Cute_niNO :

فليم... الله يسهل عليك و يسلمك انت و البيبي... ما تقلقي ساي... مرات الدكاتره بيكونوا قاصدين يبقوا extra carful بللا إتوكلي واعملي اللي بيقولوا عليه و انشاء الله كلو حيكون على خير ما تحبي و ترضي....

فليم... الله يسهل عليك و يسلمك انت و البيبي... ما تقلقي ساي... مرات الدكاتره بيكونوا قاصدين...

بلدى ياحبوب :

ازيكم يا بنوتات مشتاقين... لولو الحمدلله بقت كويسه من التطعيم امبارح جاتها حمى الساعه 3 صباحا قمت حميتها بالليل داك وعملت ليها تحميله وهسه الحمد لله ميه ميه.. فليم حبيبه ربنا انشاء الله مااديك عوجه وما تخافى وانشاء الله كرومى اطلع ليك كويس واحيانا الدكاترة ببالغو شويه بس انتى كمان ما تهملى فى روحك وارتاحى ولو حكمت اخدى اجازتك.. رنوكيفك يا عسل والله ضحكتينى بى دعوتك دى دعوه حلوة .يا تى ما تخافى وانشاء الله تتعدل.. ام صالح زى ماقالو ليك البنات اخدى اجازة ارتاحى فيها .انا برضو كان بجينى صداع واتضح انو من الدم بعيد عنك دمى ضعيف فاحتمال دمك ضعيف.. وطنى كيفك حبيبه ومستنين تورينا تيابك:) بوسى لى كريم. روزة يا عروسه كيفك وسكنتى العين ولا طلعتى منها وفى ياتو حته؟ المهم يا عسل عاوزين اخبارك الحلوة.. كيوت كيفك وكيف المذاكرة ؟؟؟اخلصى منها سريع وتعالى لينا. سرو كيفك يا عسل والرجيم ماشى كويس؟ هدويه اختفيتى ارجعى لينا. الباقين سلااااااااااااااااااااااااااام مربع..

ازيكم يا بنوتات مشتاقين... لولو الحمدلله بقت كويسه من التطعيم امبارح جاتها حمى الساعه 3 صباحا...

مجنونة أمها وأبوها :

ازيكم يا قوم الليلة الخميس انترنت ورقيص هههههههه ياخ اكتشفت اني مدمنة نت فعلا من اخر مرة دخلت مستنية الخميس دا يجي عشان عندنا فيهو محاضرة واحدة بس بلقى وقت ادخل نت >>> سنة يا انا دي كلها مشغوليات ههههههه روز ازيك حبيبة مشتاقيييييييين مش قلنا ما تنسينا؟ شنو يعني الخيانة والغيبة الطويلة دي بانتظار الشمارات رنوية وين يا عسل مبروك رغم الكتبتيهو دا كله لكن انا متأكدة انو ألم الولادة دا احلى حاجة في الدنيا كلها ولو لا قدر الله حصل وعرست هيكون السبب الوحيد ( وخلي بالك من الوحيد دي ) عشان احمل واولد وابقى ام يا اللااااااااااااااااااااااااااااااااااااااااااااه انا ما تخلينا نحلم خلينا في الطرد احسن خخخخخ فليم الأخبار تمام التمام اخبارك انت شنو ان شاء الله تقومي بالسلامة وربنا يسهلها عليك سروية ازيك حبيبتي كيفك ناني ازيك يا عسل ولادتك متين؟ وطني كيف احوالك واخبارك هدوية الله يعينكم ويجعلها آخر الأحزان بلدي وعليكم السلام والرحمة مافي خميسات للأسف الظاهر البهدلة اول اسبوع بس >>>> والله في المحاضرات بالانجليزي اخش المحاضرة من بدايتها لنهايتها اقهي سااااااااي بس الله يستر لكن والله الجامعة حلوة بالجد وانا ناوية ان شاء الله استمتع بكل لحظة فيها ام صالح (احسن حاجة اقوم اشوف حاجة اشربها <<<< دا الفالحة فيهو) تشربي تشربي ولا تشربي التانية؟ سلمي لي على صلوحي وسلامتك كيوت سلامات ماما حبيبتي بالاكتر اها كيف مع الشغل؟ انت عرسك متين؟ يا جماعة انتو بتتكلمو عن الولادة بالطريقة دي ليه؟ انا ما حصل شفت ولادة الا في التلفزيون لكن مهما كانت صعبة ما قادرة اتخيل غير انها اجمل حاجة في الدنيا ومهما كانت مؤلمة البجي بعدها يستاهل متذكرين زماااااان لمن قلت ليكم انو الوحدة لما يبقى عندها اولاد المفروض تنسى الدنيا وما فيها وتتفرغ تماما لي بيتها ؟ كوني اكون ام دا هو السبب الوحيد الممكن يخليني ابعد عن امي وابوي لو ممكن استحمل بعادهم عني العمر كله ما حاستحمل الم ساعات ولا حتى ايام انا عن نفسي مستعدة اتخلى عن أي حاجة كان شهادة كان راحة كان غيره بس عشان البيبي البجي احم ( شوفوا اول ما تلقوا الاحمات دي معناها عايزة حاجة ) وطني وام صالح ( مش انتو الدكاترة بتاعننا؟ ) خبرتكم مع الجامعة؟ لو موضوع عدم الفهم كان في اللكشرس ولا من المراجع دا استمر انا ما بنفع كلكم كنتو في البداية زيي ولا انا براي محيت من مخي حاجة اسمها انجلش لاني بالجد بديت اقلق واخاف وفي حاجة تانية كنت عايزة اشتري قاموس انجلش – عربي لكن امي قالت لي ما اشتريهو قلت ليها ما بفهم قالت لي شوفي النوتس البدوك ليها الدكاترة وانا بقراها معاك لكن الاساتذة قاعدين يتعززوا فينا وما عايزين ادونا ليها قامت قالت لي اني لو قريت مرة بالعربي ما هانفع عمري كله قلت ليها انا ما عايزةاترجم الكلام كله بالعربي لا كلمة كلمتين بس قالت لي على كيفك ومشت وابت تديني اسم قاموس علمي وانا حاليا مشتتة ما عارفة اعمل شنو امي من جهة تقول كلام والسناير الفي الجامعة يقولوا كلام والدكاترة يقولوا كلام اعمل شنو؟

ازيكم يا قوم الليلة الخميس انترنت ورقيص هههههههه ياخ اكتشفت اني مدمنة نت فعلا من اخر مرة دخلت...