوت للايجار ما بيكون معلن عنها في ملاحق الجرايد المحلية العربية ..
وامنت على دعوتك يا عسولة .. ما تنسيني من الدعوات

تصدقي رسالة ال 250 حرف دي بتظهر لي من زمان لما كنت بحاول اعمل توقيع بالطريقة المعقدة الاولى ديك .. يلا ، اكون متواضعة اخيرا فهمت كيف بتعمل

jeela • 19 سنة

flame4me :

اوكيز الصور ياها دى ان شاء الله بس تظهر ليكم طبعا انا الفستان ماخدة فكرته من كذا فستان و عملت برنت للصور دى كلها و وديتها لمدام خلود علشان تفهم الفكرة ..الفستان حيكون قطعتين يلا الفستان من تحت عامل زى الفستان ده كده...: من قدام و من ورا و من فوق عامل زى ده... ومن الرقبة فيه الفكرة بتاعة انو الحمالات تكون حولين الرقبة زى ما فى الفستان ده... ولونو زى الفستان ده تقريبا .... جاكم صداع من الوصيف الكتير مش؟؟؟؟مدام خلود جاتا نفسيات قالت لى فستان جايباهو من مليون فستان حتاتعبينى معاك

اوكيز الصور ياها دى ان شاء الله بس تظهر ليكم طبعا انا الفستان ماخدة فكرته من كذا فستان و عملت...

قلبي مع مدام خلود- لكن قبل ما اشوف الفستان هي حتخيطو كيف اقول ليك انها فعلا بتستاهل توزعي الكاردز حقتها على المعازيم .. لون الفستان حلو شديد واخترت موديلات حلوة ..

jeela • 19 سنة

jeela :

ريحانة الامورة مبسوطين نسمع الاخبار والدرجات الحلوة من اول السنة - ماشاء الله عليك والف مبروك .. واصلة كده طوالي وما تنخي من الدراسة .. وإن شاء الله نسمع المزيد من الاخبار الحلوة منك ..

ريحانة الامورة مبسوطين نسمع الاخبار والدرجات الحلوة من اول السنة - ماشاء الله عليك والف مبروك .....

فليم .. سؤالين ليك يا عسولة

الجو في السودان بيكون كيف اول 11 - مايل للحر - برد - حر مقبول ؟

بالنسبة لزول غاب من السودان مدة طويلة 8 سنين -في حاجات جديدة فتحوها في الخرطوم بتستاهل انو الواحد يمشي يشوفوها ؟

- جربت ديزني آيس - واخونا لذيذ قصتو شنو ؟

شايفة الاسئلة من اتنين بقوا تلاتة :) . ما تتاخري عليّ .

jeela • 19 سنة

jeela :

ريحانة الامورة مبسوطين نسمع الاخبار والدرجات الحلوة من اول السنة - ماشاء الله عليك والف مبروك .. واصلة كده طوالي وما تنخي من الدراسة .. وإن شاء الله نسمع المزيد من الاخبار الحلوة منك ..

ريحانة الامورة مبسوطين نسمع الاخبار والدرجات الحلوة من اول السنة - ماشاء الله عليك والف مبروك .....

فليم .. دي صور من بحيرة مشينا ليها في سكتلندا.. دايرة رايك

http://img274.imageshack.us/img274/5479/scotland2408050051be.jpg

http://img370.imageshack.us/img370/9148/scotland2408050339nq.jpg

وآخر صورة

http://img95.imageshack.us/img95/2941/scotland2408050465ml.jpg

flame4me • 19 سنة

صباح الخير ياحلوين..؟؟الاخبار شنو كلوا تمام؟؟؟انا تمام كان مفروض اكون صايمة الليلة لكن صحيت راسى لافى ان شاء الله اصوم بكره....جيلا الصور مبالغة مبالغة جد....اههه نفسى امشى استكلندا اسى خلاص دخلت راسى شديد:D ..
بالنسبة للسودان....موخرا فتحوا اماكن جميلة....عندك توتى فروتى ده بتاع ايس كريم ايطالى حلو و هادى فى الرياض....الايسكريم بيجنن و القعدة رهيبة و كمان جنبوا محل اقاشى ..انا بامشى اتعشى اقاشى و بعديها ايسكريم و باكون مبسوطة جد...فتحوا تانى شوبينج سنتر اسمو عفراء..فيهو برضو محلات لذيذة و ماركات زى هانج تن و يوتو و اسبيريت بس لاحظت انو حاجاتهم ما بتكون مواكبة يعنى بتلقى هدوم الموسم الفات و حاجات الموسم ده بتنزل بعد فترة لكن يازولة تقدم كنا وين و بقينا وين..وفيهو سينما حلوة هى صغيرة لكن لذيذة و بيحاولوا يجيبوا افلام جديدة نوعا ما و كل مرة بيتطوروا شوية.....وفيهو دماس كذا محل و معروضاتهم الهنا جميلة جدا و فيهو باريس قاليرى لكن ماجادى كده و مابتلقى فيه اى شى و اسعارهم نار....لكن احيانا بيكون فيه حاجات لقطة....و كم محل تياب و اكسسورات حلوة و هايبرماركت كويس.
فوق فى محلات بيتزا و مطعم صينى و كذا محل اكل و صالة بولينج لكن ماحصل مشيت ليها..
فى تانى محلات الفاستفود و فيها قعدات لذيذة زى ستيرز و شهى و لذيذو امواج وبيتزا ابوجابرة وايتلى بيتزا...حيفتحوا مؤمن المفروض لكن ما طلعت قريب انا...بخصوص ديزنى كنت بامشيه زمان و حلو هو بس ماعارفة من مافتحوا توتى فروتى تانى مامشيت ديزنى...و ممكن لو بتحبى القعدات الهوليداى فيلا بالمساء قعدتو حلوة و بيجيبوا فرقة بتعزف اعتقد كل يوم احد و عندهم هوت شوكليت حلو الصراحة..ممكن المريديان برضو لودايرة محل انترنت لذيذ و كان بيكون فيه زمان سينما مفتوحة اخر الاسبوع لكن طولت ما مشيت ماعارفة لو لسه فى..و فى تانى كافيه اسمو البرلمان كافيه لذيذ برضو و قعدته حلوة....على العموم بساللك اخواتى لانو جد انا زمن ماطلعت اتفسحت هنا
و بخصوص الجو ياهو جو السودان المسخن ده:( لكن فى الصباح و بالليل بعد 9 كده بيبقى بارد...على العموم احسن من الجو اليويمن ديل اكيد....لكن يابت زى مابيقولوا السودان باهلو و ناسو سو خليها تجى و حتنبسط جد ان شاء الله اها انتى ماجاية قريب ياعسل؟؟؟؟