على قيد الحياه🐜

هاي القديمات لكم وحشه مادري موجودين ولا افلحتو🥺
لي سنه وعليها مالي بالاسريه
حملت حولت قسم الحمل والامومة احسبه مهجور دخلت كم تجمع اسال انا باي قسم زي اللي تدور شعبتها وتدور كرسي فاضي👀🌝😂ماعرفت له مره اشهرهم بالميلادي واحسب كاتبين بالتجمع شهر الحمل وهم حاطين اشهر الولاده تعرفت على بنات يفتحون النفس كلنا بنفس فتره الحمل عشنا مراحل الوحم والتعب واللهفه والانتظار والكشف لجنس الجنين والولاده والحين التربيه مع بعض بس نقلنا قروب واتس وسناب كل عيالهم يهبلون احبببببببهم كانهم عيالي بعمر ولدي وشهدنا على كل شي نفاس ووجع واكتئاب ومشاكل ولهوم وانظمه ماعرف شي يعلموني على اشيا كنت اجهلها وطلعه الاربعين ومغص وسخونه واسنان ولما ينقلبو ويحبو واول كلمه كل شي مع بعض نوثق لبعض بالتصوير🤣😂😂😂😂😭❤️

مريت بفتره يوه ضغط ضضضضغط وحده بثالث والثانيه روضه ورضيع شيليني ولا اصيح هو من ثاني يوم ولاده بالمستشفيات كل مره يتعب المستشفى روتين وتعود خلاص على الشيل😤 وانا اللي مشرفه على المنصه طبعا وبعد المنصه فقره الواجبات وورعي بيدي مالاقي وقت لروقاني والجوال زي قبل اقول لاختي احس اني فقدت لهفتي للحياه ماني قد حمل ثلاثه ماشاءالله كاني عايشه بس عشان اخلص اشغال😢 يأست صرت ام همها بس عيالها كل شي جاهز اخذو حاجتهم حلو الواجبات نامو خلاص ارمي نفسي انام ساعه الروقان بعد ماينامون ودعتها 🦧🦧

الحين ولدي كبر ماشاءالله صار عمره٨شهور انتظم نومه وصرت اخليه يلعب بالمحبس والمشايه يجلس خلاص اطول بالحمام زي الاوادم اخذ راحتي التفت لنفسي اطلع اتابع مسلسلاتي رجعت ساعه الروقان بعد ماينامو

ورجعت للمنتدى حبيب آلبي 🌝😂😂