salaaaaaaaaaaaaaaaam ya bnaaaaaaaaaat

أذيكم يابنات......مشتاقين......معليش جاية مستعجلةبس حبيت اقولليكم انو البيبي ان شاء االله الدكتورةقالت ولد....يلل ادونا اسماء اولاد حلوة....في امان الله وباجيكم راجعة قريب....

ازييييييييييييييييييييييييكم و الف الف الف مليوووووووووووووون مبروك يا فليمو و يلا عقبال ما نسمع الخبر الحلو و نشوفوا عسووولي زي حمودي اخوي كلهم عسووووليين و كمان بالنسبة للأسامي صراحة في اسمين سمتهم خالتي لولديها الأول -مهيمن-الي هو معناها مسيطر و كمان مُيسر كانو حيسموهوا و غيروا لمؤمن و اسم عسل و كمان ادهم و ايهم اسامي عاجباني و لكن ما عارفة معناها لمن اشوف و كمان في كتاب في مكتبة جرير شوفتوا و كان بيختص بالأسامي الجميلة و الاحلى كان عنوانو على ما اذكر اجمل اسماء البنات ده كتاب براهو و التاني للأولاد اجمل اسماء الأولاد صراحة انا لقيت انو كلنا اسامينا من اجمل الاسماء انا و اخواني و ماي بيرنتس -الوالدين - و شوفي لو لقيتيهوا عموما اسماء الحبيب المصطفى كمان روووعة و مافي احلى منها يلا قولي لينا اخترتي شنو و بشرينا ....بلدي يا حبوب دي شنو المرورة السريعة دي ..؟؟ عندي ليكم شماااار سفرنا قرب و الابواب اقتربت عشان نسافر و كمان شايفة نتائج الثانوية طلعت و الله مبشرة و كمان كلهم قالوا الإمتحانات كانت سهلة و عسل لكن التربية قالت عايزة تغير من اسلوب الإمتحان و كمان قالت عايزة تعمل درجة للنشاط و ده الماحلو يعني نفضي لقراية و لا نشاط ؟؟؟ غايتوا ربنا يسهل لينا دي مرحلة صحي هي الفيصل لكن برضوا لازم انظم الوقت و اجدول وقتي و اشد حيلي و احاول اعتبرها زي اي سنة عادية و ان شاء الله تسمعوا اسمي من بين العشرة الاوائل على الدولة بس ادعولي ما تنسونا و ربنا يوفق الجميع و ان شاء الله ما اختفي من كتر الدح هههههههههه يلا حبيباتي و ما تقطعوا و يلا في امان الله

ازيكم يا حبايب ياعسولات الحمد لله اخيرا رجعتوا اتلميتوا من تاني انشاء الله لمة في الحرم يارب وشايفة في نا س جداد كمان معانا انشاء الله عقبال مليون مشترك
والله جد مشتاقة ليكم شديد والف والحوامل اخباركم شنوا مع الحمل والتعب والبنوتات الحلوات اخباركم شنوابالنسبة لاخباري انا طبعا زي ماقلت ليكم شهر 7 دا بتم ستة شهور بالضبط لعرسي وبالنسبة لشمارات العرس الحمد للة كان لزيز شديد وبالزات يوم الرقيص طلع روعة شديد وسافرنا في نفس اليوم مصر صحي تعبنا في السفر لكن شهر العسل كان روعة احلا ايام حياتي لحدي اسي كل يوم بزكروا مع انوا مصر كانت باردة شديد لكن امبسطنا ومرقنا وهيصنا المهم بعد داك رجعنا السودان وكانو ناس ماما لسة قاعدين مامشوا السعودية نزلنا معاهم ولقيت طبعا حاجة ضايقتني شديد صوري طبعا ما طلعت حلوة لاننا مشينا ماجستيك بعد الحفلة لانوا راجلي جاني متأخر عن صفاء فقررنا نمشي بعد الحفلة والتسريحة باظت وصور الجرتك انا جبت وحدة صورتني في الصالة الرقصت فيها فيلم كامل وقالت بتعمل ليهوا خلفيات وتمنتجوا طبعا نص الصور اتحرقت منها وبالذات الاحمر كلوا اتحرق وظهر منوا صورتين بس مرقتم بالعافية طبعا انا لحدي اسي زعلانة شديد من موضوع الصور الدا زكل ما اشوفا اتغاز واقول لي راجلي انت السبب لانك جيتني متأخر لكن برجع بقول قدر وعلى قول ناس ماما كويس العين جات في الصور ما في شي تاني

بعد داك طبعا ناس ماما سافروا وانا مشيت بيتي سكنت في شمبات وبقت المشكلة قعده البيت والمجاملات والحاجات الما متعودة عليها دي وطبعا اي مرقة امشيها لازم اكون محننه ومزبطه لانوا انا عروس ولا بشيلوا حسي الناس ودا اكتر شي زهجني مع اني زمان بحب الحنة في الناس وبقول المرة دي محيهة ودي لا بس ما قايلاهوا موضوع صعب كدا واهل راجلي بحبوا الحاجات دي ما ممكن امشيليهم ما محننه وما مدخنة وطبعا براي كنت بلخبط الحنة لخبطة اطريت كل مره اجيب وحده تحنني غايتوا اسي لما جيت لي ناس ماما ادتني كورس بقيت اعرف اعملا براي والله انتوا يا ناس بره مرتاحين من الحاجات دي ناس السودان مابريحوا زول مالك ما اتحننتي مالك مامدخنة انتي عروس ومناسبات وحالة صعبة