(على نياتكم ترزقون) سبحان الله

السلام عليكم كيفكم خواتي هذي قصة قالتها لي جارتي وتقول انها صايرة في ديرتها من قديم .واهم شئ عندي في القصة ان نثق انة من يعتقد بالله ماخاب وهذا تذكير لكل اخت انها لجات تاخذ اي علاج لاي مرض كان تعتقد بالله انة راح يكون علاج شافي لها من بعد الله وبيجعل ربي لها باذن الله سبب شفاء فية لاحد يقول يلة وصفولي علاج وبنشوف ينفع ولا لا كذا غلط تذكري اختي من توكل على الله فهو حسبة مابي اطول عليكم.
تقول ان فية واحد من قريتهم زوجتة مر عليها سنوات ماحملت وتقول من قديم ماكان فية مستشفيات الا قليلة وتكون بعيدة عن القرية وفية ناس من قريتهم نصحوة يروح لمستشفى يبعد عن قريتهم مسافة قليلة عاد هو اقتنع يوم صلى الفجر قال لزوجتة يلة نروح مشوا يوم وصلوا الا المستشفى مسكر بعذرة رايح بدري مرة وما شاف الا الحارس جالس عند الباب قال لزوجتة انتظري بروح اسال ذاك الرجال راح لة قالة انا ابي الدكتور قام ذا الحارس يوم ماشاف حولة احد قال انا الدكتور وش فية قام علمة سبب مجيئة ان زوجتة ما حملت ويبيها تحمل قام قالة علاجها بسيط فرح الرجال وقال وشهو واثر ذا الحارس الله يسامحة استقل جهل الرجال وقال خل العب علية قال شوف بعد ماتجي زوجتك وتخلص خذ حبة فلفل و-------- اكيد فهمتوا ولا تعلم زوجتك انك بتسوي كذا فرح الرجال مسكين وقال طب سهل شكرة وماقصرت يادكتور وخذ زوجتة ورجع لما جاء الليل طبق الرجال وصفة الدكتور الحارس الا تشب الحرمة وتدعي على زوجها ولية تسوي كذا وزعلت وراحت بيت اهلها لاكن الرجال ما همة كثير متامل بالله ان ذا علاج وبينفع وترك زوجتة عند اهلها بس يسال عنها بعد شهر الا اهل الحرمة يبشرون الرجال زوجتك حامل سبحان الله من فرحتة خذ خروف راح بيشكر الدكتور الحارس يوم وصل وشافة الحارس هرب الحارس خاف يفكر انة جاي بورية شغلة انة ضحك علية.سبحان الله على نياتكم ترزقون والله هذا كلام جارتي وتقول انها قصة حقيقة قديمة حصلت عندهم. اسال الله العظيم رب العرش الكريم ان يرزق كل من يتمنى الذرية ويجعلها قرة اعين لهم امين.


وهذي قصة ثانية انا لما ذكرت لامي القصة قالت سبحان الله صارت مثل ذا القصة في ديرتنا تقول ان اول فية بدو رحالة يجون في موسم معين يضربون خيامهم في بر الديرة يجلسون فترة موسم وبعدها يشدون رحالهم تقول كان فية بدوي يرعى الغنم وفي طريق رجعتة لخيمتة يمر على البيوت وكانت عيونة مريضة الله يكفينا واياكم بالرمد تقول وهو مار على البيوت لقى حرمة جالسة بعباتها على باب بيتها سلم عليها السلام عليكم ردت عليكم السلام سالها عيوني تعبانة من الرمد ماتعرفين علاج لي ياحرمة قالت الا لحظة تقول امي دخلت وقالت هذا يقول في عيونة رمد خل احط فعيونه رماد وشعرفني بعلاجة تقول امي ان الحرمة تقول انا بس بلعب علية وجابت من المشب الرماد وحطت في عيونة وراح لخيمتة وهي تضحك علية مصدق مسكين يوم جاء ثاني يوم وكالعادة مر على البيوت وهي جالسة تنتظرة تبي تضحك علية وتعلمة انها لعبت علية الا يوم وصل عندها قام يشكرها ويدعي لها وقال ان عيونة طابت ولاكأن مر علية شئ ويقول لها وش تطلبين جزاء علاجك لي ( سبحان الله المسبب)