والنعم بالله. .قصدت المسؤولين طبعا..جزاك الله خير

شكرا لتفاعلكم يابنات
ياليت نلقى حلول يمكن تطبيقها خصوصا بالمدارس
مانبي الجيل الجديد يشوف اللي شفناه قبل
صحيح يمكن بعضكم يقول طلعوا جيل صح. ويتحمل المسئوليه
لكن صدقوني جيلنا فيه كثير من العقد النفسيه اللي واضحه انها من الطفوله

بصراحه ، انا اكثر وحده تنمر عليها بالمدرسه من الطالبات
اما المعلمات كانو يموتون فيني لاني كنت ممتازه جداً واحترمهم
طبعاً عشان نعدل حتى الطالبات أوقات يتنمرو ع المعلمات
معلمات الجيل هذا اغلبهم جداً خلوقات ويتعاملون مع البنات باحترام ويشجعونهم
اذكر لمى كنت ادرس بالمتوسط كان فيه شله بنات صف ثالث وانا كنت ثاني
لكني كنت اكبرهم سناً لاني كنت موقفه دراسه ورجعت كملت
لكن جلست شهر او شهرين ألقى تنمر بشكل كبير والله العظيم مو مدح لنفسي انا انسانه جداً بسيطه لكن مافيني هذاك العيب او الصفه الي تلفت الانتباه
اذكر وحده كان اسمها شهد الله يستر عليها ويسامحها كانت هي اكثر وحده تتعبني ف المدرسه لدرجه اني حولت انتساب بسببها
فعلاً كنت اشتكي للمعلمات لكن م احصل منهم وقفه
اقدر ارد عليها لكن كانت دايم تواجهني هي وشلتها يوم اكون لحالي
ومره وصلت فيها انها تفسخ البلوفر حقي بالغصب وترميه
ف الارض وتدعس عليه يعني تمسحه ف الارض زي المنشفه
مع ذلك كنت دايم أتجاهلها واتجنبها أضيفو كمان ان وقت السنه هذيك كان عندي رهاب اجتماعي لكن مو بشكل كبير بس كنت أعاني جداً منه ف كان الوضع معايه مررره صعب ومتعب لدرجه م تتخيلونها
والحمدلله تعدل وضعي
اما البنت هذي توفت امها وصارت انسانه من حالها في شانها
لمى طلعنا الثانوي كنت اشوف بعيني وهم يتنمرون عليها وشلتها كلهم تركوها صدقوني صح كانت تتعبني بس والله العظيم كنت احزن عليها لانها مو بس انا الي كانت تتنمر عليها ع بنات المدرسه كلهم لان شلتهم كانت تعتبر اسوء شله بنات ف المدرسه وقويات جداً
طبعاً التنمر يصير بأي فتره من فترات الحياه لكن التربيه هي اهم شي بالموضوع اذا ربيتي بنتك انها تكون واثقه من نفسها وتواجه وقويه ولا تسمح لاحد يقلل من قيمتها بأحترام وادب
لكن بعض آلامهات ما يعرفون عن الاشياء ذي بالذات امهاتنا الي كبار بالسن نفس امي الله يطول بعمرها ويحفظها ❤️
والمعلمات مرح يسوون شي يا انها بتهزء الطالبه او تكتب عليها تعهد بعدها تنسى الموضوع وترجع هذيك تتنمر لان المتنميرين م يردعهم الى الشخص نفسه الي يتنمرون عليه
والحمدلله رجعت اعيش حياتي طبيعي ومن يومها م عاد اذكر ان احد تنمر عليه وتخرجت نسبتي ٩٨ والحين اخر سنه لي بالجامعة
والبنت هذي اسمع من البنات انها م عاد تدرس 💔

بصراحة قلتي شي كنت مترددة اقوله
الاولين فيهم انواع العقد والجهل باصول التعامل مع البشر
ودي افتح موضوع ...

صار لي موقف لما كنت بأول متوسط
طبعا التنمر كان من جهة المعلمه
وماقدرت اسامحها ولا قدرت انساه
وبالصدفه صارت وحده تقرب لها عندي في السناب
رحت ارسلت لها قلت قولي للمعلمه فلانه اني ما اسامحها ولا احللها والله لايوفقها وجعلي اشوف اللي صار فيني يصير فيها