شوفي حبيبتي خلي تغييرك يوم طلعتك باشياء مو دايمه خليها موقته
مثلا البسي فستا نااااعم وسوي تسريحه مو لازم قص وصبغ والا قصي على خفيف بس خلي قصتك الاساسيه لرجع
واهم شي قولي له المفاجاه لرجعت لا يحس انك ماهتميتي فيه
خليه يحط ف باله انه هو السبب
ولاتنسي يوم الطلعه خليها بفندق واستمتعي بكل الخمس الايام قبل يسافر
ولايهمك كلام الناس
اهم شي سعادتك انت وزوجك
طنشي وعيشي حياتك انت وعيالك
وبعدين حطي ببالك ان بعد خمس ايام من الطلعه خلاص بتصير حياتكم عاديه
يروح شوقك لبيتك ولزوجك واستقرارك
واذا سافر بتكوني بلشه بالنونو والسهر

تبين الحق


اريح لك والله


بقولك ليش


-الكريمات والتنظيفات و و و ماتجيب نتيجه في شهر او اربعين يوم كل ماطولت جابت النتيجه الاروع فتخيلي تعتنين بنفسك ثلاثه شهور زياده على شهر النفاس اكيد النتيجه احلى ..


-بما انك مجربه الامومه قبل فأكيد عارفه يعني ايش نونو جديد في العائله يعني باختصار قلللللللللق الوحده تطلع من نفاسها ماادري تقابل النونو والا زوجها والانفسها والاعيالها الباقين والا بيتها مرررررره قلق لو سافر زوجك بتتفرغين اكثر لنفسك والبيبي ولما يرجع ماشاء الله بيكون عمر البيبي اربعه شهور يعني بيخف شوي البكاء والصياح وقومة الليل ..



-تاخذين فترة نقاهه واستراحه بينك وبين زوجك علشان تشتاقون لبعض :27:


-بعدين زوجك مسافر اجباري ماسافر عباطه والله فيه حريم كثير مايتسلطون ازواجهم على السفر الا فترة النفاس وبعدها قمة القهر


استغلي الايام الباقيه وانبسطي مع زوجك سوي تعديلات بسيطه مثل تشقير وقص وحلاوه بس
اما الحمام المغربي والدلكه والصبغه فخليها بعدين ان شاء الله
لو تقدرين تسافرين انتي وياه خلال الكم يوم تغيرين جووو سواء مع الاولاد او بدون .
لو تقدرين تخلين عيالك عند امك او اختك وتاخذون ليله او ليلتين بفندق تكفي والله تغير جووو ..


اهم شي لاتبينين انك مو قد المسؤوليه ولاتبينين انك طفشانه ومتضايقه من السفره اوكي قولي كان ودي نجلس مع بعض و مشتاقه لك وكذا بس ماتطفشينه وهو يمكن متضايق بس غصب عنه

الله يسخره لك ويبعد عنكم شياطين الانس والجن ويخليك ملااااااااك بعيونه يارب

من جد والله انكم اكثر من خوات ..بارك الله فيكم