كوبونات الراقية تسجيل الدخول

flame4me
flame4me •
اصلا ابهات الشباب(جمع ابو الشباب:hahaha: ) كلهم مابيحبوا الشوبينج ياساتر...كل ما امشي معاهو شوبينج ارجع زعلانة...اسي من مميزات الشغل ده اني البت زميلتي بتطلع معايا فبقيت مابامشي معاهو شوبينج...يعني حصل استقلال من الناحية دي...:) .
اسي كل يوم يشوف الاكياس اقول ليه لا لا اشتريت في التنزيلات ان ماعارف الشنطة بي 30 ريال وهي تكون بي 90...غايتو ياحليلو داقس معايا لانو عمل لي فيزاكارد وانا باشتري بيها...ساعات بادفع من فلوسي...لمن احس اني كترتها يعني.....:42: .
يلا يابت التاكسي وصل اشوفك بعد ساعة ونص ان شا ءالله....
om salih
om salih •
flame4me flame4me :
ان شاءالله بعد كم شهر ابدا اشوف الحضانات اخبارها شنو هنا واستفسر..دايرة اساللك عن الرضاعة كنتي بترضعي البيبي طبيعي لغاية الشهر الكم؟؟؟ طبعا راجلي نفس حركات راجلك..يوم الجمعة والسبت الا يتدخل في الطبيخ حقي..وزيدي الصلصة وكتري البصلة...ماسكني السنة كلها عندو مثل غبي بيقولوا لي الفول زيت والحلة بصل وصلصة...صلصة دي زايدها من عندو طبعا....وبس اطلع من المطبخ اجي القاهو لعب في طبيخي وزود حاجات ...:eek: .لكن ساعات بانتقم منو واعمل شطة كتيرة لانو مابيحبها..واقول ليه ماقاصدة...:42:
ان شاءالله بعد كم شهر ابدا اشوف الحضانات اخبارها شنو هنا واستفسر..دايرة اساللك عن الرضاعة كنتي...
لغاية الان برضع طبيعي في الاوقات الموجودة فيها وخلاف ذلك حليب اطفال بالرضاعة ومن الشهر الرابع دخلت ليهو الوجبات بس هو ما بياكل كويس بيحب الرضاعة وتصوري لو مت ما ياخد مني انا بالرضاعة لكن من اي زول تاني واكون انا ما موجودة حتي لو ابوه مثلا يرضع تمام بس انا عارف انه عندي حاجة تانية والتانين لو رفض الرضاعة ما هندهم بديل
ماريا الطيبة
ماريا الطيبة •
سلام عليكم
دا شنو اغطس شوية تطلعوا كلكم وتظهروا
المهم انا بعد تاريخ 20 راح اظهر وحاشد الونسة معاكم
بس خلوني اخلص امتحانات
ام صلوحي مرحبا بيكي عندنا على فكرة انا بحب اسم صلاح بشكل جنوني ما عارف ليه
هسه اتمنى لو ربي كتب واتزوجت وخلفت وجبت ولد اسميه صلاح بس ان شاء الله يرضى ابوه ويظهر قبلها عندي اولا

فليم واحشني موت موت كيف اخباركي انتي والبيبي قولي لينا بدا يتحرك ولا لسه

البقية بعدين راح اكتب ليكم بس ما تزعلوا مني لاني مستعجلة هسي
سي يو
om salih
om salih •
ماريا الطيبة ماريا الطيبة :
سلام عليكم دا شنو اغطس شوية تطلعوا كلكم وتظهروا المهم انا بعد تاريخ 20 راح اظهر وحاشد الونسة معاكم بس خلوني اخلص امتحانات ام صلوحي مرحبا بيكي عندنا على فكرة انا بحب اسم صلاح بشكل جنوني ما عارف ليه هسه اتمنى لو ربي كتب واتزوجت وخلفت وجبت ولد اسميه صلاح بس ان شاء الله يرضى ابوه ويظهر قبلها عندي اولا فليم واحشني موت موت كيف اخباركي انتي والبيبي قولي لينا بدا يتحرك ولا لسه البقية بعدين راح اكتب ليكم بس ما تزعلوا مني لاني مستعجلة هسي سي يو
سلام عليكم دا شنو اغطس شوية تطلعوا كلكم وتظهروا المهم انا بعد تاريخ 20 راح اظهر وحاشد الونسة...
ماريا شكرا ليكي وربنا يحقق الاماني :)
flame4me
flame4me •
أم صلوحي البيبي مستهبل جد ياحليلو وبتاع حركات....الله يخليهو ليك يارب ويخليكم ليه...ماقلتي لي اخترتوا اسم صالح ليه....؟اسم نادر شوية مش؟؟؟لكن حلو جد ومعناهو جميل ويارب يطلع ليكم صالح وتقي..انا للاولاد باحب الاسماء القوية المعناها كويس...لو جبت ولد:arb: ان شا ءالله ناوية اسميه ساجد..علشان يكون ساجد طوالي لي ربنا..اما لو بت حادلعها جد واشوف ليها اسم دلوع شديد:26: .
ماريا الطيبة ياحليلك حبيبة جد وحشتينا..كل مرة تجينا شوية وتمشي كده ماحلو جد..على العموم حنستناك حبيبة في الموعد القلتي عليه وبعديه ماحنقبل منك اي اعذار..البيبي لسه بدري عليه الحركة ياحليلو يادوب في الشهر التلت انا.....لكن تمام ماعندو عوجة مشيت شفتو قبل اسبوع واتطمنت عليه الحمدلله..اها قرايتك كيف شدي حيلك يابت شديد دايرين نشوف نتايج حلوة....واظهري علينا كل فترة طمنينا على امتحاناتك ماشة كيف..دايما بادعي ليك حبيبة...:26: