انا الحاجة المزعلاني انب عندي ابو ديمقراطي جدا ومتفهم جدا كان نفسي اعرس زول نسخة من ابوي مرات لمن ازعل منو شديد بقول ليهوا دي عدم ثقة بقولي لا لكن انا ما بكون مرتاح بس

يلا يا بشكات انا مارقة شوية كدا وبرجع ليكم تاني

يااااااااااااااه قلبتو علي المواجع طبعا انا راجلي قرا في الاهليه وهسه ضابط لكن نهااااااااااااااااااائيه ما عندو شغله بالبنات وانا كنت بموت في حاجه اسمها ونسه مع الاولاد!!!6طبعا في ناس فسحتهم ساي وناس خاويتم خوة جميله خلاص برضو اتنين لكن بعد العقد مباشرة مسك موبايلي مسح كل الارقام بتاعة الاولاد حتى الخياط وبتاع الامجاد كلللللللللللو مسحو ومنعني تماما من اي نوع من انواع الونسه حتى مع اولاد خالاتي مع انن اتربينا في بيت واحد في البدايه فنجطت وكنت بتحرفن لكن بعداك اتشغلت وبقيت زاتو ما فاضيه للحرفنه خخخخخخخخ
تعرفي يا سرو هو لو كان عندو صاحبات كنتي حتحسي بي احساسو صدقيني اصعب احساس انو تتصل بي راجلك وحده تتونس معاهو !!!!!!!!!!!! فانتي خليكي لذيذه وما تقطعي الناس فجأه بس بعد شويه براها علاقتكم حتخف وتنقطع صدقيني واذا واحد فيهم اتزوج بكون مكسب بعداك انكم تعملو قروب مش؟

ما المشكلة يا رنو انوا خلاني اقطعا مرة وحدة صدقي انا ما عندي مشكلة يكون عندوا صحبات والله كنت صاحبتم زاتوا لكن هو قاطعا مع البنات ناشف غايتوا على قولك بعد شوية بتعود انا بس مشكلتي عدم الموضوع هو البخليني افكر في المشاكل لكن ادعو لي يابنات في محاولات كدا لشغل انشاء الله اول ما امشي السودان القا المسألة دي اتحلت
لكن عليك الله يارنوا ما بتشتاقي للونسات يحللللللللللللليل الجامعة

يا بت هو جنس شوق واجمل احساس في الكون لما تكوني بتتونسي مع واحد وعارفاهو مكسر فيكي وتعملي رايحه يااااااااااااااااااااااااااخي انا بموت في النوع ده من الساديه خخخخخخخخخخخ
فعلا كلامك صح يا سرو عارفه انا كنت اول ايام زواج تاكله في البيت وانا بي طبعي شكاله وعصبيه وتعااااااااااااااااالي شوفي انواع المشاكل المختلقه لكن هسه والله بعد ما ولدت واشتغلت ماعندي وكت زاتو اتشاكل!!!! وبنوم زي الجنازة ما بتلفت لما اشوف السرير..فصدقيني لو اتشغلتي حتنسي اصحابك ديل نسيه اصلا حتى مع اهلك حتكابسي عشان تلقي وكت تعملي اهم الواجبات عشان كده نصيحتي ليكي اتشربكي ليك في اي حاجه كسري بيها الزمن..حترتاحي والله وورينا حاجاتك مشت كيف