على نفس الطريق!!

على نفس الطريق اللي يوديني على فرقاك
غفيت وماوعيت الا وأنا واقف على بابك



حبيبي أعترف لك ليه أكابر ماقدرت أنساك
لأنك باأختصار أحساس متمكن ومتشابك



أحبك كثر مايبست عروقي من ضما لقياك
أحبك كثر مارد الغلا وينك؟ وغنابك



أحبك من هنا من كثر ماحبك عشقت هناك
هنا ودَع وعاش هناك يفرح بك ويشقابك



أحبك كثر ماصبحك تنفس روعتك باأدراك
أحبك كثر ماضج المكان بوحشة غيابك


أحبك كثر مابخلك حرمني طلتك ماأقساك
أحبك كثر ماغار الكحل من صفة أهدابك


أحبك كثر ماليل المواجع شاب من دعواك
كساه الشيب لكن صان قدرك يحسب حسابك



زرعت الحب في بستان عشقك والحصيل أشواك
ياكثر أشواك صدك خاف ربك ماأبرد أعصابك



تعال الوضع ثابت ماتغير والعوض ذكراك
دخيلك ويش نوحك؟ زاد نوحي نوخ أركابك



عليك الله وأمانه دوك جرحي لايغيب أدواك
أنا من غيرتي ماأحب عطرك وأحسد ثيابك



كتبتك دون غيرك واتهجى طلتك وأقراك


من العنوان والفهرس ؟ دخيلك تسأل كتابك




على نفس الطريق اللي يوديني على فرقاك


غفيت وماوعيت ألا وانا واقف على بابك