يباح الخير ياحلوين..
دايراكم فى استشارة فنية على السريع كده...
اعمل شنو لشعرى للعرس؟؟؟
شعرى كويس لكن بعد ما اغسله الله لايوريكم :D و شايلة هم راجلى بعدين تجيه نفسيات و يقول لى انتو منو و مرتى مشت وين:icon33: ...طبعا مجهزة المكوة و الاستشوار لكن معقول كل يوم اقعد اكوى و استشور ده برنامج جد ..و الفرد كنت مفكرة فيه لكن بخاف منو و جد ما عارفة كريم مضمون و خفيف انا دايرة شى بس يخلى شكله حلو بعد ما اغسله...يلا فى انتظار مقترحاتكم و افكاركم و رندو ان شاء الله كمبيوترك يتصلح علشان تظهرى علينا طوالى ياعسل.

وطنى السودان الزفات الخليجية لذيذة لكنت كنت مفكرة فى اغانى مصرية او غربية او لبنانية..و لسه محتارة و الله...و ما عارفة اعمل شباين و لا لأ؟؟

ازيكم يا بنات انشالله كلكم كويسين ورمضان كيف معاكم
والناس الفي السودان
كيف السودان على حسكم اليومين دي؟؟

فليم
بالنسبة لشعرك
الفرد كويس
بس اهم حاجة ما يكون مضبوغ
لانه الفرد والصبفة ما بيجوا مع بعض
ممكن سوفت اند بيوتيفل انا استعملتو كم مرة قبل كدة ونفع معاي
غايتو فكري في حكاية الفرد دي
لكن لو عندك اي تردد ما في داعي

بالنسبة للزفة انا دايراها اجنبية
لكن لسة ما فكرت في الاغنية شنو ؟؟ ولا الاخراج كيف والشباين ؟؟؟؟

لكن دايرة اطلب منك طلب
لو بتعرفي موقع فيهو قصات فساتين رقيص حلوة دليني عليهو
لانو اشتريت قماش لزيز كلو مشغول ... لكن ما عارفة القصة كيف؟!!!

بالنسبة لجلاليب العريس جبتهم من جدة الاقمشة لكن الخياطة في السودان

انشالله كوشتي حاعملها عند امل رضوان

على فكرة دايرة اذكرك حجزتي الاستوديو ولالسة ؟؟
انا حجزت في ما جستيك

والفيديو والحاجات دي ما تنسيها

حسي انا تصدقي لسة ما عملت حاجات كتيييرة ربنا يسهل بس
لسة فستان الزفاف
وتوب الجرتك والاكسسوارات وحاجات كتيرة

غايتو ما عارفة اسوي في روحي شنو ولسة وراي تعلم رقيص

دعواتكم كلكم بس

اذيكم يابنات؟؟؟وين انتوا جد اختيفتوا بالمرة..رمضان شكلو سخن معاكم شديد..انا غايتو الحمدلله لمن الاذان يأذن باكون فى الرمق الاخير ..هاهاهاى حلوة الرمق الاخير دى مش؟؟؟
وطنى السودان كيفك حبيبتى؟؟
والله شايفة اسى سوفت اندبيوتفل طلعوا كريم جديد شكلوا كويس...غايتو عندى واحدة صاحبتى فردت بيه حاشوف النتايج عندها و بعدين اقرر...و تسلمى ياعسل على الاقتراحات..
بالنسبة لفساتين الرقيص كنت باعرف مواقع لكن ناس السودان قفلوها ما عارفة لى مع انها كويسة...مواقع هندية و اسى عندى فى الايميل صور كمية غايتو رسلى لى ايميلك على الخاص و بارسل ليك الصور مكسب.
و و رينى حجزتى عند ماجستيك لى كم صورة و بكم...انا قلت دايرة عشرين كرت مختلفين للزفاف و للبلدى 10 كروت مش مكسب؟؟؟؟
بخصوص الفيديو اتصلت بى ناس فيديو سلطان و اتفقت مبدئيا معاهم قلت الاسبوع ده امشى ادفع ليهم عربون ان شاء الله..كويسين ناس سلطان ديل و لا لأ؟؟؟؟
لكن باقى لى تصوير الرقيص دايرة لى بت محترمة و بتعرف تصور كويس غايتو ربنا يسهل بس.
يلا التعليم والله برنامج جد وصلتى وين انت؟؟؟ انا اتعلمت 6 بس و الباقى مستنية ال 5 ايام البفطر فيها علشان اتعلموا لانو بعد الفطور بقيت باتدخن و جد ماف زمن و بالصباح مابقدر اتعلم باكون تعبانة الا اكون فاطرة.
بكرة ان شاء الله ماشة لى مدام خلود اشوف فستان الزفاف شماراتوا شنو و اودى ليها فساتين الرقيص و اخلص.
بالنسبة للشباين اخواتى قالوا الشباين ماحلوين لكن انا عاجبينى..
ماوريتنى يابت المكياج ناوية على منو ان شاء الله؟؟؟

صحى يابت ما تنسى التورتة بتاعة الزفاف انا ما عارفة اعملها وين لو عندك افكار ادينا...
يلا اخليكم اسى و باجيكم بعدين ان شاء الله...

كيفكم كلكم؟
قلبي مع العروسات ..
وقلبي اكتر مع هدوية - الله يسهل عليك حملك إن شاء الله ..
ريحانة عسولة كيف القراية ؟ إن شاء الله تمام..

فليم في مجلة اسمها You and your wedding ووحدة تانية اسمها bride شفتها مرة عند وحدة زميلتي في شغلي القديم لما كانت بتجهز لعرسها.. قالت لي انو فيهو جزو مخصص بوريك تعملي شنو مثلا قبل الزواج من 3 شهور إلى نفس يوم الزواج - واقسام اسئلة عن الهدوم الداخلية - الهدايا - تبييض الاسنان وغيرو - لو بتباع عندكم في السودان اشتريها ..

وطني السودان انت كمان ممكن تستفيدي منها لانو فيها موديلات فساتين