ماريا الطيبة :

سلام يا بنات كيف الحال والاخبار ساطورة رنوية اخبارك شنو شايفة ولدك طلع شبهك مش كدة ربنا يخيليه ليكي ياريت لو تنزلي صورته هنا لاني انا بااموت في حاجة اسمها اطفال واسمع دخليني من ضمن طالباتك في الامثال بتاعتك دي وتعال هني من متين حركة ارسال الاسامي دي عالرسائل يادوبي باانتبه ليها وعلى فكرة ناوية ارسل ليكي كاسة شاي بلبن مع بسكويت وشوية كيك صغنطوطة ريحونة كيفك يابت المدارس مسكينة المدرسة قربت انا الحمد لله باقي لي تقريبيا شهر ونص او شهرين عشان تفتح الله يكون في عونك لكن يابت هونت كلها سنة وراح تنتهي بس اسمعي لازم تتمتعي بكل لحظة الي باقي ليكي في المدرسة احلى سنة مرت في حياتي هي ثالث ثانوية وراح اسمع كلامك بنسبة للعشى وراح اسوية وااااه بااموت في حاجة اسمها الاسود هو شي اساسي في اي غداء او عشى بااعمله وحمد لله على سلامة جدو يا بختك ياريحونة ياما كان نفسي يجي بس الظروف ما كتبت لينا اسمعي لازم تدلعيه شديد اكتر من ابوكي وامك اوكي عيوني فليم اخبارك حبيبتي كيف مسوية شفتي امي باين عجبها الوضع هناك ولسه ما قامت لكن جوازه حينتهى يوم 16 اغسطس فلازم ترجع بسرعة وخلال اسبوع دي او الجاية ان شاء الله بتكون هنا هسى ترجعي بسلام ان شاء الله من لندن وما تنسينا وقولي لي البيبي قاعد يديكي شلوت ولا كيف بحكم انهم شاطرين في الحاجات دي وربي يهون عليكي وعلى فكرة استغل سفرة لندن عشان شهر عسل جديد ليكي بحكم انك بعيد من النسابة النيل دي وبعيدة من الضغوطات حبيبتي بلدي حبوب كيفك وكيف الاخبار الي عندك تعالي هنا هو انتي ساكنة في السعودية ولا كيف ومبارك على العرس رغم انها متاخرة شوفي بنسبة للاسود حبيبي والمكرونة وبطاطس القيمة و المفروكة (يات احسن الباميا-ويكة-ملوخية) ديل سهلين لكن الشية ما بعرف اعملها والكفتة عمرها ما بتظبط معاي لو عندك طريقة ادينا عشان اعملها بيها بالنسبة للقهوة انا الي وصفتها هي قهوتنا اريتريا لكن سالت ام صحبتي وقالت لي الفرق بين قهوتنا وقهوتكم وان شاء الله بس بتظبط معاي روحي وطني سلامتك الف سلامة عليكي شدة وبتزول ان شاء اله المهم انتي هسى لازم تهتمي بروحك شديد خلاص ايامك قربت وبتفرج ان شاء الله المهم انتي استحملي غلاسات الكم يوم الي باقي ليكي وربي معاكي ام حبيبي صلوحي عتبان عليكي عتب وين الصور الي وعدتينا ليها بتاع صلوحي وهو هسي كيف اخبار حبيبي هو وشقاو بتاعتها واسمعي يابت لازم تدرسي من هسه من الساعة دي كمان او كمان حاولي تاجليها لو ما تقدري تذاكري ولمن تفرج بقى كلميهم عشان تكملي حبيبتي جيلا وينك اخس عليكي بتختفي بالطريقة دي فجا حمد على السلامة كيفك وكيف اخبارك وكيف اخبار المدرسة ولندن شنو عملتي فيها اسمعي ياويلك تختفي هسه وارجعي على فكرة دايرة اقولكم متقدم لي :arb: واحد سوداني جعلي بااديكم التفاصيل بعدين :22: بس هو مبدئيا داير يشوف راي عشان يكلم ابوي

سلام يا بنات كيف الحال والاخبار ساطورة رنوية اخبارك شنو شايفة ولدك طلع شبهك مش كدة ربنا...

بلدى ياحبوب :

ايووووووووووووووووووووووووووووووووووووووى يوووووووى يوووووى مبروك يا ماريا تستاهلى وانشاء الله ابو الشباب :arb: يطلع تمام عشان نهجج معاك وربنا اتمو ليك على خير ... اها كيف لقيتينى بالزغاريد:) ايوة حبيبه انا فى السعوديه وما عندك اى مشكله بهجج معاك فى العرس. عاينى بالنسبه للمفروك احن الباميه ساهله...والكفته طبعا تجيبى اللحم المفروم وياحبذا ما اكون جاهز طازج احسن وقومى طعميه بالبهارات المشكله والملح مع الزيتوشويه بقسماط ويلا لفيها لوبتاكلوها ناشفه اقليها ساى ولو بالدمعه بعد القلى كبى ليها طماطم مخاوط مع شويه صلصه وخليها تتسبك وبالهنا...

ايووووووووووووووووووووووووووووووووووووووى يوووووووى يوووووى مبروك يا ماريا تستاهلى وانشاء الله...

ماريا الطيبة :

يابلدي خجلتني شديد:35: نفسي اتعلم الزغاريد حقكم حتى لو حيصير الموضوع ابوي حيرفض كالعادة عشان دراستي حيقول اولا خلصي دراستك بعدين على راحتك وفكري بالعرس زي ماانتي داير وطبعا دراستي داير ليه سنتين تقريبيا وبصراحة الولد على حسب ما شفته وسمعت عنه كويس وااخلاقه عاجبني بس ما بيني وبينك بعد ما شفت العذاب في سفرية امي من البيت من مسؤلية وتعب والارهاق وتتحمل كل اغلاط الي بتحصل قلت احسن ااجل موضوع العرس وهو سمع بالخبر طبعا وقال ماعندوا مشكلة ينتظر سنة بس وبعدها حيجي يكلم ابوي بس هسي قال حيعمل معرفة عائلية (اهله واهلي )عشان يتعرف في ابوي بذات وبعدين يقدر يدخل على الجامد ذكرتيني ببتي خالتي متزوجة دائما بتقول لي دايرين نهجج في حاجة حقتنا يااختي ما ترضى وتريحينا وتتزوجي كل ما رحنا العرس بتقول اااااااااه نفسي اهجج ياناس طيب انتي وين في السعودية بالنسبة للكفتة راح اجرب طريقتك وارد ليكي خبر ان شاء الله انها تنجح لانها دايما بتفشل معاي بنات عندي صحبتي عزيز علي شديد اختها حتتزوج ان شاء الله في عيد الفطر طبعا يوم الحنة حااقوم ارقص لانهم بيعتبروني منهم وفيهم وانا بصراحة ما بعرف كيف الرقيص بيصير فداير منكم لو وحدة بتوريني شنو اعمل في الموضوع دا لان اخواتة العروس ما بيعرفوا ابدا يرقصوا فعشان انا احسن شوية حخيلوني ارقص غصب ودي انا متاكدة منها فنفسي اتعلم من هسي مساكين انتم كل يوم ناطة عليكم بطلب بس اعمل شنو انتوا خليتوني اتعلق بيكم

يابلدي خجلتني شديد:35: نفسي اتعلم الزغاريد حقكم حتى لو حيصير الموضوع ابوي حيرفض كالعادة عشان...