فليمو يا حلوة انا ارواب النوم كلهم جبتهم من الامارات كان في جزء بتاع الشيله ما لبستو طبعا خخخخخ ما تسرحو بعيد الموهييييييييييم وجزء جابتو لي ماما لما سافرت وحاجات غاليه لي اول ايام لانو الضيوف بكونو كتار وحاجات متوسطه للايام الباقيه عموما كانو من السوق القديم في الامارات والمركزي ونعومي ودبن هامز بس ما تشتريهم غالين شديد لانهم حيتركنو في الدولاب بعد الولاده!
يا ستي انا ولا مميزة ولا حاجة وراجلي برضو مطلع صليبي بي البسي وما تلبسي وامشي وما تمشي! ووالله جد انا المحتاجة للهدايه لاني بديت مشروع الحجاب زي مرتين وبعت القضيه! وهسه بحب دايما لما البس توب البس بودي نص كم او ربع خخخخ وجيبه قصيره وافك شعري انا فظيعه يا بنات ومشوار هدايتي طوييييل وشيطاني قوي والحاجة دي مزعلاني من نفسي شديد
عليك الله يا فليم وريني بالتفصيل الممل عملتي شنو مع ناس الارامكس؟ واساسا كنتي بتشتري الحاجات كيف من السودان؟ ما نحن هنا ما عندنا لا فيزا كارد لا اييييييييي حاجه لسه بنستخدم النفاج والحمام الزاجل بليز وريني بالتفاصيل الممله جدا بتعملي شنو لو حتى علخاص عشان ما نزحم الناس
ريحانه زبط معناها حتنزلي مع ناس حبوبتك او خالتك او كده؟ طيب حيخصصو ليكي غلرفه يعني؟ ويسمحو ليكي تغيري عفشها؟ عموما ما تشتري عفش من هناك تعالي هنا واشتري
ام صالح قصدك sleeping bag طبعا مرييح شديد في شيل البيبي خصوصا للمبتدئات الزينا اشتري منو 2 على الاقل حاجة تانيه اشتري فوط صغيره عشان تختيها على كتفك ليه؟ اول ليكي بعد ما ترضعي البيبي لازم ترفعيهو على كتفك شويه عشان يطلع الهوا فلو طلع حاجة على كتفك حيزفر ليكي هدومك والا تمشي تغيري كل ساعتين!!!
احكي ليكم موقف بشع شديد..اول ما ولدت حمودي كان صدري مجرح شديد وكانو النسوان المعتوهات بقولو لي ما توقفي الرضاعه ابدا وكنت ببكي وبرضعو ويوم بعد ما رضعتو رفعتو في كتفي وقام استفرغ دم وقمت جدعتو لي عمتيي واتدردقت في الواطه وقعدت امعط شعري واسرخ قايلاهو مات!
لا حولاااااااااااااا محمد ولدي ده شيبني وعذبني عذاب ان شاء الله كريم يكون احسن حالا
غايتو

حلوة لايوقين دي يا ريحانه بس اوعك تقوليها في الجامعه قولي لواييييييييييق خخخخخخخخ

تسلمي ام صلوحي وجد نصايحك فادتني شديد يديك الف عافية حبيبتي.....طوالي سجلتها في النوتة ..ياحليلو البيبي جد حيكون بردان انا طبعا طبيعي بردانة في الصيف باكون بردانة...هو كمان ان شاءالله حيتولد عز الشتاء...الله يسهل بس....
ريحانة بخصوص الشحادين الله يفتحها على الجميع يارب..والواحد يدي قدر مابيقدر والله اعلم بالنوايا..انا بس لو شاب صحته كويسة مابديه يشتغل احسن ليه....

رنوية جد ده موقف مرعب ..انا من اسي خايفة والله .....يلا ربنا بيسهل....يلا انا ذيك تقريبا في لبس التوب ..موضوع الارامكس خلينا نقولوا هنا علشان الناس كلها تفهم الحاصل وتستفيد...اول اوردر ياستي عملتوا لسه ماكنا خشينا عصر العولمة..راجلي كان بيقرا في مصر الزمن داك ..انا اتفقت مع ناس الويب سايت اني ارسل ليهم الفلوس بالويسترن يونيون من مصر اوكي وهم شحنوها لي بشركة اسمها UPS بس بعد داك بكم يوم اتصلوا بي ناس البريدالسريع قالوا لي جاكي طرد تعالي استلميهو.....انا كنت طالبة فيتامينات بل-فود بتعرفيها؟ ناس المك نمر الحرامية بيبعوها بي 250 الف للعلبة انا لغاية ماوصلتني كلفتني 100 الف بس...الطريقة دي لكن خطرة..انابس لاني وثقت في البت الامريكية وارتحت ليها قمت حولت ليها الفلوس باسمها وهي طلعت زولة مكسب.....لكن بعد داك كم شركة تاني ادوني رقم حساب حولت فيه الفلوس...الشركة لازم يكون في الموقع حقها علامة VeriSign دي معناها ان الموقع مضمون....اوكي...يلا بعد ماراجلي اشتغل هنا عمل ليه فيزاكارد خاص بالنت واشترك في الارامكس دي....هم بيدوك صندوق بريد في امريكا وبريطانيا..وانتي لمن تشتري شي بتكتبي رقم صندوق بريدك الفي امريكا او بريطانيا..وهم بيوصولوا ليك..بتدفعي على اول نص كيلو تقريبا 8 دولار وبعد داك على كل نص 5.5 دولار..انا جربته مرتين طلبت مرة مكواة شعر ومرة مكياج وفي الحالتين مكسب كان....بس ما اعتقد عملية لو طلبتي حاجات تقيلة لانك حتدفعي كتير للوزن....

شوفي يابت لوناس ارامكس السودان لسه ماعندهم الخدمة دي وانتي محتاجة اي شي من بره ممكن اعمل ليك الاوردر من هنا وبعدين اشوف زول يوصل ليك السودان مكسب معاكي ياعسل ..؟