كيفكم يابنات و اخباركم شنو؟؟؟
ريحانة الف سلامة عليك و ان شاء الله تكونى اشتغلتى كويس فى الامتحانات دعيت ليك و طمنينى عليك بليز و ان شاء الله تكونى رتبتى غرفتك انا ايام الامتحانات ماف زول بيجرؤ يدخل الغرفة من الكراكيب و الاوراق الفيها لكن يلا ايام و عدت الحمدلله.
جلجل ياعسل خلطة ام سلطان دى ياتوا واحدة؟؟؟؟انا غايتو اسى مع الفطور باشرب الشوربة دافية شديد اول شى ان شاء الله تجيب نتيجة بس و ماكلمتينا غيرتى عفش الغرفة حقتك بى شنو؟؟لو عندك صور رسلى بحب حاجات الديكور دى جد.
وطنى السودان الحمدلله انوالخلطة عجبتك و كريم بوهلى بتاعى انتهى بعدين ان شاء الله اجيب واحد جديد اصورو ليك.
المهم يابنات امبارح بديت اتعلم الرقيص تانى و لغاية اسى انا فى جهة و الرقيص فى جهة الليلة حاجيب ورقة و قلم و اكتب الحركات كلها ان شاء الله بس ينفع و مفروض البروفة بتاعة فستانى بعدين ماشة لمدام خلود و حاتفق معاها برضو تعمل لى العمة و الشال بتاعين شيلة العريس:16: ,على فكرة رايكم شنو فى شيلة العريس دى؟؟؟؟؟

فليم الحلو مر هو رهيب شديد لكن بس زى ما قلته ليك الريحة ... لكن عارفة اى زول شافنى قال لى نورتى حتى ابو الشباب لاحظ :D .. عشان كده ما قدرته اقاوم و واصلته اعملوا ... جد نتايج سريعة و رهيبة ... و زى ما بقولوا ما فى حلاوة من غير نار ... اتحمل و بستحمى كويس و بستعمل اليوكو بعديهوا عشان يشيل الريحة شوية .... و الكرشة دى حكاية حكاية ...
انا كنتى بستعمل مويه دافيه و عليها كم نقطة ليمون على الريق لكن المشكلة نزلت جسمى كله و انا ما عايزة كده ... بس مفعولة اكيد ... و بالنسبة للتمارين انا كنته مشتركه من قبل رمضان بس المواعيد اتغيرة فى رمضان لكن عارفة لى كم تمرين للبطن كويسين شديد ... الاول: ترقدى على الارض و تمدى يدينك جنب جسمك و ترفعى رجلينك فوق و تحريكهم كانك سايقة عجلة .. و التانى: ترقدى على الارض و تمدى يدينك جنب جسمك و تضمى رجلينك و ترفعيهم من الارض لحد ما تعملى زاوية قايمة و بعد كده تبدى تزليهم شويه شوية و قبل ما تصلى الارض بشوية تثبتى رجلينك و تبدى تعدى لو حصلة 100 ممتاز لكن ما اعتقد لانو صعب شديد و بتحسى الشد فى عضلات البطنز
رايكم شنو نشجع بعض للتمارين و كل يوم كل وحدة تقول عملت كم . :7_5_122: ..
و وطنى السودان زى ما قالت ليك فليم البوهلى كويس شديد انا كمان بستعملوا للركب و الاكواع بدهنوا و معاهوا جلسرين احمر و جلسلويد ... و اللهى فى فترة ما طويلة عمل مفعول ... مع العلم انو بشرتى حساسة و ما بتتحمل اى حاجة لكن البوهلى الحاجة الوحيدة النفعة معاى... علبتوا لونه اصفر و الكتابة بالازرق و الانبوب نفس الحاجة لكن بس مكتوب عليهوا داير ما يدور بخط صغير بوهلى ... و دى هو الفرق بين الاصلى و الماصلى ... عشان كده لما تشتريهوا اتاكدى من الحاجة دى... و انشاء الله ينفع معاك...

ريحانة الف الف مبروك :icon28: نتايجك حلوة شديد .. و زى ما قالوا ليك البنات الحاجات الما كويسة المرة دى ... انشاء الله المرة الجاية تكون احسن :icon18: ... و عقبال امتحان اخر السنة ... ترفعى راسك و راس اهلك و راسنا كمان ... يلا شدى حيلك يا عسل و نسمع عنك كل خير....

شيلة العريس انا شايفة انها فكرته حلوة ... لانو هو جاب ليك برضو و شيلة العريس دى حاجة بسيطة مقارنة بالحاجات الجابة ... و بعدين بتظهر زوقك هى صحى حاجاته و حده ... عمة شال جلابية و مركوب صح ... لكن طريقة لفها و تقديمه بتعكس زوقك لنسايب المستقبل ... و لا انا غلطانه....

بنات تصدقوا أنا زهجت من كتر من أعيد كتابة الرد ده دي المرة رقم 4 الي أكتب و يقوم يرجعني للصفحة الي قبلها أأأأأأ:angry2: أأااخ تصوروا أنا حفظت النص الي حكتبوا كرد..! لكن كلو يهون .....:laugh2:

المهم ...إزييييييييييييكم أخباركم تمام..؟؟ فليم ما تقطعي عننا و شكرا على دعوتك الحللللللللللللللللللللوة الله يجزيك خير و أهلين بعودتك:biggrinlo ..جيلا والله يعينيك على ترتيب غرفتك ده براهوا مشروع :smile: ... رنده الله يبارك فيك و إن شاء الله بعدل الحاجات الشينة:biggrin: ....هدوية وينها الله يعينها ...وطني السودان أهلين بيك:happy: ..

تعالوا أحكيليكم موضوع إمتحان الرياضيات .. وزعت المس الورق بتاع الإمتحان ويلا بدت تمر على البنات الي حلو و أنا أولهم و لقت عندي غلطة و أنا في بداية المسألة حتى إني ما راجعتها لضيق الوقت و نبهتني الله يجزيها خير و لكن أدت محاضرة .... لولاها لكانت 10 درجات طارت...كنت بحل في معادلة بتاعت صحيح زي دي:
= 2
3

يلا أنا ماشة أدرس ENGLISHKOOOOOOو أدعولي و كمان يوم الأربعاء إمتحان دين ...متيييييييييييييييييين تخلص الإمتحانات دي :humm: :icon8: :icon36: تعبت نفسي في يوم ما يكون عندنا فيهوا إمتحاااااان لكن المشكلة إنو بيمر سريع لكن يوم يكون عندنا إمتحان بيمر ببطئ أنا ماشفت زييوا ... :blink: يلا الله يعين و يسهل.. صياما مقبولا و إفطارا شهيا ...في أمان الله......