مساء الخير ياحلوات..قبيل بعد ماكتبت رد طويل اتمسح..اتغظت و قفلت الكمبيوتر اسى يادوب ما هديت من ناحيته....
رندة الله يسلمك يارب و يشفيك انتى و جيلا من الشقيقة دى قريب ان شاء الله:27: ....و ان شاء الله اجيب بندول الاحمر و نشوف اخرة صداع الدخان ده شنو:D .....بخصوص الاسكيرت الاسود للتياب هو فعلا عملى لكن بس مابيجى مع اى شى زى ماقلتى لكن بيفيدك لو مستعجلة و ماعندك مزاج تطقيم..ورينا جبتى الوانت تياب شنو؟؟واشتريتى تانى شنو؟؟شمارى عالى مش:27: .و نزلى لينا صور فستانك بسرعة ياسكرة....:26:

جيلا ياعسل مشيت قبيل لمدام خلود و اخدنا المقاسات...جد ظريفة الزولة دى و حبيتها لله...ان شاء الله بس تكون مواعيدها مظبوطة...قالت لى حنعمل الموديل اول فى قماش عادى و بعد ما تقسيه و كل شى يبقى تمام بنفذ فى القماش الاصلى و قالت حتتصل بى بعد اسبوع ان شاء الله علشان اجى اعمل البروفة الاولى....
بخصوص برنامج العناية بالبشرة ياسكر الخالة البتدخنى ادتنى خلطة كريمات كده قالت لى دى مجربة و حلوة للوش و انا ان شاء الله حاجيب المنظف القلتى لى عليه ده...اما الماسكات انا باستخدم ماسكات حلوة لشركة اسمها montague jeunesse بتجى فى ظروف كده بحس بيها فعالة لكن انا ما بداوم عليها المشكلة..لكن بعد كده ان شاءالله اعمل برنامج جاد و ياريت انتوا كمان تتشجعوا معايا ونعملوا سوا..

كيفك فليم .. جبت ليك اسم المنتج
clean & clear deep action cleansing mask

بالنسبة باعناية بالوش .. كل يوم بغسلوا بصابون نتيروجينا وبعدين بخت مرطب وش.
ومرة في الاسبوع بعمل تنظيف بشرة في البيت .. ولما اكون مروقة مرتين ( بس دي حالة نادرة)

وريني انت عادة بتعملي كيف؟

لقيت الموضوع ده في قسم العناية بالبشرة وعجبني .. بس داير زول متفرغ وفايق ورايق
http://forum.hawaaworld.com/showthread.php?t=315134

فليم و لا يهمك انا شمارى اكتر منك فى المواضيع دى الشمار حلو.... يا ستى انا اشتريت 5 تياب واحد تركواز مع تطريز فضى و ازرق اشتريت ليهو قطعة اسكيرت ازرق و شبشب فضى و شنطة فضية و التانى اخضر فاتح مع بنبى فاتح و فيهو تطريز بالزيتى على شكل وردة مفرغة و ترتر تشتريت ليهو قطعة اسكيرت زيتى و شبط و شنطة بنبى فاتح و الثالث من غير شك شفون سادة فيهو اشكال بدرجات البنفسجى اشتريت ليهو قطعة اسكيرت بنفسجى و شبط بنفسجى فاتح اللون المايل على بنبى و الرابع واحد ارضيتو اوف وايت و فيهو اصفر فاتح و ورود برتقالى نارى اشتريت ليهو شبشب برتقالى بس و اخر واحد الاحمر طبعا اشتريت ليهو شبشب احمر بس لكن لسه ما حدتده اخيط فستان احمر و لا اشترى اسكيرت و بلوزة و زى ما قلته ليك باقى لى توب واحد عايزاهو اسود بس لسه ما لقيت تشكيله عجبتنى.....
و اشتريت هدوم خفيفة للبيت توبات و اسكيرتات و شوية هدوم نوم و هدوم داخلية ... اها و رينى انتى حاجاتك كيف..... انا برضو شمشاره............
هنزل ليكم صور الفساتين العجبانى و صورة لفستان حنة عجبنى شديد بس لسه ما بديت فيهو...

http://img96.imageshack.us/img96/6008/339bb.jpg
دى اول فستان زفاف عاجبنى

http://img300.imageshack.us/img300/69/442um.jpg

و دى تانى واحد

http://img299.imageshack.us/img299/3933/665uc.jpg

و دى صورة فستان الحنة بس من غير القطعة الفى الظهر ... ما دايرة اكون superwoman

اها قولوا لى رايكم شنو......... و بصراحة... :humm: .... باقى فستان واحد بس ما لقيت المجلة اول ما القاها هنزل ليكم الصورة

السلام عليكم و رحمة الله تعالى و بركاته يا احلى بنات...كيفكم و كيف اصبحتوا الليلة؟؟؟جيلا ثانكس ياعسولة على اسم المنظف بعدين باكلم بابا يجيبه لى...الليلة جونى بنات شغالات بيعلوا القلب اسى ماشة اشوفهم عملوا شنو و اجيكم ثوانى بس