صباح الخير ياعسولات...كيفكم الليلة..الليلة انا الحمدلله صاحية رايقة وكوول ...ان شاءالله دايما جد....:26:
ام صالح الله يعينك...شدة وتزول وتعب اسي لكن راحة بعدين..اخ انا بس لو القي لي طريقة ماستر في البلد دي...الحمدلله لكن....برضو شدة وتزول.
رنوية حبيبة بامشي ليك الاسبوع ده ان ش اء الله..الويكند ده زي ماقلت ليك مشغولية وزيارات ومشينا بس جبنا شنط السفر و كم حاجة لزوجي العزيز علشان السفر...لكن نص الاسبوع باقدر امشي من الشغل انا وصاحبتي واجيب ليك شمارهم ماتقلقي.....اها انتوا وريحانة حتعملوا لينا حزب الحلبة في المنتدي...معاكم البت جيلا برضو..(الحلبة هنا قصدي اللون بس ماقصدي حاجة كعبة)على فكرة ياريحانة كنت بتسالي عن جيلا وبلدي ياحبوب...جيلا في لندن اجازة وبلدي ياحبوب في الامارات عندهم عرس هناك.. يلا بختهم وان شاءالله يرجعوا لينا قريب.....ام صالح كويس الوضحتي لرنوية انا كنت بس حابة اتاكد من جنسية ماريا لكن ماكنت لاقية الصفحة...

هيييه ام صلوحي وين القائمة الوعدتيني بيها عن حاجات البيبي؟؟؟؟؟عارفاكي مشغولة لكن اي شي....ان شاءالله حاجات بسيطة..دايرة اسالكم برضو عن فساتين النفاس....انا لقيت قمصان نوم طويلة ومعاها ارواب حلوة كده وتقيلة ماشفافة...اجيب من ديل ولا اشتري شنو..الصراحة الجلاليب مابحبها..والتياب حاسة بيها سغالة راقدة في السرير ولابسة توب...انا شفت كم محل هنا وقلت اشوف في لندن برضو احتمال القي حاجات احلي...وروني رايكم شنو ولو عارفين محلات كمان قولوا

صباحكم طلة الياسمين يا ام صالح وفليم
زبط يا فليم شوفي لي الشمار
والله يظهر لينا هوما عارفه يا فليم بما انك بتجهزي للولاده ياخ كندا وامريكا ديل فيهم عددددددددده لا حولاااااااااا بششششششششتنه ورقاد واطه! كلام عجيب بس خساره انا ما بقدر اطلب اي حاجة من هنا لانو السودان محظور اقتصاديا فقلت ارسل لي اي وحدة من حبايبنا هناك
بصراحه حاولت اتواصل مع تاجرات من المنتدى وحابو لي نفسيات لانهم بختو عموله كبيره شديد عجبوني كاسات هم في اوزون بي 14 دولار وهي عارضاهم بي 60!
يا بنات انا عندي مشكله
انا ما بحب اشتري حاجة والقاها عند زول ابدا بتجيني نفسيات يعني ما بحب الحاجة المعتاده العند الناس كلهم على الرغم من كده اني مستحيل ابخل على زول بي معلومه او اتغاتت عليهو تفتكرو انا مفلهمه؟ راجلي بقول كده اهئ اهئ
ومره تانيه ماريا لكي العتبى حتى ترضي

فليمو انا اشتريت للنفاس قمصان نوم طويله بي ارواب وكنت بخت جمبي توب او قماش مشغول شديد نفس لون الفرش ويوم السمايه لانو كان عندي حفله كنت لابسه جلابيه طويله مطرزة شك تقيييييييييل وكانت حلوة شديد وغريبه
مممم حاجات البيبي يمكن ام صلوحي تفيدك اكتر مني لانو متطلبات البيبي هنا ما زي متطلبات البيبي برة وانا ولدت في الشتا فكان مستحيل اطلع بيهو حتة عشان انتي عارفه برد السودان
ولي عوده

تسلمي لي يا رنوية ياعسل وجد لو دايرة شي باقول ليكم وخالتك مستقرة في قطر ولا جاية زيارة؟؟بخصوص الشكل يلا جد ماقصة سماحة لكن بس شكل مميز...ويلا انا عكسك مابحب الشكل المميز,جد بتكرهي حياتك...مافي زول بيقدر ينساك حتي لوشافك ووين وين...وده جد ماحاجة كويسة...يعني احيانا بتلاقي ناس متذكرين حاجات واماكن شافوك فيهاانتي زاتك بتكوني نسيتيها ونسيتي انك مشيتيها....راجلي اسي بقي يتضايق من الحكاية دي ولوماشيين محل صعب يخليني انزل من العربية...اتخيلي قبل يومين لاقاهو واحد هو زاتو ماعارفو منو قام قال ليه انا فلان من وكالة السفر(الوكالة الحجزنا منها لسفرتنا دي) وبس طوالي قال ليه وين مرتك مامعاك..راجلي طبعا جاتو نفسيات...اصلا انا مشيت معاهو مرة واحدة بس...واصلا ماكان دايرني انزل لكن قلت ليه ماممكن احجز اوتيل من غير ما اشوفو....,علشان كده تعالي شوفي كل مانجي طالعين البسي وماتلبسي واعملي وماتعملي....غايتو الله يهديني واتحجب بس وارتاح..انا بقيت افكر في الموضوع ده كتير جد....دعواتكم لي بس....