كيفكم يا عسولات و الله مشتاقة ليكم شديددددددددددددددددد... الايام الفاتت كل ما ادخل يقول لى المنتدى بيعملوا ليهو صيانة .... و الله قربته اطق من الزهج استقته ليكم شديد و اشتقته لاخباركممممممممممم عاملييييييين شنوووووووو............
فليم العسل شدى حيلك فى الرقيص و ما يجيك احباط البنات كلهم بدو كده .... فى بنات ما بكونوا بعرفوا حاجة عن الرقيص الساى خلى رقيص العروس يوم الصبحية يخلعوا عديل... و اكيد انتى سامعه و شايفة قصص كتير زى دى عشان كده ما تشيلى هم .......... مع الوقت و التدريب هتكونى رهيببببه و دعوانتا و قلوبنا معاك.......
هدوية شكرا على ترحيبك......... و الف الف الف مبروك و ربنا يتم ليك على خير و يقومك بالسلامة و زى ما قالوا ليك البنات ارتاحى و ما تتعبى روحك .. و انشاء الله نسمع عنك كل خير.
ريحانة و جيلا كلنا اطفال كبار ... انا لحد هسع بقعد مع اخوى الصغير و اتفرج على الرسوم بالذات كونن و تيمون و بوبة و اهم حاجة توم اند جيرى.... و الله يا حليل ايام زمان.....
بالنسبة لاخبارى اخيرل اشتريت توب اسود للسهرات و توب تانى للمرقات الخفيفة و اشتريت بدلة و حاجات خفيفة للبيت، ادعوا لى انتهى من الشيلة عشان اخلص من الموضوع دى خلاص تعبته و زهجته.......يعنى القى شنطة مناسبة ما القى شبط بمشى مع الشنطة......... القى بلوزة ما القى اسكيرت مناسب خلاص و صلت معاى الحد........

كيف يابنات مشتاقة ليكم كويس انو الموقع اشتغل انا تمام الحمدلله بس فى مفاوضات لتحديد مواعيد العرس ماما دايرنى اخليه فى عيد الاضحى علشان اهلى الفى السعودية و لندن و خطيبى:arb: ياحليله عندو نفسيات:09: لانو اجر البيت و حجز لشهر العسل و رتب امورو على اول شهر 12 غايتو ان شاء الله خير.....
رندة ياسكرة مبروك التوب الاسود ياعسل كده خلاص انتهيتى من التياب مش؟؟؟يلا الحمدلله و لسه يابت عندك وقت كويس اهم شى تشترىالحاجات بمزاج و ماتتسرعى علشان الشيلة تكون حلوة و رهيبة...:26: بخصوص الرقيص ياستى ربنا يسهل بس اسى الفيديو اتصلح الكاميرا قالوا لى تعالى بكرة و ان شاء الله ابدا طوالى...
رجعت للدخان تانى و الحمدلله ماف مشاكل لغاية اسى...
ريحانة بفتش ليك الطريقة اسى و بارسلها ليك حبيبتى ان شاء الله و جلجل عندك فكرة محلات كليرز وين فى الدوحة؟؟؟
دايرة المكوة دى علشان الفلف بيها شعرى الجبتها بتفرد لكن مابتلفلف لانها مستطيلة و قالوا حاجات كوناير بتتلقى فى محلات كليرز فا ماعارفة لوبتقدرى تشوفيها لى فى ولا ماف و بكم
http://www.conair.com/conair/products/detail.jsp?product=256

اخر الشمارات انى اخيرا جربت البروان سيلكابيل غايتو لحدى اسى ممتازة و حلوة جد.

ريحانة حبيبتى.....:26:
بخصوص كتابة المواضيع ياعسل اول شى باكتب اسم الموضوع عادى جدا و بعدين باعمل ليه سليكت او باظلل عليه و بامشى فى السطر التانى فى لوحة تنسيق النص و باضغط على اضافة رابط بيطلع ليك مستطيل فى المستطيل ده بانزل عنوان الصفحة الانا دايراها(باكون عاملة ليها كوبى فى المؤشر) و بس بى كده بيشتغل معاى الرابط لو الشرح ما فهمتيه قولى لى و بحاول اشرح تانى مكسب ياعسل؟؟؟؟

يسعد صباحكم يا احلا بنات عاملين شنو.....امبارح نزلت السوق و تقريبا خلاص باقى حاجات خفيفة يعنى كم شنطة و كم جزمة و طقم الحمام و اكسسوارت ... و على كده اكون خلصة من موضوع الشيلة و اشوف الحاجات التانية من فستان الحنة و الزفاف.....
فليم يا سكر ما تشيلى هم البجيبوا ربنا كلو كويس و زى ما قلتى انشاء الله خير.....و عاملة شنو مع الحساسية انشاء سهى كويسة و رجعتى للدخان تانى.....
وين باقى البنات ما ظاهرين .... مشتاقين ليكم خلونا نعرف اخباركم و ما تطولوا علينا الغيبة....

صباح الخير؟؟كيفكم يابنات؟؟مشتاقين جد؟رندة مبروك ياعسل انك قربت تنتهى يلا ماقلتى لى انتى حتستقرى وين فى السودان ولا فى الامارات بعد العرس؟؟؟و حتعملى المكياج عند منو للعرس؟؟؟الليلة يابنات ماشية ابدل شريحتى بتاعة الموبايل بى 2 من شركة اريبا الجديدة كويس لقيت زول حيشتريها منى و قلت كده احسن رقمى ده بقى منتشر وقديم من ايام الجامعة...يلا زمان فى الجامعة كنت باغير الرقم كل شوية لكن اسى لى تقريبا سنتين مع رقمى ده.....ياحليلو ماهاين على لكن كده احسن.و كمان حيجينى موبايل جديد يوم السبت ان شاء الله فقلت موبايل جديد و رقم جديد ماف احلى من كده...
جلجل اسالى لى من كليرز بسرعة ياعسل لانو دايرة خطيبى يرسل لى المكوة دى يوم السبت ان شاء الله اوكى لو قدرتى بس ورينى محلو وين و هو بيمشى يشوفها براهو...يالا يابنات...اخليكم اسى ماشة كمان وديت هدوم الدراىكلين ليها شهر اسى و كمان عندى توب وديتو الخياط يقصروا لى ضربت ليه تلفون قال ضيعوا حسبى الله و نعم الوكيل عليه بس اسى ماشة افتش المحل و اشاكله