هييي يابنات عليكم الله وروني انا لسه جديدة واول رمضان..بالنسبة للحمة المفرومة الفرق شنو بين لحمة البشاميل ولحمة الملاحات..لحمة البشاميل يعني بنعمل فيها الصلصة وكلوا وكده ولحمة الملاحات نحمرها بس؟؟؟؟؟طيب لحمة البشاميل ممكن نعمل فيها شطة خضاء ولا بتخرب لو اتجمدت لاني بحبها جد...
يلا الشي التاني انا ماحصل مرة عملت سمبوسة ادوني وصفة كويسة ليها واحسن نوع ورق لف ....يلا تاني شنو؟؟؟باجيكم بعد شوية
flame4me
•
ازيكم يا عسل... موضوع رائع يا ام صالح... بالنسبه لموضوع رمضان انا عملت القيمه وجهزتها وعاوزة الف السمبوسه اجهزها وتانى فرمت كميه من الثوم وختيتها فى الثلاجه وانشاء الله حامشى الاربعاء حاجيب التين والخشاف والتمر وصدور دجاج ونقانق لحمه وافرزنهم وحاشترى شوربه ماجى الجاهزة لانو زوجى بحبها +شوفان للشوربه التانيه. اما بالنسبه للعصيدة امى الله اديها العافيه رسلت لى الحاجات ناشفه ماعلى الا اعملها.. العصاير طبعا فواكه مخلوطه او جاهز وقت الزنقه.. اما المنيو بتاعى الثابت سمبوسه وشوربه وبعدهم زوجى بمشى الصلاة وبعد داك سلطه زبادى وسلطه حمراء والعصيدة وحاجه تحمير بالنسبه للفول ابو الشباب بحب الجاهز لانو بقول لى البيتى اول يوم بس ولونه بتغير... بالنسبه للعدة اشتريت رمضان الفات طقم بتاع شوربه وكم جك وشويه كور وصحون عصيدة ودة للعزومه الرجاليه.. بالنسبه للعيد له ما فكرت فى الموضوع دة بس ورونى الجديد؟ اما الاهتمام دة اهم حاجه وعليكم الله عاوزة لى حاجه فعاله وماعاوزة خلطات ما عندى خلق ليها كريم سريع كدة.ازيكم يا عسل... موضوع رائع يا ام صالح... بالنسبه لموضوع رمضان انا عملت القيمه وجهزتها وعاوزة...
ازيك يا فليمو وسلامتك وربنا اقوم ودعمتك بالسلامه.
rnoya
•
كلام تمااااااااااااااااااام يا ام صالح انا نسيت اكتب لحمة المكرونه بالبشاميل والبيتزا بس الكفته راجلي ما بحبها بس ممكن تتعمل مشويه صاح؟ عندك فكرة بتتشوي كيف يا ام صالح؟
يلا طوالي نزلي منيو الشهر وتكوني ريحتينا من معاناة تقيله
الدجاج يا بنات هنا في السودان بقى اكل الملوك فقطططططططط هل تصدقو انو اتعدم وبقى ناااااااادر وقدر الفي بي 25 الف الكيلو !!! يعني 50 درهم يا ام صالح !! يعني الدجاجه الوحده بي اولموست 90 درهم!!!!!!!!!! صدقاو لا تصدق فطبعا حيبقى في رمضان ده حق الضيوف بس
حاجه تانيه 2 كيلو لحمة فليتو للبفتيك حتكون بشكه كويسه
موضوع الملايات حلوة شديد يا ام صالح بس ما بتفتكري انو الملايات دي تقيله شديد؟ عارفه انا ما شفتهم في الحقيقه لكن خاته في بالي انهم زي البطاطين ولا ما كده؟
موضوع الشال والمركون عيوووووووووووووووووني ليك حبيبتي بس وريني اشتري ليكي خام الشال من هنا(غالي حوالي 120 درهم من المركز السويسري للاقمشه) ولا ترسليهو لي واشتغلو ليك؟ ووريني مقاس ابو الشباب كم واقرب زول جاييكم منو وخلي الباقي علي
الباقين شنو الموضوع ما لذيذ ولا شنو؟؟
يلا طوالي نزلي منيو الشهر وتكوني ريحتينا من معاناة تقيله
الدجاج يا بنات هنا في السودان بقى اكل الملوك فقطططططططط هل تصدقو انو اتعدم وبقى ناااااااادر وقدر الفي بي 25 الف الكيلو !!! يعني 50 درهم يا ام صالح !! يعني الدجاجه الوحده بي اولموست 90 درهم!!!!!!!!!! صدقاو لا تصدق فطبعا حيبقى في رمضان ده حق الضيوف بس
حاجه تانيه 2 كيلو لحمة فليتو للبفتيك حتكون بشكه كويسه
موضوع الملايات حلوة شديد يا ام صالح بس ما بتفتكري انو الملايات دي تقيله شديد؟ عارفه انا ما شفتهم في الحقيقه لكن خاته في بالي انهم زي البطاطين ولا ما كده؟
موضوع الشال والمركون عيوووووووووووووووووني ليك حبيبتي بس وريني اشتري ليكي خام الشال من هنا(غالي حوالي 120 درهم من المركز السويسري للاقمشه) ولا ترسليهو لي واشتغلو ليك؟ ووريني مقاس ابو الشباب كم واقرب زول جاييكم منو وخلي الباقي علي
الباقين شنو الموضوع ما لذيذ ولا شنو؟؟
flame4me
•
وصفة كويسة للسمبوسة يعني خلطة جميلة للحمة المفرومة وخلطة جميلة للجبنة لاني بحبها باللجبنة جد......بالنسبة لبرنامج العيد والملايات مستنية اختي حتجي بالمناسبة يوم الخميس ان شاء الله ونبدا نجهز ملايات العيد والولادة ان شاء الله..فكرة هدية لراجلي دي عاجبني ومفكرة فيها...هي بيحب النافورات الصغيرونة واحواض الاسماك كنت مفكرة اجيب ليه قولدن فيش ونافورة صغنتوتة لكن الجلابية حلووووةة بس وروني اعملها كيف هنا؟؟واللون الحلو شنو؟؟؟؟
الصفحة الأخيرة
رنوية يا بشكة...ازيك و الله لقيتك خطيرة ما شاء الله عليك مع انك لسة وا ادعكت في العرس لكن خلاص بقيتي خبرة، عجبتني أفكارك لرمضان مرتبة و حلوة شديد....شكرا كتير على المعلومات المهمة بخصوص التياب....و طبعا من وصفك شهيتيني في تياب ساريه، رسلي لي نمرته و بالمناسبة الا تجيبي ليها توب و تشتغله و لا ممكن تجيب من عندها؟ و ما قلتي لي أسعارها كيف؟ سلام لحمودي و بسرعة شوفي ليه حاجة للعيد ما ممكن أمه و أبوه بس ال اتقيفوا!!
أم صالح..ما شاء الله عليك شكلك بتحبي التنظيم من خلال اقتراحاتك لشهر رمضان، يلا ورونا أفكاركم عشان نستفيد من الخبرات العندنا...و اتا في انتظار الخلطات القلتيها يا عسل، سلام شديد لصلوحي...
بلدي يا حبوب..كيفك يا عسل و كيف البنوتة الأمورة؟ أها ورينا خبراتك انت كمان و منكم نستفيد...
ياجماعة فليم مسجلة غياب شديد!!! ربنا يطمنم على ود عمتها ...
سلام للجميع...بجيكم تاني قبل ما أطلع من الشغل...