صباح الخير حبيباتي اخباركم شنو جد مشتاقين....امبارح الحمدلله مشيت للدكتورة واتطمنت على كريم الله يخليه لي واشيلو بين ايدي قريب ان شاءالله....وخليتها تكتبلي ادوية كمية علشان لو احتجتليها وانا مسافرة وشلت منها الشهادة الطبية علشان السفر....
اها شماراتكم شنو....؟؟؟؟
ام صلوحي ليه بس الغيبة دي طمنينا عليك وعلى صلوحي حبيبة.....
ريحانة حبيبتي ياحليلك دايما تتابعي في الويكند والمشكلة في اليوكند علشان اجازة الناس نايمة ياشغالة فيالبيت يابرا البيت....انا غايتو بحاول اجيكم مرة مرة خلال اليوم....الله يخلي ليكم حمودي العسل ده ونشوفك انت احلي دكتورة اطفال..انا كان نفسي ابقي دكتورة زمان....لكن اعصابي بس مابتتحمل الطب علشان كده غيرت...الطب حلو لكن جد قراية بتاعة جدعان ودايرة ليها زول اعصابو قوية وبالوا اطول.....مش كده يا ام صلوحي ووطني السودان..الله يعينكم جد...
ريحانة من عيوني ياعسل طوالي تفتحي لينا المنتدي الجديد لكن ده لسه عليه شوية اتخيللي مرة قريت انو بيقفلوا الملف لو عدد المشاركات وصل 2000 باتاكد ليك حبيبة وبارجع ليك لكن خلاص من اسي انتي الحتفتتحي الملف الجديد....ولمن تكتبيه ياعسل ماتنسي تختي رابط الملف الاول والتاني..وهنا كمان نخت رابط الملف الجديد.....انا طبعا صحيت من 7 ماعارفة مالي جنيت مش يوم الاجازة...ستفت شنطة راجلي وانا شنطتي فاضييييية و لي اسي محتارة اشيل شنو.....طبعا كل سفرة باقول حاشيل حاجات بسيطة لكن تعالوا شوفوا فيالمطار الوزن بيطلع كم..المرة دي لكن باقطع جاف مع نفسي لازم حاجات خفيفة علشان اشتري من هناك..يلا حبيبات عندي اكل في النار اشوفوا وباجيكم راجعة....

فليمو ازيك...........شكلو السفر قرب شديد.. ان شاء الله حتنبسطوا هنا شديد
الجو من الليلة بدا يتحسن شوية ..كان حر شديد الايام الفاتت
لكن سريع عشان تحصلي الشوبينج
انتي بس امشي
oxford street and regents street
فيها معظم المحلات ..... والتخفيضات اليومين دي رهييييبة

والله بختك اللي ما قريتي طب... شقاوة وعذاب.. انا كل يوم باقول يا ريت كنت قريت حاجة ظريفة ... على الاقل كنت اشتغلت هسي... هنا عشان تشتغلي تعملي مليون امتحان ..الله كريم بس...

كيف لقيتي كرومي.... غايتو انا باموت في الالترا ساوند.. اخر مرة كان وشه مقابل الكاميرا حلاتو كان بيعاين لي... مش بيجيكي شعور غريب كدة... وخوفة ... سبحان الله ..ما قادرة اتخيل في زول جوه بطني ......ربنا يحفظهم ونشوفهم قريب ... حيكونوا زي التيمان لووووووووول... قريبين شديد لبعض:)

دايرة اقول ليكي شنو
ما تشيلي حاجة للسفر نهائي و يا حبذا لو الشنطة فااااااااضية ..لانه الشوبينج هنا مغري شديد....انا من زمان كل ما اجي لندن ..باجي بالشنطة مهوية... بس بنطلونين جينز,, وتيشيرتات خفيفة ... والحمدلله مافي برد.. يعني ما تجيبي هدوم تقيلة ...........
يلا نشوفك هنا قرييييييييييييب

ريحانة
كيفك يا عسل
انا المسا نادر ما بادخل لانه راجلي بيكون رجع من اتلشغل ونبقى في برنامج عشا واكل وغسيل عدة ها ها ها ........

عجبتني حويوات دي لوووول

ام صلوحي ورنويا وييييييييييييييييييينكم

خلاص طالما إنو الإسم عجبكم و الله شجعتونب الخطاب من كتر ما اعيد و ازيد حفظتوا عن ظهر قلب و الله كمان انا كنت مفكرة نعمل ملف يتضمن الصفحات قصدي الملتقيات الثلاث و ملتقانا ليهو يا جماعة إمكن قريب السنتين يعني المفروض نعمل حاجة صح و انا فكرت في الخطاب المميز ...
متــــــــــــــــــــــــــــــــــــــــــــــــــــــــ معــــاكم ـــــــــــــــــــــــا بعة