حوذانه :

عدنا من جديد نسيت احط لكم حمرتين انا شريتهم من بوبا الاولى تجي قلم عريض رقم 9 انا اقول انها مشمشي واختي تقول لا اورانج في كل الحالات لونها روعه والثاني تجي في علبة شكلها صدفه لون الروج صدفي وبالوسط وردة حمراء اللون روعه روعه روعه ويمشي مع اي قلم تحديد شفايف حبيت اقولكم عنه للأمانه * البلوشر * بورجوا الوردي الفاتح ما ادري كم رقمة لأنه طاح مرة وانكسر وحطيته في علبة ثانية البرونز رقم46 مبروك الوردي رقم 12 ديور الكريمي برونز رقمة 458 ويستخدم حمره وشدو بعد بلوشر ماكس توتش برونز وفيه لمعه رهيب اذا بشرتك سمره حطيه على كل وجهك يعني فاينل توتش بلوشر فيه درجتين من البرونز من ريد ستار اعتقد رقم 4 ومن محلات المنصور ماركة البون رقم 04 لونين اورانج وبصلي روعه وعندي علبه اسمها بلوش اون فيها 12 لون للسهرات روعه لأن الوانها قوية لونها اسود والكفر شفاف من الهنود واي احد يشوفها عندي يقولي اكيد مو من الكويت اقولهم اي من فرنسا :D * الشدو * شارمل البليته اللي فيها 12 لون انا اخذت الاسود اللي فيه غلتر والبرونز والذهبي والاوف وايت والابيض والاصفر والازرق الفاقع والاخضر الفاتح والغامق والبنفسجي الغامق والفوشيا لأن هذي الالوان الاساسية وتقدرين تخلطينهم ويطلع عندك فوق الاربعين لون وعلبة الصيف اللي نزلوها اللي فيها 12 لون وعجبتني لأن الفواتح اللي فيها تناسب البليته يعني مكمله وفيها الكحلي والزيتي والبني زيادة علبه من محلات المنصور اسمها دي كليو فيها درجات الرمادي والازرق والبنفسجي والاخضر والاحمر والوردي والبني والاورانج والبرونز وعلبه من الهنود اسمها داني الوانها مات حلوه ومناسبه للنهار وباليتة مبروك اللي فيها 5 الوان انا جربت الاورانج والازرق والبني حلوين وعندي علبه فيها شدو وبلاشر وبودر اساس جابتها لي اختي من البحرين كل محتوياتها روعه حتى البودر رهيييب اسمها TAILAIMEI الشدو الاسود الكريمي من شارمل للسهرات روعه وحطي فوقه شدو عادي يعطيك ثبات اكثر وعلبه شدو فيها اربع الوان من ريد ستار رقمها 1 ومن شسيدو علبه فيها ثلاث الوان ذهبي وابيض ولمعه اوف وايت انا اخلط الالوان الثلاثة واحطها فاينل توتش على وجهي كله والنتيجة لمعه روعه ماهي فاقعه ولا ابيض واجد لون مناسب والشدو الكريمي منهم بعد انا جربت اللونين البيج مع الاسود يجون في علبة وحدة شفتو عيون اليسا وتوزيع الاسود على جفنها وتحسين فوق مافي لون بس شوي لمعه هذي العلبه اهي اللي تعطيك هالنتيجة * الفاينل توتش * من فلوريل وردي على صدفي رقم008 من شارمل اللحمي رقم 06 من غيرلان البرونز رقم01 مكتوب عليه باورد برونزا هذا المختصر ( حشى ماعرف الاختصار ) واسأل الله ان اكون افدتكم

عدنا من جديد نسيت احط لكم حمرتين انا شريتهم من بوبا الاولى تجي قلم عريض رقم 9 انا اقول انها...