flame4me :
بلدي السودان لمن تشتري الكواليتي ستريت لمي لي المثلث الاخضر بليز اخ باموت فيه جد...... بالنسبة للبطن يابنات خوفتوني من الكريم البعملوا ده مع انو الصيدلي قال لي للحوامل وهو ذاتو مكتوب عليه للحوامل...ربنا يستر بس...حأسال الدكتورة اشوفها بتقول شنو.بلدي السودان لمن تشتري الكواليتي ستريت لمي لي المثلث الاخضر بليز اخ باموت فيه جد...... بالنسبة...
om salih :
ااااااااااااه والله ختيتي ايدك علي الجرح انا باداوم من 8 ل4 حياتي ملخبطة :twirl: وانا مرهقة جدا وما عندي زمن لاي حاجة انا لي 6 شهور الان بشتغل وللان ما قادرة انظم وقتي حالتي جدا صعبة :( ( ما صدقت فتحناها :biggrin: ) عندي شغالة في البيت بس مع كدا بودي ولدي الحضانة بخاف جدا من قصص الشغالات وما ادراك ما الشغالات برجع الساعة 4 وعلي بال ما اتغدينا وارحت شوية بلقي الليل جا وولدي جدا متعب ( عسولي ) عايز طول اليوم متابعة لانو حركته كتيرة مع انه لسة بيحبي :04: بس موريني الويل ما بيعمل الا الحاجات الخطرة عايز يلمس الكهرباء يقلب سلال المهملات يطلع السلم يكسر الكبابي والصحون و... و....دا ناهيك عن السهر مرات لغاية 4 صباحا ولازم اصحي تاني يوم الساعة 6 :06:ااااااااااااه والله ختيتي ايدك علي الجرح انا باداوم من 8 ل4 حياتي ملخبطة :twirl: وانا مرهقة...
flame4me :
الله يعينك يا ام صالح جد حالة صعبة وانا شايلة ليها هم من اسي...غايتو لوقعدنا في قطر باخلي كل فترة واحدة من اخواتي تجيني وماما تجيني...زول يساعد بس انو يراعي البيبي..الشغالات مقرفات وانا اسي شغالة من 9 لي 6 لكن بعد الولادة حيدوني ساعة رضاعة ان شا ءالله يعني من 9 لي اربعة لاني حاخد كمان ساعة البريك الفي النص. الشغالات جد متعبات لكن شايفة صاحبة ماما جابت شغالة اثيوبية معاها من السودان والصراحة عسل وزي الاخت ونظيفة وبتحب العيال...لكن باقول بدل الشغالة وقلقها والحضانة ومصاريفها اجيب اخواتي في اجازتهم منها يغيروا لي جو ويونسوني ومنها بالي يفضي....عندي برضو حماتي هنا ممكن اودي ليها البيبي لكن مابحب اتقل على الناس.... اسي مع الحمل ده متفقين مع واحد يجي مرة في الاسبوع ينضف البيت .بيجينا بعد الدوام زي ساعتين وينضف كل شي لانو اصلا بيتنا صغيروني..اوضة نومنا وصالون وصالة ومطبخ وحمام....اما غسيل العدة باخلص منها اول باول والطبيخ باطبخ بس يوم الجمعة والسبت لانو اجازة وباقي الايام كل واحد فينا انا وراجلي بيتغدي بره..والعشاء طبعا ماشغالة بيه راجلي بيعملوا..هو ماشاء الله شاطر في الاكلات السريعة لانو كان ساكن براهو 5 سنين لما كان طالب. لكن عارفة جد الواحد تعبان..وماعندو وقت...لي أي شي..ياحليل ايام الفضاوة والطلعات والنوم و التساريح والروقة... العيال في السن ده كلهم متعبين جد شكلهم الله يعنيك عليهم ويحفظهم..والحضانة دي نظامها كيف لاني سمعت انو علشان تودي البيبي الحضانة اقل شي لازم يكون عمرو سنة.الله يعينك يا ام صالح جد حالة صعبة وانا شايلة ليها هم من اسي...غايتو لوقعدنا في قطر باخلي كل فترة...
بالنسبة للبطن يابنات خوفتوني من الكريم البعملوا ده مع انو الصيدلي قال لي للحوامل وهو ذاتو مكتوب عليه للحوامل...ربنا يستر بس...حأسال الدكتورة اشوفها بتقول شنو.